23 قازان، 2013

اڭگىمە وزەگى – جۇزەگە اسىرىلاتىن يدەيالار

136 رەت كورسەتىلدى

قازاقستان پرەزيدەنتى نۇرسۇلتان نازارباەۆ بەلگىلى ەكونوميست دجەرەمي ريفكينمەن كەزدەسۋ وتكىزدى، دەپ حابارلادى قازاقستان پرەزيدەنتىنىڭ ءباسپاسوز قىزمەتى.

22-10-02

 

قازاقستان پرەزيدەنتى نۇرسۇلتان نازارباەۆ بەلگىلى ەكونوميست دجەرەمي ريفكينمەن كەزدەسۋ وتكىزدى، دەپ حابارلادى قازاقستان پرەزيدەنتىنىڭ ءباسپاسوز قىزمەتى.

22-10-02

كەزدەسۋدە قازاقستاندى يندۋستريالاندىرۋدىڭ جاي-كۇيى مەن كەلەشەگى، رەسپۋبليكادا «جاسىل ەكونوميكانى» قالىپتاستىرۋ، سونداي-اق، الەمدىك قارجى-ەكونوميكا جۇيەسىنىڭ وزەكتى ماسەلەلەرى تالقىلاندى.

نۇرسۇلتان نازارباەۆ حالىقارالىق جۇرتشىلىقتىڭ بۇگىندە الەمدەگى يندۋستريالىق دامۋدىڭ كەلەسى كەزەڭىنە زور قىزىعۋشىلىق تانىتىپ وتىر­عانىن اتاپ ءوتتى.

– قازاقستان دا وسى ماسەلە­لەر­مەن اينالىسۋدا، الايدا، ەلىمىزدىڭ باستاپقى مۇمكىندىكتەرى شەكتەۋلى. ەكسپو-2017 كورمەسىن پايدالانا وتىرىپ، ءبىز بۇل باعىتتى ىلگەرىلەتىپ، الەۋەتىمىزدى ارتتىرىپ، دامۋدىڭ ودان ارعى ستراتەگياسىن بەلگىلەپ الۋ نيەتىندەمىز. ءسىز ءۇشىنشى يندۋستريالىق رەۆوليۋتسيا تۇجىرىمداماسىنىڭ اۆتورى بولىپ سانالاسىز. سوندىقتان، وسى يدەيانىڭ قالاي ىسكە اسىرىلىپ جاتقانىن، قازىردىڭ وزىندە بەلگىلى ءبىر ناتيجەلەرگە قول جەتكىزگەن الەم ەلدەرىنىڭ پىكىرىن ءبىلۋ ءبىز ءۇشىن قىزىقتى، – دەدى مەملەكەت باسشىسى.

ءوز كەزەگىندە د.ريفكين كەزدەسۋ ءۇشىن العىسىن ءبىلدىرىپ، ەلىمىزدىڭ استاناسىنىڭ الەۋەتىن اتاپ ءوتتى. ول قازاقستاننىڭ ەلىمىزدە جاڭا تەحنولوگيانى ەندىرۋگە، ازيا وڭىرىندە جانە بۇكىل الەمدە كوشباسشى بولۋىنا مۇمكىندىك بەرەتىن ءۇشىنشى يندۋستريالىق رەۆوليۋتسيانىڭ بەلسەندى قاتىسۋشىسىنا اينالۋى­نا تىلەكتەستىگىن ءبىلدىردى. سونداي-اق، د.ريفكين قازاقستان باستاما رەتىندە كوتەرگەن، الەمدە الدەقايدا ورنىقتى «جاسىل ەكونوميكا» قالىپتاستىرۋعا باعىتتالعان «جاسىل كوپىر» سەرىكتەستىگى باعدارلاماسىنا كوپتەگەن الەم ەلدەرىنىڭ قىزىعۋشىلىق ءبىلدىرىپ وتىرعانىن ايتتى.

بۇعان قوسا، اڭگىمەلەسۋ كەزىندە ەكسپو-2017 حالىقارالىق مامانداندىرىلعان كورمەسىن وتكىزۋ ماسەلەسى جانە ونى وتكىزۋ اياسىندا ۇسىنىلاتىن، قازاقستان ىسكە اسىراتىن يدەيالار پەرسپەكتيۆاسى ءسوز بولدى.

-----------------------------------------

سۋرەتتەردى تۇسىرگەندەر

س.بوندارەنكو، ب.وتارباەۆ.

سوڭعى جاڭالىقتار

شىڭعىستاۋدىڭ شاكىرى

ادەبيەت • كەشە

جانى ىزگى جۋرناليست

ەگەمەن قازاقستان • كەشە

ۇقساس جاڭالىقتار