15 ناۋرىزدا توتەنشە جاعداي جاريالانعاننان كەيىن NCOC بىردەن ءوز قىزمەتكەرلەرىن جالاقىسىن ساقتاي وتىرىپ, قاشىقتان جۇمىس ىستەۋ تارتىبىنە اۋىستىردى. بۇل ىندەتتىڭ تارالۋىن باسەڭدەتۋگە باعىتتالعان الەۋمەتتىك قاشىقتىق ساقتاۋ شەڭبەرىندە قابىلدانعان ۋاقىتشا شارا بولدى.
NCOC كومپانياسى ءۇشىن ادامداردىڭ دەنساۋلىعى, قاۋىپسىزدىگى جانە ءال-اۋقاتىن قورعاۋ – قىزمەتكەرلەرى جانە مەردىگەرلەر پەرسونالى ءۇشىن جوعارى قۇندىلىق. وسى قاعيدانى باسشىلىققا الا وتىرىپ, كومپانيا ءوزىنىڭ وندىرىستىك الاڭدارى ءۇشىن 90 كۇندىك وقشاۋلاۋ تۇجىرىمداماسىن ازىرلەدى. بۇل وندىرىستىك نىسانداردا جۇمىس ىستەيتىن وندىرىستىك پەرسونالدىڭ جۇمىس الاڭدارىنا بارار الدىندا ىندەتتىڭ الدىن الۋ ءۇشىن وقشاۋلاۋ كەزەڭىنەن ءوتۋ جوسپارى بولدى. ايتا كەتەتىنى, NCOC كومپانياسى اتىراۋ قالاسىندا COVID-19-عا قاتىستى ەكسپرەسس-تەستىن ءبىرىنشى بولىپ ەنگىزدى. وندىرىستىك الاڭداعى نەگىزگى پەرسونال 14 كۇننەن اسپايتىن وقشاۋلاۋ كەزەڭىنەن كەيىن وندىرىستىك الاڭعا بارار الدىندا COVID-19-عا قاتىستى پتر ادىسىمەن زەرتحانالىق تەكسەرۋدەن وتەدى.
سونىمەن قاتار NCOC كۇدىكتى نەمەسە راستالعان COVID-19 جاعدايى انىقتالعان كەزدە قولداناتىن مىندەتتەر مەن جاۋاپكەرشىلىكتەرى انىقتالعان ارنايى ءىس-ارەكەت جوسپارىن ازىرلەدى. كومپانيا ءوز قىزمەتكەرلەرىنە قولداۋ كورسەتۋ شارالارى شەڭبەرىندە كوروناۆيرۋس ينفەكتسياسى تارالا باستاعان العاشقى ايلاردا اتىراۋ, اقتاۋ جانە نۇر-سۇلتان قالالارىنداعى قىزمەتكەرلەرىنە ءبىر رەتتىك مەديتسينالىق ماسكالار تاراتتى. بۇل رەتتە قىزمەتكەرلەردىڭ وتباسىلارى تۇگەل ماسكامەن قامتىلدى. وسىلايشا كومپانيا ءوز قىزمەتكەرلەرى مەن ولاردىڭ وتباسى مۇشەلەرىنىڭ دەنساۋلىعى مەن ءال-اۋقاتى ماڭىزدى ەكەندىگىن تاعى ءبىر مارتە دالەلدەدى.
الەمدىك پاندەميانىڭ كەسىرى دەنساۋلىق ساقتاۋ جۇيەلەرىنە اۋىر ءتيدى. NCOC كومپانياسى جەرگىلىكتى اۋرۋحانالاردىڭ الەۋەتىن قولداۋ جانە كوروناۆيرۋس ينفەكتسياسىنىڭ تارالۋىنا جول بەرمەۋ ءۇشىن قابىلدانعان شارالاردى جۇزەگە اسىرۋ ماقساتىندا جەرگىلىكتى ورگاندارمەن, ۇكىمەتپەن جانە باسقا دا سەرىكتەستىكتەرمەن تىعىز قارىم-قاتىناستا جۇمىس ىستەدى.
ناۋرىز ايىنان باستاپ NCOC كومپانياسى اتىراۋ جانە ماڭعىستاۋ وبلىستارىنىڭ دەنساۋلىق ساقتاۋ جۇيەلەرىن وتە ماڭىزدى دا قاجەتتى مەديتسينالىق جابدىقتارمەن قامتاماسىز ەتۋدە. اتاپ ايتقاندا, كومپانيا COVID-19 جۇقتىرعان ناۋقاستار ەمدەلىپ جاتقان اتىراۋ وبلىستىق جۇقپالى اۋرۋلار اۋرۋحاناسىنا زاماناۋي قارقىندى تەراپيا كورسەتۋگە ارنالعان جابدىقتى جەتكىزدى. ونىڭ ىشىندە بالالار مەن ەرەسەكتەرگە ارنالعان وكپەنى جاساندى جەلدەتۋگە ارنالعان اپپاراتتار, ەكگ جانە ىنتالاندىرۋ فۋنكتسياسى بار دەفيبريللياتورلار, كوپفۋنكتسيونالدى كەرەۋەتتەر, ءپورتاتيۆتى ۋلترادىبىستىق اپپارات, ءتۇرلى اناليزاتورلار, مونيتورلار جانە تاعى دا باسقا كوپتەگەن زات بار. ايتا كەتەتىن جاي, اتالعان جابدىقتار جەتكىزىلگەن جۇقپالى اۋرۋلار اۋرۋحاناسى 2016 جىلى NCOC كومپانياسىنىڭ الەۋمەتتىك جانە ينفراقۇرىلىمدىق جوباسى اياسىندا اتىراۋ قالاسىندا سالىنعان. قازىر بۇل – ايماقتاعى شۇعىل مەديتسينالىق كومەك كورسەتۋدىڭ باستى مەكەمەسى.
بۇعان قوسا مىڭداعان شىعىندىق ماتەريالدار (ەندوتراحەالدى تۇتىكتەر, وروفارينگەالدى تىنىس الۋ جولدارى, دەفيبريللياتورلى ەلەكترود), ينفەكتسيادان قورعانۋ قۇرالدارى (زارارسىزداندىرۋعا ارنالعان ديسپەنسەرلەر, شىنتاقتىق دوزاتورلار, ءوزى سىعىلاتىن شۆابراسى بار شەلەكتەر) بىرقاتار وبلىستىق مەديتسينالىق ۇيىمدارعا بەرىلدى. سونداي-اق NCOC كومپانياسى ارنايى شاقىرعان بريتاندىق قارقىندى تەراپيا دارىگەرى COVID-19 جۇقتىرعان ناۋقاستاردى قارقىندى ەمدەۋ بويىنشا جەرگىلىكتى دارىگەرلەر ءۇشىن تۇراقتى تۇردە وقۋ كۋرستارىن, سەمينارلار مەن كەڭەستەر وتكىزەدى.
ماڭعىستاۋ وبلىسىندا NCOC كومپانياسى جەدەل مەديتسينالىق جاردەم بولىمىنە ءۇش جەدەل مەديتسينالىق كومەك كولىگىن سىيعا تارتتى جانە ايماقتاعى مەديتسينالىق مەكەمەلەرگە ءومىر ءۇشىن ماڭىزى زور جابدىقتاردى ۇسىندى. بۇل – تەك وكپەنى جاساندى جەلدەتۋگە ارنالعان اپپاراتتار, كوپفۋنكتسيونالدى كەرەۋەتتەر, ەپيدەمياعا قارسى قورعانۋ جيىنتىقتارى, دەفيبريللياتورلار عانا ەمەس, سونداي-اق مەديتسينالىق قىزمەتكەرلەرگە ارنالعان دەزينفەكتسيالاۋ مەن جەكە ساقتاندىرۋ قۇرالدارى. مەديتسينالىق قۇرىلعىلار مەن قۇرالداردىڭ تاعى ءبىر بولىگى جاقىن ارادا جەتكىزىلەدى.
وسىلايشا NCOC كومپانياسىنىڭ قولداۋىمەن ايماقتىق دەنساۋلىق ساقتاۋ ۇيىمىنىڭ الەۋەتى ايتارلىقتاي ءوستى. Mاۋسىمداعى جاعداي بويىنشا بارلىق ساتىپ الىنعان جانە سىيعا تارتىلعان تاۋارلار مەن كورسەتىلگەن قىزمەتتەردىڭ جالپى سوماسى 2,5 ملرد تەڭگەنى قۇرادى.
دەنساۋلىق ساقتاۋ جۇيەسىنە كومەكتەن تىس NCOC كومپانياسى مەملەكەتتىك ورگاندارمەن ۋاعدالاسا وتىرىپ, بالالارعا ونلاين ءبىلىم بەرۋدى قولداۋ ماقساتىندا ارتىق كومپيۋتەرلەر جەتكىزىپ, جەرگىلىكتى مەكتەپتەرگە كومەك كورسەتتى. كومپيۋتەرلەر اتىراۋ قالالىق ءبىلىم باسقارماسىنا مۇقتاج وتباسىلارعا تاراتىلۋ ءۇشىن جەتكىزىلدى. جالپى العاندا, كومپانيا Windows 10 باعدارلاماسىمەن جابدىقتالعان 1200-دەن استام كومپيۋتەردى تاپسىردى.
سونىمەن قاتار جالپى ادام مەن قوعامنىڭ اراسىنداعى التىن كوپىردى نىعايتۋ ءۇشىن NCOC قىزمەتكەرلەرى مەن مەردىگەرلەر پەرسونالى #bizbirgemiz ناۋقانى اياسىندا كۇنكورىسى تومەن وتباسىلارعا كومەك كورسەتۋ ءۇشىن قاراجات جينادى. 4 اپتاعا جۋىق مەرزىمدە 2,5 ملن تەڭگە جينالعان بولاتىن. الەۋمەتتىك قاشىقتىققا قاراماستان, ادامدار ءبىر-بىرىنە كومەكتەسۋدىڭ جولدارىن تاۋىپ, كومەككە ءزارۋ وتباسىلارعا قول ۇشىن سوزدى.
ىندەتپەن كۇرەس ءالى توقتاعان جوق. كومپانيا اتىراۋ جانە ماڭعىستاۋ وبلىستارىنىڭ تۇرعىندارىنا بارىنشا قولداۋ كورسەتۋدەن ايانىپ قالمايدى.
قىزمەت ەتكەن باستاپقى جىلداردان باستاپ, NCOC كومپانياسى جەرگىلىكتى قوعامنىڭ اجىراماس بولىگىنە اينالدى جانە كومپانيا ءۇشىن وسى قيىن كەزەڭدە بارىنشا قولداۋ كورسەتۋ وتە ماڭىزدى.
قۋانىشبەك مۇقانوۆ,
نورت كاسپيان وپەرەيتينگ كومپاني ن.ۆ. (NCOC) دەنساۋلىق, ەڭبەك, قاۋىپسىزدىك جانە قورشاعان ورتانى قورعاۋ جونىندەگى ديرەكتورى
