رەسەي فەدەراتسياسىندا بۇگىنگى كۇنگە دەيىن ەلدىڭ 85 فەدەرالدى ايماعىندا 892 654 ادام ۆيرۋس جۇقتىرىپ, 15 001 رەسەي ازاماتى ومىرمەن قوشتاسقان. ال كەشە 70 پاتسيەنتتى قۇتقارۋ مۇمكىن بولماعان. ەسەسىنە ءبىر تاۋلىكتە 3 259 ادام جازىلىپ شىعىپتى.
پاندەميا ماسكەۋ, سانكت-پەتەربۋرگ سىندى ميلليوندىق قالالار مەن سۆەردلوۆ, ماسكەۋ, روستوۆ وبلىستارىندا وزگە فەدەرالدىق وڭىرلەرگە قاراعاندا كوبىرەك كورىنىس بەرگەنىمەن, تامىزدا ماسكەۋدە شىلدەگە قاراعاندا ۆيرۋس تىركەلۋى 29,9 پايىزعا ازايعان. ەلدە بۇگىنگە دەيىن 30,6 ملن تەست تاپسىرىلعان كورىنەدى.
