كۇنى كەشە فۋتبولدان ەۋروپا ليگاسىنىڭ كەيىنگە قالدىرىلعان 1/8 ويىندارىنىڭ قارىمتا كەزدەسۋلەرى ءوتتى. انگليانىڭ «مانچەستەر يۋنايتەد» كلۋبى ءوز الاڭىندا اۋستريانىڭ لاسك كومانداسىنان 2:1 ەسەبىمەن باسىم ءتۇسىپ, شيرەك فينالعا جولداما الدى. سونىمەن قاتار يتاليانىڭ «ينتەر», ۋكراينانىڭ «شاحتەر» جانە دانيانىڭ «كوپەنگاگەن» كلۋبتارى دا ءتۋرنيردىڭ شيرەك فينالىندا ونەر كورسەتەتىن بولدى.
«ينتەر» ءوز الاڭىندا «حەتفەنى» 2:0 ەسەبىمەن جەڭسە, «شاحتەر» «ۆولفسبۋرگ» قاقپاسىنا جاۋاپسىز ءۇش گول سوقتى. دانيادا وتكەن ويىندا دا «كوپەنگاگەن» فۋتبولشىلارى «ىستانبۇل باشاكشەحير» كلۋبىنىڭ قاقپاسىن ءۇش مارتە ءدال كوزدەدى. ءتۋرنيردىڭ شيرەك فينال ماتچتارى 11-12 تامىزدا وتەدى.
