قازاقستان رەسپۋبليكاسىندا كارانتين رەجيمىنىڭ ۇزارتىلۋىنا بايلانىستى مونەتالاردى ساتۋ مەرزىمى كەيىنىرەك حابارلانادى. ساتۋ كۇنى تۋرالى اقپارات قازاقستان رەسپۋبليكاسى ۇلتتىق بانكىنىڭ رەسمي سايتىندا قوسىمشا ورنالاستىرىلاتىن بولادى.
"ABAI. 175 JYL" مونەتالارىنىڭ سيپاتتاماسى:
مونەتالاردىڭ بەت جاعىندا (اۆەرسىندە) ورتالىق بولىگىندە قازاقستان رەسپۋبليكاسىنىڭ مەملەكەتتىك ەلتاڭباسى بەينەلەنگەن. ەلتاڭبانىڭ سول جانە وڭ جاعىندا "QAZAQSTAN RESPÝBLIKASY ∙ REPUBLIC OF KAZAKHSTAN" دەگەن جازبالار ورنالاسقان. اينالدىرا ۇلتتىق ويۋ-ورنەك ەلەمەنتتەرى بار. تومەنگى بولىگىندە "TEŃGE" جازباسى جانە كۇمىس مونەتادا مونەتانىڭ نومينالىن بىلدىرەتىن "500" سانى جانە مەلحيور مەن نەيزيلبەر مونەتالارىندا "100" سانى بەينەلەنگەن.
مونەتالاردىڭ سىرت جاعىندا (رەۆەرسىندە) اباي قۇنانباەۆتىڭ مۇسىندىك پورترەت بەينەسى, كۇمىس جانە مەلحيور مونەتالاردا ينتەرفەرەنتسيالىق ءتۇرلى-ءتۇستى بەينەلەۋ تەحنولوگياسىن قولدانا وتىرىپ ورىندالعان سيا قۇتىسىنىڭ جانە قالامۇشتىڭ ستيلدەندىرىلگەن بەينەسى ورنالاسقان. پورترەتتىڭ وڭ جاعىندا – قازاقتىڭ كيىز ءۇيى (باسقۇر) دەكورى تۇرىندەگى ويۋ-ورنەك تاسپاسى, ونىڭ استىندا اباي قۇنانباەۆتىڭ تۋعان جىلىن, 175 جىلدىعىن مەرەكەلەيتىن كۇندى جانە سوعىلعان جىلىن بىلدىرەتىن "1845-2020" دەگەن جازبا ورنالاستىرىلعان. وڭ جاعىندا - مەتالدىڭ ماسساسىن بىلدىرەتىن "31,1 g" دەگەن جازبا بار. مونەتانىڭ جوعارعى بولىگىندە "175" جانە "JYL" دەگەن جازبا بار. سول جاق بولىگىندە ۇلتتىق ويۋ-ورنەك ەلەمەنتى, كۇمىس مونەتادا مونەتا دايىندالعان مەتالدى جانە ونىڭ سىنامىن بىلدىرەتىن "Ag 925" دەگەن جازبا بار. مونەتانىڭ تومەنگى بولىگىندە لاتىن گرافيكاسىندا "ABAI" دەگەن جازبا بار.
تەحنيكالىق ولشەمدەرى:
"رroof" ساپالى مونەتالار 925/1000 سىنامدى كۇمىستەن, ماسساسى 31,1 گرامم, ديامەترى 38,61 مم, نومينالى 500 تەڭگەلىك, تارالىمى 1 500 دانادا دايىندالدى.
