ايماقتار • 06 تامىز، 2020

ۇبت كەزىندەگى اكادەميالىق ادالدىق ماسەلەسى قاراستىرىلدى

46 رەت كورسەتىلدى

2020 جىلعى 17-20 تامىز ارالىعىندا شەكتى بالل جيناي الماعان، ناۋرىز ايىندا ۇبت-عا قاتىسۋعا ءوتىنىش بەرگەن، سونداي-اق ماۋسىم-شىلدە ايلارىندا ناتيجەلەرى جويىلىپ، ۇبت-عا جىبەرىلمەگەن جانە تاعى بىرقاتار تۇلعا ءۇشىن  كەزەكتى ۇبت وتكىزىلەدى. 

شقو-دا س.امانجولوۆ اتىنداعى شىعىس قازاقستان مەملەكەتتىك ۋنيۆەرسيتەتى مەن سەمەي قالاسىنداعى شاكارىم اتىنداعى مەملەكەتتىك ۋنيۆەرسيتەتىندە وتەتىن تەستىلەۋگە اشىقتىق پەن ادىلدىكتى قامتاماسىز ەتۋ، قوعامدىق باقىلاۋدى جۇزەگە اسىرۋ ماقساتىندا "شىعىس – ادالدىق الاڭى" جوبالىق كەڭسەسىنىڭ وكىلدەرى، شقو سىبايلاس جەمقورلىققا قارسى قىزمەت ماماندارى قاتىسادى.

بۇل تۋرالى شقو سىبايلاس جەمقورلىققا قارسى قىزمەتتىڭ پرەۆەنتسيا جانە پاراساتتىلىق باسقارماسىنىڭ باسشىسى رەنات نابيەۆ وڭىردەگى مەملەكەتتىك كوميسسيا مۇشەلەرىمەن ونلاين جيىن وتكىزىپ، تەستىلەۋ كەزىندە قانداي دا ءبىر زاڭبۇزۋشىلىقتارعا جول بەرىلگەن جاعدايدا جاۋاپكەرشىلىك قاراستىرىلعانىن ەسكەرتتى.  

اتاپ ايتساق، 2020 جىلعى 21 ماۋسىم – 1 شىلدە ارالىعىندا وتكەن ۇلتتىق بىرىڭعاي تەستىلەۋ كەزىندە تەستىلەۋ ەرەجەلەرىن بۇزعان 86 ابيتۋريەنت تەستىلەۋدەن شىعارىلىپ، ولاردىڭ ناتيجەسى جويىلدى.

سونداي-اق شقو سىبايلاس جەمقورلىققا قارسى قىزمەتى تەست تاپسىرۋشىلاردى تەك ءوز بىلىمدەرىنە عانا سۇيەنە وتىرىپ، تەست تاپسىرۋعا شاقىرىپ، ال اتا-انالاردى تەستىلەۋ قورىتىندىسى بويىنشا وڭ باعا الۋ ماقساتىندا پارا بەرگەنى ءۇشىن قىلمىستىق جاۋاپكەرشىلىك جانە باس بوستاندىعىنان ايىرۋ كوزدەلگەنىن ەسكەرتەدى.

جالپى، اگەنتتىك ءبىلىم جانە عىلىم مينيسترلىگىمەن بىرلەسىپ پاراساتتىلىق پەن اكادەميالىق ادالدىق يدەولوگياسىن ىلگەرىلەتۋ بويىنشا بەلسەندى جۇمىس جۇرگىزۋدە.

ەگەر سىزدەر تەستىلەۋ كەزىندە قانداي دا ءبىر سىبايلاس جەمقورلىق قۇقىقبۇزۋشىلىعىنا تاپ بولساڭىزدار، اگەنتتىكتىڭ 1424 سall-ورتالىعىنا  قوڭىراۋ شالۋلارىڭىز قاجەت.

 

سوڭعى جاڭالىقتار

ۇقساس جاڭالىقتار