قازاقستان • 07 تامىز، 2020

سىبايلاس جەمقورلىققا قارسى قىزمەت ءبىر اپتادا 60-تان استام سوتقا دەيىنگى تەرگەۋدى تىركەدى

34 رەت كورسەتىلدى

وتكەن اپتادا سىبايلاس جەمقورلىققا قارسى قىزمەت 60-تان استام سوتقا دەيىنگى تەرگەۋدى تىركەدى. 4 شەنەۋنىك ۇستالدى. سىبايلاس جەمقورلىققا قارسى قىزمەت قىزىلوردا وبلىسىنىڭ ەكس-اكىمىنە جانە وبلىس اكىمدىگىنىڭ وزگە دە لاۋازىمدى تۇلعالارىنا قاتىستى سوتقا دەيىنگى تەرگەۋدى جۇرگىزگەنى بەلگىلى. وسى جانە وزگە دە اقپاراتپەن قر سىبايلاس جەمقورلىققا قارسى قىزمەتى ءبولىستى.

قازىرگى ۋاقىتتا قىلمىستىق ءىس اياقتالىپ، №2 قىزىلوردا قالالىق سوتىنا بەرىلدى. 

  1. نۇر-سۇلتان قالاسىنىڭ سىبايلاس جەمقورلىققا قارسى قىزمەتى «استانا اەك» اق-نىڭ (بۇدان ءارى – اق) (نۇر-سۇلتان اكىمدىگى جالعىز اكتسيونەر) قاراجاتىن الاياقتىق جولىمەن جىمقىرۋ فاكتىسى بويىنشا اق-نىڭ لاۋازىمدى تۇلعالارىنا قاتىستى سوتقا دەيىنگى تەرگەۋدى باستادى.

ارنايى جەدەل-ىزدەستىرۋ شارالارىن جۇرگىزۋ ناتيجەسىندە اق-نىڭ باسقارما توراعاسىنىڭ ورىنباسارى، سونداي-اق ونىڭ باعىنىشتىلارى – سارىارقا اەك باسشىسى جانە اق-نىڭ ساتۋ ءبولىمىنىڭ باسشىسى، 2020 جىلى زاڭدى تۇلعالاردىڭ (ساۋدا جانە ويىن-ساۋىق، بيزنەس ورتالىقتارى جانە ت.ب.) شىعىن رەتىندە ەسەپتەن شىعارىلعان ەلەكتر ەنەرگياسىن ناقتى تۇتىنۋ كولەمىن ازايتۋ ارقىلى اق-نىڭ 50 ميلليون تەڭگەدەن استام سوماسىن جىمقىردى.

جىمقىرۋ سحەماسى كەلەسىدەي: زاڭدى تۇلعالاردىڭ تۇتىنعان ەلەكتر ەنەرگياسى ءۇشىن اق-عا تولەنەتىن قاراجاتتىڭ 100% -ىنىڭ 30% -ىن اق-نىڭ لاۋازىمدى تۇلعالارى پارا رەتىندە يەمدەنگەن، 50%-ى شىعىن رەتىندە ەسەپتەن شىعارىلدى جانە 20%-ى اق-عا تولەندى. وسىلايشا، اق زاڭدى تۇلعالار تۇتىنعان ەلەكتر ەنەرگياسى ءۇشىن تولەمنىڭ 80% العان جوق.

اق-نىڭ باسقارما توراعاسىنىڭ ورىنباسارى مەن اق-نىڭ ساتۋ ءبولىمىنىڭ باسشىسى قر قپك-ءنىڭ 128-بابىنا سايكەس ۇستالىپ، نۇر-سۇلتان قالاسى پوليتسيا دەپارتامەنتىنىڭ ۋاقىتشا ۇستاۋ يزولياتورىنا قامالدى.

الدىن الا تەرگەۋ جالعاسۋدا.

ءىس بويىنشا تۇپكىلىكتى شەشىم قىلمىستىق ءىس جۇرگىزۋ زاڭناماسىنىڭ تالاپتارىن ورىنداۋ ناتيجەلەرى بويىنشا قابىلدانادى.

تەرگەۋ مۇددەلەرىنە بايلانىستى باسقا اقپارات جاريا ەتىلمەيدى. 

  1. قاراعاندى وبلىسى بويىنشا سىبايلاس جەمقورلىققا قارسى قىزمەت ۇقك قىزمەتكەرلەرىمەن بىرلەسىپ، 2020 جىلعى 1 تامىزدا جانار-جاعارماي ماتەريالدارىن زاڭسىز يەمدەنۋ ارقىلى م ۇلىكتى جىمقىرعانى ءۇشىن كۇدىككە ىلىنگەن قازاقستان رەسپۋبليكاسى ۇلتتىق گۆاردياسىنىڭ 52859 اسكەري ءبولىمى وڭىرلىك قولباسشىلىعىنىڭ ورىنباسارىن ۇستادى.

قىلمىستىق ءىس بويىنشا سوتقا دەيىنگى تەرگەۋ ءجۇرىپ جاتىر، تەرگەۋ مۇددەلەرىنە بايلانىستى وزگە اقپارات جاريا ەتىلمەيدى.

قىلمىستىق ءىس بويىنشا سوتقا دەيىنگى تەرگەۋ ءجۇرىپ جاتىر، تەرگەۋ مۇددەلەرىنە بايلانىستى وزگە اقپارات جاريا ەتىلمەيدى. 

  1. باتىس قازاقستان وبلىسىنىڭ سىبايلاس جەمقورلىققا قارسى قىزمەتى اسا ءىرى مولشەردە جىمقىرۋ فاكتىسى بويىنشا «بقو ەنەرگەتيكا جانە تۇرعىن ءۇي-كوممۋنالدىق شارۋاشىلىق باسقارماسى» مم-ءنىڭ لاۋازىمدى تۇلعالارىنا قاتىستى سوتقا دەيىنگى تەرگەۋدى باستادى. ولار تۇركىستان وبلىسى ارىس قالاسىنداعى توتەنشە جاعدايدىڭ سالدارىن قالپىنا كەلتىرۋ بويىنشا 46 تۇرعىن ءۇيدىڭ اعىمداعى جوندەۋىنە بولىنگەن 50 ملن. تەڭگەدەن استام سوماداعى اسا ءىرى مولشەردەگى بيۋدجەت قاراجاتىن 2019 جىلى تامىز بەن جەلتوقسان ايلارى ارالىعىندا مەردىگەر ۇيىممەن ءسوز بايلاسىپ جىمقىرعان. 
  1. قوستاناي وبلىسىنىڭ سىبايلاس جەمقورلىققا قارسى قىزمەتى رۋدنىي قالاسى اكىمدىگىنىڭ رۋدنىي قالالىق قۇرىلىس ءبولىمىنىڭ بۇرىنعى باسشىسىنا قاتىستى سوتقا دەيىنگى تەرگەۋدى جۇرگىزۋدە.

ول رۋدنىي قالاسى اكىمدىگىنىڭ «بالالار مەن جاستاردى دامىتۋ جانە شىعارماشىلىق سارايى» قمكم عيماراتىن قايتا جاڭارتۋ» وبەكتىسىنىڭ جوبالىق-سمەتالىق قۇجاتتاماسىن ازىرلەۋ بويىنشا مەملەكەتتىك ساتىپ الۋلار تۋرالى كەلىسىم شارت بويىنشا كاسىپورىننىڭ اتىنا قاراجاتتى زاڭسىز اۋدارۋ ارقىلى 4 ميلليون تەڭگەگە جۋىق بيۋدجەت قاراجاتىن جىمقىردى دەپ كۇدىكتەلۋدە. 

  1. قىزىلوردا وبلىسىنىڭ سىبايلاس جەمقورلىققا قارسى قىزمەتى اسىل تۇقىمدى ءىرى قارا مالدىڭ جەم-ءشوپ قۇنىن ارزانداتۋعا اۋىلشارۋاشىلىق تاۋار وندىرۋشىسىنە زاڭسىز سۋبسيديا بەرۋ ارقىلى 2019 جىلى 54 ملن تەڭگە كولەمىندە بيۋدجەت قاراجاتىن جۇمساۋ فاكتىسى بويىنشا «قىزىلوردا وبلىسىنىڭ اۋىل شارۋاشىلىعى باسقارماسى» مم-ءنىڭ ءبولىم باسشىسىنا قاتىستى سوتقا دەيىنگى تەرگەۋدى جۇرگىزۋدە.

كىنانىڭ دارەجەسى تۋرالى تۇپكىلىكتى شەشىمدى سوت شىعارادى. 

  1. اقمولا وبلىسىنىڭ سىبايلاس جەمقورلىققا قارسى قىزمەتى ستەپنوگورسك قالالىق اۋماقتىق ينسپەكتسياسىنىڭ مەملەكەتتىك ۆەتەريناريالىق-سانيتاريالىق ينسپەكتورلارىنىڭ بىرىنە قاتىستى سوتقا دەيىنگى تەرگەۋدى باستادى.

مەملەكەتتىك مەكەمەنىڭ ينسپەكتورى تاۋارلاردىڭ مىندەتتى ىلەسپە قۇجاتتارىنسىز ەتتى ء(ىرى قارا مال، جىلقى ەتى، شوشقا ەتى) كەدەرگىسىز بازار اۋماعىندا ساتۋ ءۇشىن كاسىپكەرلىك سۋبەكتىلەرىنەن جۇيەلى تۇردە 2-11 مىڭ تەڭگە مولشەرىندە پارا الدى دەگەن كۇدىككە ءىلىندى.

پارا بەرۋ فاكتىسى بويىنشا جوعارىدا اتالعان كاسىپكەرلەرگە دە قاتىستى سوتقا دەيىنگى تەرگەۋلەر تىركەلدى. 

  1. قوستاناي وبلىسىنىڭ سىبايلاس جەمقورلىققا قارسى قىزمەتى قوستاناي قالاسى اكىمدىگىنىڭ جەر قاتىناستارى ءبولىمىنىڭ لاۋازىمدى تۇلعالارىنا قاتىستى سوتقا دەيىنگى تەرگەۋدى باستادى.

ولار جەر تەلىمىنىڭ ناقتى باعاسى 37 084 336 تەڭگە بولا تۇرا، 4 524 607 تەڭگەگە دەيىن ارزانداتىلعان باعاعا اۋدانى 1،8804 گا جەر ۋچاسكەسىن جالعا الۋ قۇقىعىن ساتۋ بويىنشا زاڭسىز اۋكتسيون وتكىزۋدە كاسىپكەرگە تيىمدىلىك بەرۋ ماقساتىمەن قىزمەت بابىن اسىرا پايدالاندى دەپ كۇدىكتەلەدى. مەملەكەتكە كەلتىرىلگەن شىعىن 32 107 268 تەڭگەنى قۇرادى. 

  1. باتىس قازاقستان وبلىسىنىڭ سىبايلاس جەمقورلىققا قارسى قىزمەتى «بقو قاراتوبە اۋدانىنىڭ ءبىلىم ءبولىمى» مم-ءنىڭ لاۋازىمدى تۇلعالارىنا قاتىستى قىزمەت بابىن پايدالانا وتىرىپ، ءىرى كولەمدە جىمقىرۋ فاكتىسى بويىنشا سوتقا دەيىنگى تەرگەۋدى باستادى. ولار 2020 جىلدىڭ مامىر ايىندا قازاقستان رەسپۋبليكاسىنىڭ اۋماعىندا توتەنشە جاعداي ەنگىزىلگەن كەزدە مەردىگەرلىك ۇيىمنىڭ ءبىر توپ ادامىمەن بىرلەسىپ، 100 دانا نوۋتبۋك ساتىپ الۋعا بولىنگەن 6 ملن تەڭگەدەن استام سوماداعى ءىرى مولشەردەگى بيۋدجەت قاراجاتىن جىمقىردى.

جوعارىدا اتالعان ىستەر بويىنشا كۇدىكتىلەرگە قاتىستى تۇپكىلىكتى شەشىمدى ولاردىڭ كىناسىنىڭ دەڭگەيىن انىقتاۋ ارقىلى سوت قابىلدايتىن بولادى.

قپك 201-بابىنا سايكەس وزگە اقپارات تەرگەۋ مۇددەسى ءۇشىن جاريالاۋعا جاتپايدى.

 

سىبايلاس جەمقورلىققا قارسى قىزمەتپەن اياقتالعان ىستەر بويىنشا سوت ۇكىمدەرى

 

سىبايلاس جەمقورلىققا قارسى قىزمەتتىڭ بۇرىن اياقتالعان قىلمىستىق ىستەرى بويىنشا 20 ادامعا قاتىستى 18 ايىپتاۋ ۇكىمى شىعارىلدى.

سوت ۇكىمى بويىنشا باس بوستاندىعىنان 2 ادام ايىرىلدى، 3 ازاماتتىڭ باس بوستاندىعى شەكتەلدى، 15-سىنە ايىپپۇل سالىندى، ايىپپۇلدىڭ جالپى سوماسى شامامەن 62 ملن تەڭگەنى (61 842 500 تەڭگە) قۇرادى. ءتۇرلى دەڭگەيدەگى 7 باسشى سوتتالدى. 

  1. 2020 جىلدىڭ 27 شىلدەسىندە تۇركىستان قالالىق سوتىنىڭ ۇكىمىمەن تۇركىستان وبلىسى مادەنيەت باسقارماسىنىڭ باسشىسى ن.ە. يسابەك جانە وسى باسقارمانىڭ ءبولىم باسشىسى د. ابدۋللاەۆا ارقايسىسى 7 جىلعا باس بوستاندىعىنان ايىرىلدى.

يسابەك تۇركىستان وبلىسىنىڭ «وبلىستىق تاريحي-ولكەتانۋ مۇراجايى» مقكك-عا باسشى لاۋازىمىنا تاعايىنداۋ ءۇشىن دەلدال د. ابدۋللاەۆادان 700 000 تەڭگە پارا الدى دەگەن كۇدىكپەن ۇستالدى.

  1. 2020 جىلدىڭ 30 شىلدەسىندە تۇركىستان وبلىسى كەلەس اۋداندىق سوتىنىڭ ۇكىمىمەن جامبىل اۋىلدىق وكرۋگىنىڭ اكىمى ب. قۇرماناليەۆ سوتتالدى جانە وعان 12 ملن تەڭگە ايىپپۇل سالىندى.

ول جامبىل اۋىلدىق وكرۋگىنىڭ اۋماعىندا «نۇرلى جەر» مەملەكەتتىك باعدارلاماسى بويىنشا جەر ۋچاسكەسىن بەرۋ تۋرالى ماسەلەنى وڭ شەشكەنى ءۇشىن 400 مىڭ تەڭگە پارا الدى دەگەن كۇدىككە ءىلىندى.

  1. 2020 جىلدىڭ 30 شىلدەسىندە شۋ اۋداندىق سوتىمەن «جامبىل وبلىسى شۋ اۋدانى اكىمدىگىنىڭ تۇرعىن ءۇي-كوممۋنالدىق شارۋاشىلىق، جولاۋشىلار كولىگى جانە اۆتوموبيل جولدارى ءبولىمى» كمم باسشىسى ب.ج. ەسەەۆ جانە شۋ اۋدانى اكىمدىگىنىڭ تكش، جك جانە اج ءبولىمىنىڭ مامانداندىرىلعان كوپسالالى «اۋىز سۋ-شۋ» شارۋاشىلىق جۇرگىزۋ قۇقىعىنداعى كوممۋنالدىق مەملەكەتتىك كاسىپورنىنىڭ ديرەكتورى ب.ك. جيەنبەكوۆ سوتتالىپ، مەملەكەتتىك قىزمەتتە قىزمەت اتقارۋ قۇقىعىنان ءومىر بويىنا ايىرۋمەن، ارقايسىسىنا 20 ملن. تەڭگە مولشەرىندە ايىپپۇل سالىندى.

ولار شۋ اۋدانىنىڭ ەلدى مەكەندەرىندەگى سۋ قۇبىرى جەلىلەرىن اعىمداعى جوندەۋگە ارنالعان 2 ملن.ت ەڭگە بيۋدجەت قاراجاتىن جك گ. ا. دجۋنۋسوۆانىڭ ەسەپ شوتىنا اۋدارۋ جانە ولاردى ودان ءارى قولما-قول اقشاعا اينالدىرۋ ارقىلى جىمقىردى دەگەن كۇدىككە ءىلىندى.

  1. 2020 جىلعى 3 تامىزدا ماحامبەت اۋداندىق سوتىمەن «اتىراۋ وبلىسى ماحامبەت اۋدانىنىڭ تۇرعىن ءۇي-كوممۋنالدىق شارۋاشىلىق، جولاۋشىلار كولىگى جانە اۆتوموبيل جولدارى ءبولىمى» مم-ءنىڭ باسشىسى م. ەرشيكوۆ مەملەكەتتىك قىزمەتتە لاۋازىمداردى اتقارۋ قۇقىعىنان ءومىر بويىنا ايىرۋمەن، 5 ملن. تەڭگە مولشەرىندە ايىپپۇل سالىندى.

ول ماحامبەت اۋدانىنىڭ جەكە كاسىپكەرلەرىنەن «وڭىرلەردى دامىتۋ» مەملەكەتتىك باعدارلاماسى بويىنشا بولىنگەن اۋدان حالقىن اۋىز سۋمەن قامتاماسىز ەتۋ بويىنشا شىعىنداردى سۋبسيديالاۋ اياسىندا ورىندالعان جۇمىستاردىڭ اكتىلەرىنە قول قويۋ ءۇشىن بىرنەشە رەت 145 مىڭ تەڭگە پارا العانى جانە اتىراۋ وبلىسى اكىمدىگى باسشىلىعىمەن كەزدەسۋ ۇيىمداستىرۋ ءۇشىن قارجىلىق كومەك كورسەتۋ سىلتاۋىمەن 160 مىڭ تەڭگە سوماسىندا اقشا قاراجاتىن الاياقتىق جولمەن يەمدەنگەنى ءۇشىن كۇدىكتەلگەن.

  1. 5. 2020 جىلعى 6 تامىزدا قورعالجىن اۋداندىق سوتىنىڭ ۇكىمىمەن «اقمولا وبلىسى ءبىلىم باسقارماسىنىڭ جانىنداعى قورعالجىن اۋىلىنىڭ اگروتەحنيكالىق كوللەدجى» مكقك ديرەكتورى ا. قوسپانوۆ سوتتالىپ، 3 جىلعا باس بوستاندىعىنان ايىرىلدى.

ول قىزمەتتىك جالعاندىق جاساۋ جانە قىزمەتتىك وكىلەتتىگىن تەرىس پايدالانۋ ارقىلى 3 ملن تەڭگەدەن استام بيۋدجەت قاراجاتىن جىمقىردى دەگەن كۇدىككە ءىلىندى.  

سوتتالعان ادامدار مەملەكەتتىك قىزمەتتە لاۋازىمداردى اتقارۋ قۇقىعىنان ءومىر بويىنا ايىرىلدى.

سونىمەن قاتار، لاۋازىمدى تۇلعالارعا پارا بەرۋ فاكتىسى بويىنشا – 10 ادام، الاياقتىق فاكتىسى بويىنشا – 2 ادام جانە قىزمەتتىك وكىلەتتىگىن تەرىس پايدالانۋ فاكتىسى بويىنشا – 1 ادام سوتتالدى.

سوڭعى جاڭالىقتار

انتاليادا اباي ساياباعى اشىلدى

رۋحانيات • بۇگىن، 12:00

اقسايدا سپورت مۋزەيى بار

ايماقتار • بۇگىن، 11:50

ەلىمىزدە تاعى 79 ادام ىندەت جۇقتىردى

كوروناۆيرۋس • بۇگىن، 09:10

تۇراقتى ديالوگتىڭ توركىنى

قوعام • بۇگىن، 08:33

كىندىك شەشە ءھام كىسى مىنەزى

رۋحانيات • بۇگىن، 08:30

ءبىر شاڭىراقتاعى قوس باتىر انا

ايماقتار • بۇگىن، 08:26

مباپپەگە كوز تىگىپ وتىر

فۋتبول • بۇگىن، 08:24

تۇرمەدە وتكەن توي

وقيعا • بۇگىن، 08:21

ءتورت جاسار «پوليتسەي»

ايماقتار • بۇگىن، 08:18

ونەردىڭ ەگىز ءورىمى

ونەر • بۇگىن، 07:58

ابىلاي حاننىڭ قارا جولى

رۋحانيات • بۇگىن، 07:54

كيەلى مەكەن – اقمەشىت

رۋحانيات • بۇگىن، 07:53

ۇقساس جاڭالىقتار