برازيليا. بۇل ەلدە ءبىر تاۋلىكتە 57 مىڭ ادامنىڭ اۋرۋ جۇقتىرعانى بەلگىلى بولعان. دەنساۋلىق ساقتاۋ مينيسترلىگىنىڭ دەرەگى بويىنشا SARS-CoV-2 ىلمەگىنە 2 589 073 برازيليالىق ءىلىنىپ, 97 256 ادام كوز جۇمىپتى. تەك كەشەگى كۇنى 1437 پاتسيەنتتىڭ دەمى تاۋسىلعان.
كولۋمبيا. ەلدىڭ دەنساۋلىق ساقتاۋ مينيسترلىگىنىڭ Twitterدەگى پاراقشاسىنداعى 6 تامىز كۇنگى جازبادا وتكەن تاۋلىكتە 10 مىڭنان استام ادامنىڭ جاڭادان ۆيرۋس جۇقتىرعانى ءمالىم ەتىلگەن. ەگەر دالىرەك سان قاجەت بولسا, ول 10 735, ءتىپتى 11 مىڭنىڭ اينالاسى ەكەن.
سونىمەن 345 714 كولۋمبيالىق COVID-19 بەن اۋىرىپ, جالپى سانى 11 624 ادام ومىرمەن قوشتاسقان.
بوليۆيا. پاندەميا باستالعاننان بەرى 85 141 ادام كۆي-ءدىڭ شارپۋىنا ىلىنگەن. ال كەشە جاڭادان 1780 اۋرۋ فاكتىسى تىركەلىپتى. 26 437 پاتسيەنت جازىلىپ شىقسا, 3385 بوليۆيالىقتىڭ تىرشىلىكتەگى تاتار ءدامى تاۋسىلعان.
ەل بيلىگى اۋرۋدىڭ تىنىسىن تارىلتۋ ماقساتىندا تامىزدىڭ اياعىنا دەيىن كارانتيندى ۇزارتقان.
