23 قازان، 2013

جانايداعى جاڭا مەكتەپشاكىرتتەرگە تەرەڭ ءبىلىم بەرۋمەن بىرگە ەڭبەككە باۋلۋدا

221 رەت كورسەتىلدى

وبلىس ورتالىعىنان 500 شاقىرىم شالعايدا جاتقان ءۇرجار اۋدانىندا بيىل 8 مەكتەپتىڭ قۇرىلىسى سالىنۋدا. ونىڭ ءبىرى جاناي اۋىلىنداعى 120 ورىندىق جاڭا مەكتەپ اشىلىپ، اۋدان اكىمى سەرىك زاينۋلدين، اۋىل ارداگەرلەرى ۇستازدار مەن شاكىرتتەردى قۇتتىقتاپ، سىي-سياپاتىن جاسادى، ولارعا تابىس تىلەدى. اۋدان اكىمى سەرىك زينابەك ۇلى بيىل تاعى جىل اياعىنا دەيىن ءۇش مەكتەپتىڭ، ال قالعانى كەلەسى جىلى پايدالانۋعا بەرىلەتىنىن تىلگە تيەك ەتتى.

 

وبلىس ورتالىعىنان 500 شاقىرىم شالعايدا جاتقان ءۇرجار اۋدانىندا بيىل 8 مەكتەپتىڭ قۇرىلىسى سالىنۋدا. ونىڭ ءبىرى جاناي اۋىلىنداعى 120 ورىندىق جاڭا مەكتەپ اشىلىپ، اۋدان اكىمى سەرىك زاينۋلدين، اۋىل ارداگەرلەرى ۇستازدار مەن شاكىرتتەردى قۇتتىقتاپ، سىي-سياپاتىن جاسادى، ولارعا تابىس تىلەدى. اۋدان اكىمى سەرىك زينابەك ۇلى بيىل تاعى جىل اياعىنا دەيىن ءۇش مەكتەپتىڭ، ال قالعانى كەلەسى جىلى پايدالانۋعا بەرىلەتىنىن تىلگە تيەك ەتتى.

جاقىندا جانايداعى جاڭا مەكتەپتە بولۋدىڭ ءساتى ءتۇستى. ەكى قاباتتى مەكتەپ ءىشى كىرسە شىققىسىز، وقۋشىلار وتىراتىن پارتالار ىڭعايلى، جارقىراپ تۇر. ەكىنشى قاباتتا بيولوگيا ءپانىنىڭ ۇستازدارى ءتۇرلى گۇلدەر ءوسىرىپ، اشىق الاڭدى تۇرلەندىرىپ قويىپتى. اۋدان اكىمىنىڭ ورىنباسارى قاپسادىق بايسينوۆ مەكتەپ قۇرىلىسىن مەرزىمىندە سالىپ بەرگەن «تەرمە-وست» سەرىكتەستىگىنىڭ باسشىسى كۇلاش اقاشقىزىنىڭ قۇرىلىسشىلارىنا العىسىن ايتتى.

كۇلاش اقاشقىزىنىڭ ەسىمى ءوڭىر جۇرتشىلىعىنا جاقسى تانىس. سوناۋ 90-جىلدارى كاسىپكەرلىككە بەت بۇرىپ، «تەرمە» فيرماسىن اشىپ، سول كەزدەگى تاڭسىق قازاقتىڭ ۇلتتىق كيىمدەرى –شاپان، كامزول، باسقا دا زاتتاردى ساپالى تىگىپ، وڭىرگە تاراتقان. ەندى قۇرىلىس سالۋعا بەت بۇرىپتى. بارەكەلدى!

مەكتەپ ديرەكتورى، 30 جىلدىق ەڭبەك ءوتىلى بار ساۋلە نۇرقاسىموۆامەن بىرگە مەكتەپ سىنىپتارىن ارالاپ ءجۇرمىز. جاڭانىڭ اتى جاڭا، بارلىق جەردە تازالىق پەن ۇقىپتىلىق كوزگە ۇرىپ تۇر.

– وبلىس اكىمى ب.ساپارباەۆتىڭ تاپسىرماسى بويىنشا ءار وقۋشىعا كۇن سايىن تاڭەرتەڭ ءبىر ستاقان ىستىق ءسۇت پەن 20 گرامم بال بەرىلەدى.اعزاعا ەرەكشە قۋات بەرەتىن بال مەن ءسۇت ىشكەن وقۋشىلار شارشاماي وزدەرىن سەرگەك سەزىنەدى. سەرىك بەگىمباەۆ، ۆلاديمير موسكالەنكو، باقىتگۇل ارعاناتوۆا ءبىلىمى مەن بىلىكتىلىگىن قاتار الىپ جۇرگەن تاجىريبەلى ۇستازدار، –دەپ ساۋلە ءبىراز جايدان حاباردار ەتتى.

«تىگىن تسەحى»، «اعاش وڭدەۋ» «تەمىر وڭدەۋ» دەگەن جازۋى بار سىنىپقا ەندىك. بۇل جەردە وقۋشىلاردى ەڭبەككە باۋلۋ ءپانى جۇرگىزىلەدى ەكەن. باقىتگۇل ارعاناتوۆا وسى پاندەردەن شاكىرتتەرگە ءدارىس وقيدى. 9 تىگىن ماشينەسى، تەمىر جونۋ ستانوكتارى جاپ-جاڭا. –بالالاردى ەڭبەككە باۋلۋدىڭ ءمانى زور، –دەيدى باقىتگۇل قارىنداسىمىز. –قازىر اتا-انالار بالالارىن ەڭبەككە باۋلۋعا كوڭىل بولە بەرمەيدى. ولاردىڭ تىگىن جانە اعاش، تەمىردەن ءتۇيىن تۇيۋگە دەگەن ىنتالارى قۋانتادى. كۇنى ەرتەڭ ۇلكەن ومىرگە جولداما العان كەزدە وقۋعا تۇسە المايتىنداردىڭ جۇمىستى وڭاي تاۋىپ الۋعا مۇمكىندىكتەرى بار.

جاناي اۋىلىنىڭ اكىمى داۋلەتحان ىبىراەۆ وسىدان ەكى اي بۇرىن اۋىل اكىمدەرىنىڭ سايلاۋىندا ءۇش اداممەن داۋىسقا ءتۇسىپ، جەڭىمپاز اتانىپ، قىزمەتىنە كىرىسىپ كەتىپتى. بۇرىن ەلتاي اۋىلدىق وكرۋگىندە باس مامان بولعان ازامات اتقارىپ جاتقان جۇمىستارىن ايتىپ بەردى. وكرۋگتە ەكى مەكتەپ، «شۆاب شۇجىعى» سەرىكتەستىگى، وننان استام شارۋا قوجالىقتارى بار ەكەن. بيىل ەگىننەن مول استىق العان ديقانداردىڭ كوڭىلى كوتەرىڭكى، مەكتەپكە قايىرىمدىلىق شارالارىن جاساپ تۇرامىز، دەيدى اۋىل اكىمى داۋلەتحان ءىنىمىز.

وڭداسىن ەلۋباي،

«ەگەمەن قازاقستان».

شىعىس قازاقستان وبلىسى،

ءۇرجار اۋدانى.

سوڭعى جاڭالىقتار

شىڭعىستاۋدىڭ شاكىرى

ادەبيەت • كەشە

جانى ىزگى جۋرناليست

ەگەمەن قازاقستان • كەشە

ۇقساس جاڭالىقتار