كوروناۆيرۋس • 06 تامىز، 2020

ددۇ ساراپشىلارى مەكتەپتەردى اشۋعا اسىقپاۋ كەرەكتىگىن ەسكەرتتى

1836 رەت كورسەتىلدى

الەمدە كوروناۆيرۋس جۇقتىرعان ادامداردىڭ سانى 18 ميلليوننان استى، ال كۇندەلىكتى جاڭا جاعدايلاردىڭ سانى 250 مىڭعا جۋىقتايدى. دۇنيەجۇزىلىك دەنساۋلىق ساقتاۋ ۇيىمى (ددۇ) الەۋمەتتىك جەلىدە كوپ كوتەرىلەتىن ماسەلەلەر بويىنشا شۇعىل جيىن وتكەردى، - دەپ حابارلايدى Egemen.kz.

جيىن بارىسىندا بەلگىلى بولعانداي، ددۇ ساراپشىلارى جاڭا كوروناۆيرۋستى زەرتتەيتىن ورتالىقتارمەن،  عالىمدارىمەن بايلانىستى ۇزگەن ەمەس.   قولداعى مالىمەتتەردىڭ قورىندىسى ينفەكتسيانىڭ نەگىزگى تارالۋ  كوزى دەرتتەنگەن  ادام ەكەنىن تاعى دا دالەلدەدى. "ينفەكتسيا قاۋپىنىڭ دارەجەسى ەكى فاكتورعا بايلانىستى، فيزيكالىق جاقىندىق جانە اراقاشىقتىق. بايلانىس نەعۇرلىم ۇزاق بولسا، ينفەكتسيانىڭ قاۋپى سوعۇرلىم جوعارى بولادى. ەگەر اۋرۋ ادام ماسكا كيسە، ول باسقالارعا ونشا قاۋىپ توندىرمەيدى"، - دەيدى ددۇ ساراپشىلارى.  

ددۇ ساراپشىلارى  ادامدار قالىپتى ومىرگە ورالۋعا تىرىساتىنىن تۇسىنەتىننىن،  جاستاردىڭ سپورتتىق ويىندارعا تاعى دا قاتىسقاندارىن قالايتىنىن تاعى دا اشىپ ءوتىپتى. بىراق قاي جەردە جۇرسە دە  فيزيكالىق قاشىقتىقتى ساقتاۋدى ۇمىتپاۋ قاجەتتىگىن، بۇل  ينفەكتسيانىڭ تارالۋىن بولدىرماۋعا بولاتىن جالعىز ءادىس ەكەنىن ەسكەرتىپتى.

سونىمەن قاتار بۇۇ ساراپشىلارى جاس بالالاردىڭ ادەتتە ينفەكتسياعا ونشا بەيىم ەمەستىگىن جانە ولار ينفەكتسيانىڭ بەلسەندى تاسىمالداۋشىسى بولىپ كورىنبەيتىنىن، ال ۇلكەن جاستاعى بالالار "اۋرۋدىڭ تارالۋىنا كوبىرەك قاتىسادى" دەپ اتاپ كورسەتتى.

سونداي-اق  ددۇ ماماندارى مەكتەپتەردىڭ دە بالالاردىڭ قاۋىپسىزدىگىنە 100 پايىز  كەپىلدىك بەرە المايتىنىن، بالالارعا قاتىستى زورلىق-زومبىلىق كەي جاعدايدا مەكتەپ اۋلالارىندا بولىپ جاتانىنىن دا ەسكە سالىپ ءوتىپتى. "ۆيرۋستىڭ تارالۋى باقىلاۋعا الىنعان جەرلەردە مەكتەپتەر اشىلۋى مۇمكىن، بۇل جەردە جاعدايدى باقىلاۋ مۇمكىندىگى تۋرالى ايتىپ وتىرمىن. الايدا COVID-19 باقىلاۋى ءالسىز ايماقتاردا مەكتەپتەر اشىلسا، جاعداي ايتارلىقتاي ناشارلايدى"، دەيدى ددۇ ساراپشىسى مايك رايان.

مايك رايان  بالانى مەكتەپكە جىبەرمەس بۇرىن بارلىق اقپاراتتى، سونىڭ ىشىندە مەكتەپ عيماراتىنىڭ اۋدانى، وقۋشىلار سانى جانە وسى ايماقتاعى ەپيدەميولوگيالىق جاعدايدى ەسكەرۋگە شاقىردى.

سوڭعى جاڭالىقتار

ۇقساس جاڭالىقتار