بەلارۋس پرەزيدەنتىنە ۇمىتكەركەرلەر قاتارىندا: اندرەي دميتريەۆ, اننا كانوپاتسكايا, الەكساندر لۋكاشەنكو, سۆەتلانا تيحانوۆسكايا جانە سەرگەي چەرەچەن.
سايلاۋ بارىسىندا ورتالىق سايلاۋ كوميسسياسىندا 153 اۋماقتىق سايلاۋ جانە 5723 ۋچاسكەلىك كوميسسياسىن قۇرادى. داۋىس بەرۋ ءۇشىن 5767 ۋچاسكە قۇرىلدى, سونىڭ ىشىندە 231 - ساناتوريلەردە, پروفيلاكتوريلەردە, دەمالىس ۇيلەرىندە, اۋرۋحانالاردا جانە ستاتسيونارلىق جاعدايدا مەديتسينالىق كومەك كورسەتەتىن دەنساۋلىق ساقتاۋ ۇيىمدارىندا, سونداي-اق 13 - اسكەري بولىمدەردە جانە 44-ءى بەلارۋسسيادان تىس جەرلەردە ورنالاستىرىلعان.
سايلاۋ ۋچاسكەلەرى 8:00-دە اشىلدى. سايلاۋدا 6 836 585 ادام داۋىس بەرە الادى. باقىلاۋشىلاردان 248-ءى حالىقارالىق جانە 50 مىڭعا جۋىعى ۇلتتىق ۇيىمداردان بولادى.
بەلارۋس پرەزيدەنتىنىڭ سايلاۋى تىكەلەي وتەدى. مەملەكەت باسشىسىن تىكەلەي بەلارۋس حالقى سايلايدى. داۋىس بەرۋ قۇپيا بولىپ تابىلادى. ەگەر داۋىس بەرۋگە سايلاۋشىلار تىزىمىنە ەنگىزىلگەن ازاماتتاردىڭ جارتىسىنان استامى قاتىسسا, سايلاۋ ءوتتى دەپ تانىلادى. ەگەر مەملەكەت باسشىسىنا داۋىس بەرۋگە قاتىسقان سايلاۋشىلاردىڭ جارتىسىنان استامى داۋىسىن بەرسە, سايلاندى دەپ ەسەپتەلەدى.
