2013 جىلعى 6 تامىز استانا, ۇكىمەت ءۇيى
حالىققا قىزمەت كورسەتۋ ورتالىقتارى ارقىلى كورسەتiلۋگە جاتاتىن مەملەكەتتiك قىزمەتتەردi iرiكتەۋ قاعيدالارىن بەكiتۋ جانە قازاقستان رەسپۋبليكاسى ۇكىمەتىنىڭ كەيبىر شەشىمدەرىنىڭ كۇشى جويىلدى دەپ تانۋ تۋرالى
2013 جىلعى 6 تامىز استانا, ۇكىمەت ءۇيى
حالىققا قىزمەت كورسەتۋ ورتالىقتارى ارقىلى كورسەتiلۋگە جاتاتىن مەملەكەتتiك قىزمەتتەردi iرiكتەۋ قاعيدالارىن بەكiتۋ جانە قازاقستان رەسپۋبليكاسى ۇكىمەتىنىڭ كەيبىر شەشىمدەرىنىڭ كۇشى جويىلدى دەپ تانۋ تۋرالى
«مەملەكەتتىك كورسەتىلەتىن قىزمەتتەر تۋرالى» 2013 جىلعى 15 ساۋىردەگى قازاقستان رەسپۋبليكاسىنىڭ زاڭى 6-بابىنىڭ 6) تارماقشاسىنا سايكەس قازاقستان رەسپۋبليكاسىنىڭ ۇكiمەتi قاۋلى ەتەدi:
1. قوسا بەرىلىپ وتىرعان حالىققا قىزمەت كورسەتۋ ورتالىقتارى ارقىلى كورسەتىلۋگە جاتاتىن مەملەكەتتىك قىزمەتتەردى ىرىكتەۋ قاعيدالارى بەكىتىلسىن.
2. مىنالاردىڭ:
1) «الەۋمەتتىك ماڭىزى بار قىزمەتتەردىڭ ولشەمدەرىن بەكىتۋ تۋرالى» قازاقستان رەسپۋبليكاسى ۇكiمەتiنiڭ 2011 جىلعى 14 قاراشاداعى № 1334 قاۋلىسىنىڭ (قازاقستان رەسپۋبليكاسىنىڭ ءپۇاج-ى, 2012 ج., № 2, 41-قۇجات);
2) «حالىققا قىزمەت كورسەتۋ ورتالىقتارى ارقىلى كورسەتiلۋگە جاتاتىن مەملەكەتتiك قىزمەتتەردi iرiكتەۋ قاعيدالارىن بەكiتۋ تۋرالى» قازاقستان رەسپۋبليكاسى ۇكiمەتiنiڭ 2011 جىلعى 8 جەلتوقسانداعى № 1503 قاۋلىسىنىڭ (قازاقستان رەسپۋبليكاسىنىڭ ءپۇاج-ى, 2012 ج., № 7, 140-قۇجات) كۇشى جويىلدى دەپ تانىلسىن.
3. وسى قاۋلى العاشقى رەسمي جاريالانعان كۇنiنەن باستاپ كۇنتiزبەلiك ون كۇن وتكەن سوڭ قولدانىسقا ەنگiزiلەدi.
قازاقستان رەسپۋبليكاسىنىڭ پرەمەر-مينيسترi س. احمەتوۆ.
قازاقستان رەسپۋبليكاسى ۇكىمەتىنىڭ 2013 جىلعى 6 تامىزداعى № 799 قاۋلىسىمەن بەكىتىلگەن
حالىققا قىزمەت كورسەتۋ ورتالىقتارى ارقىلى كورسەتىلۋگە جاتاتىن مەملەكەتتىك قىزمەتتەردى ىرىكتەۋ قاعيدالارى
1. جالپى ەرەجەلەر
1. وسى حالىققا قىزمەت كورسەتۋ ورتالىقتارى ارقىلى كورسەتىلۋگە جاتاتىن مەملەكەتتىك قىزمەتتەردى ىرىكتەۋ قاعيدالارى (بۇدان ءارى – قاعيدالار) «مەملەكەتتىك كورسەتىلەتىن قىزمەتتەر تۋرالى» 2013 جىلعى 15 ساۋىردەگى قازاقستان رەسپۋبليكاسىنىڭ زاڭى 6-بابىنىڭ 6) تارماقشاسىنا سايكەس ازىرلەندى جانە حالىققا قىزمەت كورسەتۋ ورتالىقتارى (بۇدان ءارى – حقو) ارقىلى كورسەتۋ ءۇشىن مەملەكەتتىك قىزمەتتەردى ىرىكتەۋ ءتارتىبىن ايقىندايدى.
2. حقو ارقىلى كورسەتىلەتىن مەملەكەتتىك قىزمەتتەردىڭ سانىن ۇلعايتۋ مەملەكەتتىك كورسەتىلەتىن قىزمەتتەردىڭ ساپاسىن جانە وعان قولجەتىمدىلىكتى ارتتىرۋ ماقساتىندا جۇزەگە اسىرىلادى.
3. وسى قاعيدالاردا مىناداي تەرميندەر مەن انىقتامالار قولدانىلادى:
1) اقپاراتتاندىرۋ سالاسىنداعى ۋاكىلەتتى ورگان – اقپاراتتاندىرۋ جانە «ەلەكتروندىق ۇكىمەت» سالاسىنداعى باسشىلىقتى جۇزەگە اسىراتىن ورتالىق مەملەكەتتىك ورگان;
2) مەملەكەتتىك قىزمەتتەر كورسەتۋ سالاسىنداعى ۋاكىلەتتى ورگان – مەملەكەتتىك قىزمەتتەر كورسەتۋ سالاسىنداعى باسشىلىقتى جانە سالاارالىق ۇيلەستىرۋدى جۇزەگە اسىراتىن ورتالىق مەملەكەتتىك ورگان;
3) ۆەدومستۆوارالىق كوميسسيا – اقپاراتتاندىرۋ سالاسىنداعى ۋاكىلەتتى ورگان جانىنداعى حقو ارقىلى كورسەتىلۋگە جاتاتىن مەملەكەتتىك قىزمەتتەردى ىرىكتەۋ جونىندەگى ۆەدومستۆوارالىق كوميسسيا, ونىڭ ەرەجەسى مەن قۇرامى مەملەكەتتىك ورگاندار مەن قوعامدىق ۇيىمدار ۇسىنعان ۇسىنىستار مەن كانديداتۋرالاردىڭ نەگىزىندە اقپاراتتاندىرۋ سالاسىنداعى ۋاكىلەتتى ورگاننىڭ بۇيرىعىمەن بەكىتىلەدى;
4) مەملەكەتتىك كورسەتىلەتىن قىزمەتتەردىڭ ءتىزىلىمى – مەملەكەتتىك كورسەتىلەتىن قىزمەتتەردىڭ سىنىپتالعان تىزبەسى.
2. مەملەكەتتىك كورسەتىلەتىن قىزمەتتەردى ىرىكتەۋ ءتارتىبى
4. حقو ارقىلى كورسەتىلۋگە جاتاتىن مەملەكەتتىك قىزمەتتەردى ىرىكتەۋ مىناداي ءبىر جانە (نەمەسە) بىرنەشە ولشەمدەردىڭ نەگىزىندە جۇزەگە اسىرىلادى:
1) اقپاراتتىق سيپاتتاعى قىزمەتتەر (انىقتامالار جانە وزگە دە اقپاراتتىق قۇجاتتار بەرۋ);
2) قۇجاتتىڭ تەلنۇسقاسىن بەرۋمەن بايلانىستى قىزمەتتەر;
3) ليتسەنزيالاردى جانە وزگە دە رۇقسات ەتۋ قۇجاتتارىن بەرۋمەن بايلانىستى قىزمەتتەر.
5. ورتالىق مەملەكەتتىك جانە جەرگىلىكتى اتقارۋشى ورگاندار جەكە كاسىپكەرلىك سۋبەكتىلەرىنىڭ مۇددەلەرىن بىلدىرەتىن قوعامدىق بىرلەستىكتەردىڭ ۇسىنىستارىن ەسكەرە وتىرىپ, جىل سايىن 1 اقپاننان كەشىكتىرمەي اقپاراتتاندىرۋ سالاسىنداعى ۋاكىلەتتى ورگانعا وسى قاعيدالاردىڭ 4-تارماعىندا كورسەتىلگەن ولشەمدەر بويىنشا حقو ارقىلى كورسەتىلەتىن مەملەكەتتىك قىزمەتتەردىڭ سانىن ارتتىرۋ جونىندە ۇسىنىستار بەرەدى.
6. اقپاراتتاندىرۋ سالاسىنداعى ۋاكىلەتتى ورگان جىل سايىن 20 اقپاننان كەشىكتىرمەي مەملەكەتتىك كورسەتىلەتىن قىزمەتتەردى تالداۋ نەگىزىندە, ونىڭ ىشىندە جەكە تۇلعالار مەن كوممەرتسيالىق ەمەس ۇيىمدار جۇزەگە اسىراتىن مەملەكەتتىك قىزمەت كورسەتۋ ساپاسىنىڭ قوعامدىق مونيتورينگىنىڭ ناتيجەلەرىن, سونداي-اق مەملەكەتتىك قىزمەت كورسەتۋ ساپاسىن باعالاۋدى تىكەلەي ەسكەرە وتىرىپ, ۆەدومستۆوارالىق كوميسسيادا قاراۋ ءۇشىن وسى قاعيدالاردىڭ 4-تارماعىندا كورسەتىلگەن ولشەمدەر بويىنشا حقو ارقىلى كورسەتىلۋگە جاتاتىن مەملەكەتتىك قىزمەتتەردىڭ تىزبەسىن (بۇدان ءارى – تىزبە) قالىپتاستىرادى.
7. اقپاراتتاندىرۋ سالاسىنداعى ۋاكىلەتتى ورگان جىل سايىن 20 ناۋرىزدان كەشىكتىرمەي تىزبەنى ۆەدومستۆوارالىق كوميسسيانىڭ قاراۋىنا ەنگىزەدى.
8. ۆەدومستۆوارالىق كوميسسيا تىزبەنى قاراۋ قورىتىندىسى بويىنشا مەملەكەتتىك قىزمەتتى حقو ارقىلى كورسەتۋدىڭ ورىندىلىعى تۋرالى وڭ نەمەسە تەرىس قورىتىندى شىعارادى.
9. اقپاراتتاندىرۋ سالاسىنداعى ۋاكىلەتتى ورگان ۆەدومستۆوارالىق كوميسسيا وڭ قورىتىندى شىعارعاننان كەيىن 10 مامىردان كەشىكتىرمەي جوعارىدا اتالعان تىزبەنى مەملەكەتتىك قىزمەتتەر كورسەتۋ سالاسىنداعى ۋاكىلەتتى ورگانعا (بۇدان ءارى – ۋاكىلەتتى ورگان) جىبەرەدى.
ۋاكىلەتتى ورگان جىل سايىن 1 شىلدەدەن كەشىكتىرمەي اقپاراتتاندىرۋ سالاسىنداعى ۋاكىلەتتى ورگان ۇسىنعان تىزبە نەگىزىندە مەملەكەتتىك كورسەتىلەتىن قىزمەتتەردىڭ تىزىلىمىنە ءتيىستى وزگەرىستەر مەن تولىقتىرۋلار ەنگىزۋدى كوزدەيتىن قازاقستان رەسپۋبليكاسىنىڭ ۇكىمەتى قاۋلىسىنىڭ جوباسىن ازىرلەيدى جانە زاڭنامادا بەلگىلەنگەن تارتىپپەن قازاقستان رەسپۋبليكاسىنىڭ ۇكىمەتىنە ەنگىزەدى.
10. اقپاراتتاندىرۋ سالاسىنداعى ۋاكىلەتتى ورگان جانە مۇددەلى مەملەكەتتىك ورگاندار مەملەكەتتىك كورسەتىلەتىن قىزمەتتەردىڭ تىزىلىمىنە وزگەرىستەر مەن تولىقتىرۋلار ەنگىزىلگەننەن كەيىن التى اي مەرزىمدە كەيىننەن مەملەكەتتىك كورسەتىلەتىن قىزمەتتەردىڭ ستاندارتتارىنا جانە وزگە دە نورماتيۆتىك قۇقىقتىق اكتىلەرگە وزگەرىستەر ەنگىزە وتىرىپ, حقو-دا مەملەكەتتىك قىزمەتتەر كورسەتۋدى ۇيىمداستىرۋ جونىندە شارالار قابىلدايدى.
