23 قازان، 2013

تەررورلىق ارەكەتتى اسيالوۆا جاساعان

146 رەت كورسەتىلدى

دۇيسەنبى كۇنى ۆولگوگراد قالاسىندا جولاۋشىلار مىنگەن اۆتوبۋستا جارىلىس بولعان ەدى. كەشە قۇقىق قورعاۋ ورگاندارى التى ادامنىڭ ءومىرىن قيىپ، قىرىقتان استام ادامدى جارادار ەتكەن تەررورلىق ارەكەتتىڭ جاي-جاپسارى جونىندە رەسمي اقپارات تاراتتى.

012-شاراينا-1 1دۇيسەنبى كۇنى ۆولگوگراد قالاسىندا جولاۋشىلار مىنگەن اۆتوبۋستا جارىلىس بولعان ەدى. كەشە قۇقىق قورعاۋ ورگاندارى التى ادامنىڭ ءومىرىن قيىپ، قىرىقتان استام ادامدى جارادار ەتكەن تەررورلىق ارەكەتتىڭ جاي-جاپسارى جونىندە رەسمي اقپارات تاراتتى.

اقپاراتتارعا قاراعاندا، تەررورلىق ارەكەتتى 30 جاستاعى داعىستاندىق جانكەشتى نايدا اسيالوۆا جاساعان. قۇقىق قورعاۋ ورگاندارى قىزمەتكەرلەرىنىڭ پىكىرىنشە، اسيالوۆاعا جارىلعىش زاتتى ونىڭ ازاماتتىق نەكەدەگى كۇيەۋى دميتري سوكولوۆ دايىنداپ بەرگەن. كۇش قۇرىلىمدارىنىڭ مالىمەتتەرى بويىنشا، سوكولوۆ وتكەن جىلدىڭ شىلدەسىندە اسيالوۆانىڭ ىقپال ەتۋىمەن داعىستانعا بارىپ، وندا سودىرلار توبىنا قوسىلعان. سونداي-اق، ول وزىنە ابدۋل دجاببار دەگەن اتتى العان كورىنەدى.

 

پرەزيدەنتتىك سايلاۋعا قاتىسۋ نيەتىن ءبىلدىردى

سيريا پرەزيدەنتى باشار اساد جەنەۆادا دايىندالىپ جاتقان سيريا جانجالىن بەيبىت رەتتەۋ جونىندەگى كونفەرەنتسيانى سىنعا الدى. بۇل تۋرالى «فرانس-پرەسس» اقپارات اگەنتتىگى حابارلادى.

باشار اساد «ءال-مايادين» تەلەارناسىندا سويلەگەن سوزىندە «شەشىمدى سيريالىقتار قابىلداۋى قاجەت، ونى شەتەلدىك كۇشتەردىڭ تانۋى ءتيىستى ەمەس» ەكەندىگىن ايتقان كورىنەدى. سونىمەن قاتار، ول 2014 جىلى سيريادا وتەتىن پرەزيدەنتتىك سايلاۋعا قاتىسۋعا دايىن ەكەندىگىن مالىمدەگەن. بۇدان بىرەر اپتا بۇرىن اقش-تىڭ مەملەكەتتىك حاتشىسى دجون كەرري باشار اسادتىڭ پرەزيدەنتتىككە قايتا سايلانۋى سيرياداعى ازاماتتىق سوعىستى ۇزارتادى، دەپ ايتقان بولاتىن. ايتا كەتەيىك، وسى ەلدەگى بىرقاتار وپپوزيتسيا وكىلدەرى قاراشادا جەنەۆادا وتەتىن كونفەرەنتسياعا قاتىسپايتىندارىن مالىمدەدى.

 

نيدەرلاندى حالىقارالىق سوتقا جۇگىنبەك

012-شاراينا-1 2«فرانس-پرەسس» اقپارات اگەنتتىگىنىڭ حابارلاۋىنشا، نيدەرلاندى ۇكىمەتى رەسەي بيلىگىنىڭ ءىس-قيمىلىنا بايلانىستى تەڭىز قۇقىعى جونىندەگى حالىقارالىق تريبۋنالعا رەسمي شاعىم جولداعان.

بۇل شاعىم رەسەيلىك شەكارا قىزمەتىنىڭ قىزمەتكەرلەرى گوللانديالىق «اركتيك ساندرايز» كەمەسىن «باسىپ» العانىنا بايلانىستى جولدانىپ وتىر. نيدەرلاندى سىرتقى ىستەر ءمينيسترى فرانس تيممەرمانستىڭ تۇسىندىرۋىنشە، نيدەرلاندى ۇكىمەتى كەمەدەگى جولاۋشىلار مەن كەمە ەكيپاجىن (بارلىعى 30 ادام) بوساتۋ ءۇشىن وسىنداي قادامعا بارىپ وتىر. رەسەيلىكتەردىڭ ءىس-ارەكەتتەرى حالىقارالىق قۇقىق تالاپتارىنا سايكەس كەلمەيدى. ال رەسەيلىك شەكاراشىلار اتالعان كەمەنى قاراقشىلىقپەن اينالىستى دەپ ۇستاعان ەدى.

 

قىسقا قايىرىپ ايتقاندا:

كەشە ورىنبور قالاسىندا بولعان توبەلەس كەزىندە تراۆماتيكالىق قارۋدان اتىلعان وقتان ءجاسوسپىرىم قازا بولدى. توبەلەسكە 20-25 جاس ارالىعىنداعى جاستار قاتىسقان.

برۋنەي سۇلتانى حاسسانال بولكياح شاريعات زاڭىنا نەگىزدەلگەن ەلدىڭ جاڭا قىلمىستىق زاڭناماسى ەنگىزىلەتىنىن مالىمدەدى. زاڭنامادا تاسپەن ۇرۋ جانە قولدى كەسۋ دە قاراستىرىلعان. قۇجات التى ايدان سوڭ كۇشىنە ەنەدى.

82 جاستاعى مۇحاممەد ءساليمدى ءولتىردى دەپ ايىپ تا­عىلعان ۋكراينالىق اسپيرانت پاۆەل لاپشين ءوزىنىڭ كىناسىن مو­يىن­دادى. سونداي-اق، ول ۋەست-ميدلەندس قالاسىنداعى مەشىت ماڭىندا تەررورلىق ارەكەتتەر جاساۋعا ازىرلەنگەنىن دە مويىنداعان.

ەستونياداعى مۋنيتسيپالدىق سايلاۋدا تسەنتريستىك باعىت ۇستايتىن پارتيا جەڭىسكە جەتتى. ولار سايلاۋشىلاردىڭ 32 پايىز داۋىسىنا يە بولعان.

 

كاددافيدىڭ ءمايىتىن بەرۋدى تالاپ ەتتى

012-شاراينا-1 3ليۆيانىڭ بۇرىنعى باسشىسى مۋاممار كاددافيدىڭ جەسىرى سافيا فاركاش كۇيەۋىنىڭ جانە سوڭعى رەت ونىمەن بىرگە بولعان ادامداردىڭ مايىتتەرىن تۋعان-تۋىستارىنا بەرۋدى تالاپ ەتتى. ونىڭ اشىق حاتىنىڭ ءماتىنى «گولوس روسسي» راديوستانساسىنىڭ سايتىندا جاريا­لاندى.

«بۇۇ قاۋىپسىزدىك كەڭەسىنىڭ، ەۋروپالىق وداقتىڭ مۇشەلەرى، سونداي-اق وسى قىلمىسقا قاتىسى بارلار ولتىرىلگەن ادامداردىڭ جەرلەنگەن ورنىن تاۋىپ، ولاردىڭ مايىتتەرىن تۋعان-تۋىستارىنا بەرۋدى تالاپ ەتەمىن، – دەلىنگەن اشىق حاتتا. – ولار لايىقتى جەرلەنۋى ءتيىس». سافيا فاركاش، سونداي-اق افريكا وداعىنان كۇيەۋىنىڭ ولىمىنە جان-جاقتى تەكسەرۋ جۇرگىزۋدى دە تالاپ ەتىپ وتىر. مۋاممار كاددافي ولتىرىلگەننەن كەيىن ونىڭ دەنەسى قۇپيا جاعدايدا جەرلەنگەن ەدى. قازىرگى كەزدە سافيا فاركاش ءۇش بالاسىمەن وماندا تۇرىپ جاتىر.

 

«قوش بولىڭىز، پرەزيدەنت مىرزا!»

گرۋزيا پرەزيدەنتى ميحايل سااكاشۆيليدىڭ تبيليسيدەگى رەزيدەنتسياسىندا «قوش بولىڭىز، پرەزيدەنت مىرزا!» دەگەن اكتسيا وتەدى. «نوۆوستي گرۋزيا» اگەنتتىگىنىڭ حابارلاۋىنشا، بۇل ءىس-شارا 25 قازانعا بەلگىلەنگەن، ونى «پاتريوتتار» قوزعالىسى ۇيىمداستىرۋدا.

«وسى اكتسيا بويىنشا ءبىز سااكاشۆيليگە ەلدى باسقارۋ كەزىندە ىشكى جانە سىرتقى ساياساتتا قول جەتكىزگەن تابىستارى ءۇشىن العىس ايتامىز»، – دەيدى اتالعان قوزعالىستىڭ وكىلدەرى. ولاردىڭ ايتۋىنشا، پرەزيدەنت رەزيدەنتسياسىنا كەلەمىن دەۋشىلەرگە ەسىك اشىق. گرۋزيادا كەزەكتى پرەزيدەنت سايلاۋى 27 قازاندا وتەدى. ورتالىق سايلاۋ كوميسسياسى 23 كانديداتتى تىركەگەن. تىركەلگەن كانديداتتاردىڭ اراسىنان گەورگي مارگۆەلاشۆيليدىڭ رەيتينگى جوعارى سياقتى.

 

مۇعالىمىن، سىنىپتاسىن اتىپ ءولتىردى

012-شاراينا-1 4نەۆادا شتاتىنىڭ سپاركس قالاسىنداعى ورتا مەكتەپتىڭ وقۋشىسى مۇعالىمىن جانە ءبىر سىنىپتاسىن اتىپ ولتىرگەن. ودان سوڭ ءوزىن اتقان. «رەيتەر» اگەنتتىگىنىڭ حابارلاۋىنشا، وقيعا ەرتەڭگىلىك ساباق باستالار الدىندا بولعان.

وقيعاعا كۋا بولعانداردىڭ ايتۋىنا قاراعاندا، اتى-ءجونى اتالماعان وقۋشى الدىمەن وقۋشىلاردىڭ ءبىرىن، ودان سوڭ ماتەماتيكا ءپانىنىڭ مۇعالىمىن تاپانشامەن اتىپ سالعان كورىنەدى. وقۋشىنىڭ نە سەبەپتەن وسىنداي قىلمىسقا بارعانى بەلگىسىز قالىپ وتىر. جىل باسىنان بەرى اقش مەكتەپتەرىندە مۇنداي بىرنەشە وقيعا ورىن العان ەدى.

ينتەرنەت ماتەريالدارى نەگىزىندە ازىرلەندى.

سوڭعى جاڭالىقتار

شىڭعىستاۋدىڭ شاكىرى

ادەبيەت • كەشە

جانى ىزگى جۋرناليست

ەگەمەن قازاقستان • كەشە

ۇقساس جاڭالىقتار