"بەلارۋس حالقى ءسىزدىڭ كانديداتۋراڭىزعا داۋىس بەرە وتىرىپ, ەكونوميكالىق رەفورمالار ساياساتىن جالعاستىرۋدى, حالىقتىڭ الەۋمەتتىك ءال-اۋقاتىن ارتتىرۋدى جانە بەلارۋس رەسپۋبليكاسىنىڭ حالىقارالىق بەدەلىنىڭ نىعايا ءتۇسۋىن قولدايتىنىن تاعى ءبىر مارتە راستادى.
دوستىق پەن ءوزارا قۇرمەت داستۇرلەرىنە نەگىزدەلگەن قازاقستان-بەلارۋس ستراتەگيالىق سەرىكتەستىگىن دامىتۋعا قوسقان ءسىزدىڭ جەكە ۇلەسىڭىزدى ەرەكشە اتاپ وتكىم كەلەدى. بۇل رەتتە قازاقستان بەلارۋسپەن ەكىجاقتى فورماتتا دا, ەۋرازيالىق ەكونوميكالىق وداق اياسىندا دا بايلانىستاردى كەڭەيتۋ جانە تەرەڭدەتۋ ءىسىن جالعاستىرۋدى كوزدەپ وتىر.
مەن سەنىمگە جانە ءوزارا تۇسىنىستىككە نەگىزدەلگەن دوستىعىمىزدى قادىرلەيمىن ءارى ونى جوعارى باعالايمىن. ءبىزدىڭ وتكەن جىلدارداعى بىرلەسكەن جەمىستى جۇمىسىمىز ءارى قاراي دا ەكى ەل حالىقتارىنىڭ يگىلىگى جولىندا كوپتاراپتى ىنتىماقتاستىقتى دامىتۋ ءۇشىن بەرىك نەگىز بولا الاتىنىنا سەنىمدىمىن", - دەلىنگەن جەدەلحاتتا.
