كۇن سايىن وڭىرلەردەگى جۇرگىزىلىپ جاتقان شارالاردىڭ تيىمدىلىگىن انىقتاۋ ءۇشىن 17 ينديكاتور بويىنشا مونيتورينگ جۇرگىزىلەدى. بۇل ينديكاتورلاردىڭ اراسىندا تەك قانا COVID-19 سىرقاتى بويىنشا عانا ەمەس, سونىمەن قاتار تەستىلەۋمەن قامتىلعان حالىقتىڭ سانى, COVID-19 سىرقاتىن انىقتاۋعا ارنالعان تەستىلەۋدىڭ تيىمدىلىگى, رەانيماتسيالىق بولىمشەلەردەگى ورىنداردىڭ تولىقتىعى, اۋرۋحانالارداعى ورىندار قورىنىڭ جاي-كۇيى جانە وزگە دە مالىمەتتەر قامتىلعان. بۇدان وزگە حالىقتان تۇسكەن ارىز-شاعىمداردىڭ ۋاقتىلى قارالۋى, كوروناۆيرۋس ينفەكتسياسىمەن كۇرەس شارالارىن حالىقتىڭ جاعىمسىز جاعىنان قابىلداۋىنىڭ دەڭگەيىنە قاتىستى تارماقتار دا بار. وسى ينديكاتورلار بويىنشا ماڭعىستاۋ وبلىسى «جاسىل» دەڭگەيگە قول جەتكىزىپ وتىر. بۇل قايتىس بولعانداردىڭ سانى جانە وكسيگەنوتەراپيا تيك بويىنشا كورسەتكىشتەردەن باسقاسى بولىپ ەسەپتەلەدى, سوڭعى تارماق جۇزەگە اسىرىلۋ بارىسىندا.
ايتا كەتەرلىگى, بۇگىنگى تاڭدا ماڭعىستاۋ وبلىسىندا ەكى ينفەكتسيالىق اۋرۋحانا بار. ولاردىڭ ءبىرى 1970 جىلى, ال ەكىنشىسى 1981 جىلى سالىنعان. قازىرگى تاڭدا ولاردىڭ توزۋ كورسەتكىشى 80% جانە 100%-دى قامتىپ وتىر. دەگەنمەن بۇل مەديتسينالىق مەكەمەلەر ينفەكتسيالىق قاۋىپسىزدىك ستاندارتتارىنا ساي ەكەنىن اتاپ ءوتۋ ءلازىم. سونىمەن قاتار مۇنايلى ولكەگە 200 كەرۋەتتەن تۇراتىن تاعى ءبىر اۋرۋحانا قاجەتتىلىگى بايقالۋدا. قۇزىرلى ورىنداردىڭ مالىمەتىنە سۇيەنسەك, اتالعان اۋرۋحانانىڭ قۇرىلىسى, تەحنيكالىق جانە مەديتسينالىق جابدىقتالۋى 5,5 ملرد تەڭگەنى قۇرايدى دەپ بولجانۋدا.
ماڭعىستاۋ وبلىسى
