مەملەكەت باسشىسى: قيىندىق وتپەلى، ال اباي مۇراسى ماڭگىلىك

اباي • 10 تامىز، 2020

مەملەكەت باسشىسى: قيىندىق وتپەلى، ال اباي مۇراسى ماڭگىلىك

21 رەت كورسەتىلدى

قازاقستان رەسپۋبليكاسىنىڭ پرەزيدەنتى قاسىم-جومارت توقاەۆ ەلىمىزدىڭ باس باسىلىمىندا جارىق كورگەن «اباي – رۋحاني رەفورماتور» اتتى ماقالاسىندا ۇلى اقىننىڭ مۇراسىن ۇلىقتاۋعا ارنالعان ءىس-شارالار جىل سايىن وتكىزىلىپ تۇراتىنىن مالىمدەدى.

دينار كەرىم

«ماسەلە مەرەيتويدا ەمەس – تۇعىرلى تۇلعانىڭ تۋىندىلارىنان تەرەڭ ءتالىم الۋدا. ابايدىڭ رۋحىنا تاعزىم ەتۋ – ونىڭ قاعيداتىن ۇستانۋ، اماناتىنا ادال بولۋ. سوندا عانا جاس ۇرپاقتىڭ ساناسىنا قاستەرلى قۇندىلىقتاردى سىڭىرەمىز. ءبىز ۇلى ويشىلدىڭ ونەگەلى ءومىرى مەن تاعىلىمى تۋرالى ايتۋدان جالىقپايمىز. اسىرەسە قازىرگى قازاقستان قوعامىن ابايدىڭ رۋحاني ۇستانىمىنا ساي دامىتۋ اسا ماڭىزدى. مەن بۇل جونىندە «اباي جانە ءححى عاسىرداعى قازاقستان» اتتى ماقالامدا كەڭىنەن ايتتىم»، - دەدى پرەزيدەنت.

قاسىم-جومارت كەمەل ۇلى بيىلعى جىل حالىقارالىق «اباي جىلىنا» اينالعانىن ەسكەرە وتىرىپ، اقىننىڭ باعا جەتپەس مۇراسىن ۇعىندىرۋ جانە دارىپتەۋ – ازاماتتىق پارىزىمىز ەكەنىن باسا ايتتى. پرەزيدەنتتىڭ ايتۋىنشا، اباي – الەمدىك دەڭگەيدەگى كەمەڭگەر تۇلعا. ابايتانۋدىڭ تۇعىرنامالىق نەگىزى دە وسى بولۋى ءتيىس.

«قازىر اقىننىڭ ەڭبەكتەرىن حالىقارالىق عىلىمي اينالىمعا ەنگىزۋ ءۇشىن ناقتى جانە ماقساتتى جۇمىستار قولعا الىنۋدا. ونىڭ شىعارمالارى الەمنىڭ ون تىلىنە اۋدارىلىپ، باسپاعا ازىرلەندى. بۇل كىتاپتار جۇزدەن استام ەلدىڭ كىتاپحانالارى مەن مادەني ورتالىقتارىنا جىبەرىلەدى. بىرقاتار شەتەلدىك اۋدارماشىلارعا، ابايدىڭ شىعارماشىلىق مۇراسىن زەرتتەۋشىلەر مەن ناسيحاتتاۋشىلارعا مەنىڭ جارلىعىممەن مەملەكەتتىك ناگرادا بەرىلدى»، - دەدى مەملەكەت باسشىسى.

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز