اباي • 10 تامىز، 2020

اباي ايتقان «بەس دۇشپاننان» تولىق ارىلىپ بولعان جوقپىز

1647 رەت كورسەتىلدى

قر پرەزيدەنتى قاسىم-جومارت توقاەۆ   «اباي – رۋحاني رەفورماتور» اتتى ماقالاسىندا وسىلاي دەدى. ونىڭ ايتۋىنشا، ءبىز باسەكەگە قابىلەتتى مەملەكەت بولۋ ءۇشىن اباي مۇراسىن ەستەن شىعارماۋىمىز كەرەك. پرەزيدەنت مۇنىڭ سەبەبىن ۇلت رەتىندەگى جاڭارۋ يدەياسى دا اباي كوزقاراسىمەن ۇندەسىپ جاتقاندىعىمەن ءتۇسىندىردى.

«كەلەسى جىلى قازاقستان تاۋەلسىزدىگىنىڭ 30 جىلدىعىن اتاپ وتەمىز. بىراق كەزىندە ۇلى ويشىلدى قاتتى تولعاندىرعان كەيبىر كەلەڭسىزدىكتەر قوعامدا ءالى دە كەزدەسەدى. وكىنىشكە قاراي اباي ايتقان «بەس دۇشپاننان» تولىق ارىلىپ بولعان جوقپىز. ازاماتتارىمىزدىڭ اراسىندا جالقاۋلىق پەن سوزۋارلىق ءجيى كەزدەسەتىنى قىنجىلتادى. بۇلار بۇرىنعىشا توي­قۇمارلىقتان تارتىنباي، كۇندەلىكتى تىنىمسىز تىرلىكتى دارىپتەۋدىڭ ورنىنا، ءاربىر قوعامدىق وقيعادان ساياسي استار ىزدەيدى دە وتىرادى. اباي حالىقتى توي تويلاۋعا ەمەس، ەڭبەك ەتۋگە، رۋحاني كەمەلدەنۋگە شاقىردى. ابايدىڭ ۇلاعاتى ءالى كۇنگە دەيىن ماڭىزىن دا، قۇندىلىعىن دا جوعالتقان جوق. سوندىقتان ءبىز ونىڭ تەرەڭ ويلارىنا، كەلەشەكتىڭ كەلبەتىنە ۇڭىلگەن كورەگەندىگىنە تاڭىرقاۋدان جالىققان ەمەسپىز»، - دەگەن مەملەكەت باسشىسى اباي ءىلىمىنىڭ بۇگىنگى بىرقاتار باعىتتارعا ورايلاس كەلەتىن تۇستارىن اتاپ ءوتتى.

پرەزيدەنت بۇل باعىتتا ەڭ الدىمەن، ءبىلىم يگەرۋ ءىسىن العا تارتتى.

ء«بىز بۇكىل الەمدى اقىل-وي مەن پاراساتتى پايىم ارقىلى عانا مويىنداتا الامىز. زامان تالابىنا ساي ءبىلىم الۋ ينتەللەكتۋالدى ۇلت قالىپتاستىرۋعا جول اشادى»، - دەدى پرەزيدەنت.

ەكىنشى، تاربيە ماسەلەسى. سوندىقتان، وسكەلەڭ ۇرپاققا دۇرىس باعىت بەرگەن ءجون. اقىننىڭ «پايدا ويلاما، ار ويلا، تالاپ قىل ارتىق بىلۋگە» دەگەن وسيەتىن ءاردايىم ساناعا ءسىڭىرۋ قاجەت.

پرەزيدەنت قوزعاعان ءۇشىنشى ماسەلە - جاڭا كاسىپ يگەرۋ. ونىڭ ايتۋىنشا، اقىن ءار قازاق ءوز ءىسىنىڭ شەبەرى بولسا دەپ ارماندادى. اسىرەسە باسەكەلەستىككە تولى الماعايىپ زاماندا مۇنىڭ ءمانى زور. اباي: «مال كەرەك بولسا، قولونەر ۇيرەنبەك كەرەك. مال جۇتايدى، ونەر جۇتامايدى» دەيدى. ءبىز ەڭبەككە، جاڭا ونەر يگەرۋگە دەگەن كوزقا­راسىمىزدى تۇبە­گەيلى وزگەرتۋگە ءتيىسپىز. بايلىقتىڭ دا، باقىتتىڭ دا كىلتى – ءوزىڭ سۇيگەن كاسىپتە.

ء«تورتىنشى، ىنتىماق ماسەلەسى. اباي ءاردايىم قوعامنىڭ بەرەكە-بىرلىگىن ارتتىرۋعا دەن قويدى. ول ء«بىرىڭدى، قازاق، ءبىرىڭ دوس، كورمەسەڭ ءىستىڭ – ءبارى بوس» دەپ، ەلدى تاتۋلىققا شاقىرادى»، - دەدى قاسىم-جومارت كەمەل ۇلى.

سوڭعى جاڭالىقتار

ۇقساس جاڭالىقتار