23 قازان، 2013

«ۇكىلى دومبىرا»

356 رەت كورسەتىلدى

دومبىرا كونكۋرس وكتيابر 8اتىراۋدا ۇلتتىق ساز اسپابىن جاساۋشىلاردىڭ رەسپۋبليكالىق بايقاۋى ءوتتى

اتىراۋدا مارەگە جەتكەن دومبىرا جاساۋشىلار­دىڭ كەزەكتى رەسپۋبليكالىق بايقاۋى كۇي اتاسى – قۇرمان­­­عازى ساعىرباي ۇلىنىڭ 190 جىلدىعىنا ارنالىپ وتكىزىلدى. وعان مادەنيەت جانە اقپارات مينيس­­ترلىگىنىڭ مادەنيەت كوميتەتى جانە اتىراۋ وبلىس­­تىق اكىمدىگى قولداۋ كورسەتتى. «يمان» رەسپۋب­ليكا­لىق قورىنىڭ پرەزيدەنتى وتەگەن ماحمۇت­تىڭ ايتقا­نىنداي، «ۇكىلى دومبىرا» بايقاۋىن وتكىزۋ 1992 جىلى دۇنيەجۇزى قازاقتارىنىڭ قۇرىلتايى قارسا­ڭىن­دا قولعا الىنعان. سودان بەرى جىل ارالاتىپ وتەتىن بايقاۋعا قاتىسۋشىلار قاتارى وسكەن. بۇل جولى 17 شەبەر وزدەرى جاساعان 25 دومبىرانى ۇلتتىق ساز اسپابىنىڭ بىلگىر ماماندارىنىڭ نازارىنا ۇسىندى.

 اتىراۋدا ۇلتتىق ساز اسپابىن جاساۋشىلاردىڭ رەسپۋبليكالىق بايقاۋى ءوتتى

دومبىرا كونكۋرس وكتيابر 8اتىراۋدا مارەگە جەتكەن دومبىرا جاساۋشىلار­دىڭ كەزەكتى رەسپۋبليكالىق بايقاۋى كۇي اتاسى – قۇرمان­­­عازى ساعىرباي ۇلىنىڭ 190 جىلدىعىنا ارنالىپ وتكىزىلدى. وعان مادەنيەت جانە اقپارات مينيس­­ترلىگىنىڭ مادەنيەت كوميتەتى جانە اتىراۋ وبلىس­­تىق اكىمدىگى قولداۋ كورسەتتى. «يمان» رەسپۋب­ليكا­لىق قورىنىڭ پرەزيدەنتى وتەگەن ماحمۇت­تىڭ ايتقا­نىنداي، «ۇكىلى دومبىرا» بايقاۋىن وتكىزۋ 1992 جىلى دۇنيەجۇزى قازاقتارىنىڭ قۇرىلتايى قارسا­ڭىن­دا قولعا الىنعان. سودان بەرى جىل ارالاتىپ وتەتىن بايقاۋعا قاتىسۋشىلار قاتارى وسكەن. بۇل جولى 17 شەبەر وزدەرى جاساعان 25 دومبىرانى ۇلتتىق ساز اسپابىنىڭ بىلگىر ماماندارىنىڭ نازارىنا ۇسىندى.

– «ۇكىلى دومبىرا» بايقاۋىن وتكىزۋدەگى باس­تى ماقسات – ۇلتتىق ساز اسپابىمىزدىڭ ساپالىق ەرەك­شەلىگىن ارتتىرۋ، ءسويتىپ، دومبىرانىڭ اۋەندىك، اۋەزدىك مۇمكىندىگىن جەتىلدىرۋ. ارينە، دومبىرانى جاساۋ وڭاي ەمەس. سول سەبەپتەن، دومبىرا جاساۋشى شەبەرلەر ونەرىن ناسيحاتتاپ، كەيىنگى ۇرپاققا جالعاستىرۋ جولدارىن ىزدەۋگە باسا ءمان بەرىپ وتىرمىز، – دەيدى «يمان» قورىنىڭ پرەزيدەنتى وتەگەن ماحمۇت.

بايقاۋعا قاتىسۋشى شەبەرلەرگە قوزىقۇيرىق جانە قالاق دومبىرا ۇلگىسىمەن جاسالعان ەكى اسپاپتى ۇسىنۋ تالابى قويىلدى. جانە دومبىرا جاساۋشىلاردىڭ اتى-جوندەرى بايقاۋ قورىتىندىسى شىققانعا دەيىن جاسىرىن ۇستالدى. بەلگىلى دومبىراشى، استانا قالالىق ۇلت-اسپاپتار وركەسترىنىڭ باس ديريجەرى ايتقالي جايىموۆ توراعالىق ەتكەن قازىلار القاسى ءار دومبىرانىڭ جاسالۋ ۇلگىسىنە، اۋەزدى ۇنىنە ايرىقشا كوڭىل اۋداردى. بايقاۋدىڭ ناتيجەسىندە الماتى وبلىسىندا تۇراتىن دومبىرا جاساۋشى الماس مۇستافاەۆ ۇسىنعان دومبىرا قۇرمانعازى اتىنداعى باس جۇلدەگە لايىق دەپ تابىلدى. باس جۇلدە العان دومبىراسىن الماتىداعى بۇيرا ۇيەڭكى اعاشىنان جاسادىم، دەيتىن حاس شەبەرگە «قر مادەنيەت سالاسىنىڭ ۇزدىگى» توسبەلگىسى مەن 4000 اقش دوللارى كولەمىندەگى اقشالاي سىيلىق تابىس ەتىلدى.

سونىمەن بىرگە، ماحامبەت اتىنداعى ءبىرىنشى جۇلدە نۇرجان ورىنباساروۆتىڭ، داۋلەتكەرەي اتىنداعى ەكىنشى جۇلدە ەستاي باقىتجانوۆتىڭ، ەسپاي اتىنداعى ءۇشىنشى جۇلدە امانكەلدى سماعۇلوۆتاردىڭ ۇلەسىنە ءتيدى. بۇعان قوسا، بۇل بايقاۋدا ءدۇلدۇل كۇيشىلەر رىسپاي عابديەۆ پەن قارشىعا احمەدياروۆ اتىنداعى ىنتالاندىرۋ جۇلدەلەرىنىڭ يەلەرى دە انىقتالدى. ال قالاق دومبىرا جاسايتىن شەبەرلەرگە بەرىلەتىن ارنايى ستاتۋەتكانى ەلجاس ورىنباسار ۇلى ەنشىلەدى.

01-دومبىرا كونكۋرس وكتيابر 2

ءبىر تاڭدانىس تۋدىرارلىعى، اتالعان بايقاۋعا جەرگىلىكتى جەردەن بىردە-ءبىر دومبىرا جاساۋشى قاتىسقان جوق. «يمان» قورىنىڭ پرەزيدەنتى ءو.ماحمۇتتىڭ پىكىرىنشە، ەندى بۇل بايقاۋ باتىس قازاقستان وبلىسىندا ءوتۋى مۇمكىن.

جولداسبەك شوپەعۇل،

«ەگەمەن قازاقستان».

اتىراۋ وبلىسى.

–––––––––––––

سۋرەتتەردە: قازىلار القاسى ءار دومبىرانى مۇقيات سارالادى.

سوڭعى جاڭالىقتار

اقتاۋدا شارشى الاڭعا كىمدەر شىعادى؟

كاسىپقوي بوكس • بۇگىن، 14:52

اتىراۋدا ەپيدجاعداي ءالى دە كۇردەلى

كوروناۆيرۋس • بۇگىن، 13:50

تۇركىستاندا ۇشەم دۇنيەگە كەلدى

ايماقتار • بۇگىن، 12:50

ەرتەڭ ۇكىمەت وتىرىسى وتەدى

ۇكىمەت • بۇگىن، 11:31

ۇقساس جاڭالىقتار