قوعام • 10 تامىز، 2020

حالىققا قىزمەت كورسەتۋ ورتالىقتارىنىڭ جۇمىس ۋاقىتى ۇزارتىلدى

312 رەت كورسەتىلدى

ەلىمىزدىڭ كەيبىر وبلىستارىندا باس سانيتارلىق دارىگەرلەردىڭ شەشىمىمەن حالىققا قىزمەت كورسەتۋ ورتالىقتارىنىڭ جۇمىس ۋاقىتى ۇزارتىلدى. بۇل وزگەرىس جەتى ايماققا – اقتوبە، اقمولا، الماتى، اتىراۋ، تۇركىستان، سولتۇستىك قازاقستان جانە پاۆلودار وبلىستارىنا قاتىستى، - دەپ حابارلايدى Egemen.kz.

اتاپ ايتساق، اتىراۋ وبلىسىنداعى بۇعان دەيىن كوروناۆيرۋس ىندەتى ورشىگەندىكتەن، كارانتينگە جابىلعان جىلىوي اۋداندىق حقو اشىلدى.

«ازاماتتارعا ارنالعان ۇكىمەت» مەملەكەتتىك كورپوراتسياسىنىڭ باسقارما توراعاسى اسەمگۇل بالتاشەۆانىڭ ايتۋىنشا، حقو جۇمىس ۋاقىتى ۇزارتىلعاندىقتان، كۇن سايىن تۇرعىندارعا ۇسىنىلاتىن مەملەكەتتىك قىزمەت سانى دا ارتپاق. ء«بىز جاعدايدى ۇنەمى باقىلاۋدا ۇستاپ وتىرمىز. قىزمەت الۋشىلار حالىققا قىزمەت كورسەتۋ ورتالىقتارىنا كەزەكتى ءبىر اپتا بۇرىن برونداۋ كەرەكتىگىن ايتىپ شاعىمدانۋدا. حقو جۇمىس ۋاقىتىن بىرتىندەپ ۇزارتۋ ارقىلى وسى ماسەلەنى تۇراقتاندىرىپ، قازاقستاندىقتاردىڭ مەملەكەتتىك قىزمەتتەردى الۋ قاجەتتىلىگىن قامتيمىز دەپ ويلامىن»، - دەدى بالتاشەۆا.

ەلىمىزدەگى توتەنشە جاعداي اياقتالعاننان بەرى حقو ارقىلى ءۇش ميلليوننان استام مەملەكەتتىك قىزمەت كورسەتىلدى. سونداي-اق ءالى دە كارانتين جاعدايى ساقتالعاندىقتان، حقو-دا الدىن-الا برونداۋ ارقىلى جانە تەك قانا قاعاز جۇزىندە ۇسىنىلاتىن قىزمەتتەر كورسەتىلەدى. ال ەلەكتروندىق قىزمەتتەر جەڭىلدىك تەرەزەلەرىندە زەينەتكەرلەر، مۇمكىندىگى شەكتەۋلى تۇلعالار مەن كوپ بالالى وتباسىلاردىڭ مۇشەلەرىنە عانا كورسەتىلەدى. كومپيۋتەرلەرى نەمەسە ينتەرنەتى جوق ازاماتتار ونلاين قىزمەتتەردى الۋ ءۇشىن اكىمدىكتەر مەن ەكىنشى دەڭگەيلى بانكتەردە ورنالاسقان egov.kz بۇرىشتارىن پايدالانا الادى.

حالىققا قىزمەت كورسەتۋ ورتالىقتارىندا ماسكا كيىپ، الەۋمەتتىك قاشىقتىقتى ساقتاۋ تالاپ ەتىلەدى.

سوڭعى جاڭالىقتار

تاعى ءبىر اكىم قىزمەتىنەن كەتتى

ايماقتار • بۇگىن، 18:06

مەننيدىڭ تاعى ءبىر مارتتىگى

كاسىپقوي بوكس • بۇگىن، 16:32

ۇقساس جاڭالىقتار