پوليتسيا قىزمەتكەرلەرى بۇرىن سوتتالعان ادامداردى قاققانىمەن ەشتەڭە تابا الماعان. بىراق جۋىردا سونىڭ ءبىرىنىڭ ۇيىنە قايتا بارعان تەرگەۋشى كوزدەن قاعاس جەردە قورابىمەن تۇرعان ش ۇلىقتاردى كورىپ قالادى. ناق وسىنداي زاتتار ۇرلانعانداردىڭ اراسىندا تىركەلگەن بولاتىن. جەدەل-ىزدەۋ شارالارىنىڭ ارقاسىندا كۇدىكتى دە ۇستالىپ, ونىڭ ۇستىنەن قىلمىستى ءىس قوزعالدى. ونىڭ ءۇيىن ءجىتى ءتىنتۋ بارىسىندا باسقا دا ۇرلانعان زاتتار تابىلىپ, ايعاقتار كۇدىكتىنى بۇلتارتپادى. 1971 جىلى تۋعان كۇدىكتى قاماۋعا الىنىپ, ءوزىنىڭ قىلمىسقا قاتىستىلىعىن مويىنداعان.
اۋداندىق پب باستىعى, مايور رۋسلان مۇحامبەتجانوۆتىڭ ايتۋىنا قاراعاندا «كوپتەگەن دۇكەن يەلەرى ساقتىق شارالارىنا سالاق قارايدى. بەينەجازبا قۇرالدارى مەن كۇزەت تۇگىلى دابىل قويۋدى دا بىلمەيدى. سونىڭ كەسىرىنەن سۋىق قولدى ادامدار دۇكەنگە تۇسكىش», دەيدى ول.
جىل باسىنان بەرى سولتۇستىكقازاقستاندىق پوليتسەيلەر وسىنداي بۇرىن جاسالعان 751 قىلمىستى اشتى. بۇلاردىڭ ءبارى ءىز سۋىتپاي اشىلماعاندار. سونىڭ ىشىندە 242 قىلمىس بۇرىنعى جىلدارى جاسالعاندار.
