ەلوردا • 05 تامىز، 2020

نۇر-سۇلتان قالاسىندا مەدياتورلار تەگىن وقىتىلادى

34 رەت كورسەتىلدى

بۇگىن قازاقستاندا مەدياتسيا كۇنى اتالىپ وتۋدە. بۇل تۋرالى نۇر-سۇلتان اكىمدىگىنىڭ رەسمي سايتىنا سىلتەمە جاساي وتىرىپ Egemen.kz حابارلايدى.

مەدياتسيا – ءۇشىنشى، جانجالعا مۇددەلى ەمەس تاراپتىڭ قاتىسۋىمەن داۋلاردى شەشۋدىڭ بالاما ءتۇرى. مەدياتسيا ينستيتۋتى قازاقستاندا بەلسەندى دامىپ، تاجىريبەدە ءجيى قولدانىلۋدا. "Senim" مەدياتسيا ورتالىعى اياسىندا حالىقتىڭ الەۋمەتتىك وسال توپتارى ءۇشىن اقىسىز وقىتۋ باستالادى. ترەنينگتى سەرتيفيكاتتالعان كاسىبي مەدياتورلار جۇرگىزەدى"، دەيدى كاسىپوداقتار فەدەراتسياسى وقۋ ورتالىعىنىڭ جەتەكشىسى نۇرلان دوسىموۆ.

"Senim" مەدياتسيا ورتالىعىنىڭ نەگىزگى ماقساتتارىنىڭ ءبىرى – ازاماتتار مەن ۇيىمداردىڭ قۇقىقتارى مەن زاڭدى مۇددەلەرىن الەۋمەتتىك قورعاۋ، كونسترۋكتيۆتى ديالوگتى دامىتۋعا جاعداي تۋعىزۋ، جانجال جاعدايلارىن كاسىبي مەدياتسيا، پسيحولوگيالىق، قۇقىقتىق، الەۋمەتتىك، اقپاراتتىق جانە باسقا دا كومەك ارقىلى شەشۋ. كاسىبي مەدياتور اسەل مولداعاليەۆانىڭ ايتۋىنشا، ەلوردا تۇرعىندارى كوبىنە مەدياتورلارعا ەڭبەك داۋلارى، نەكە كەزىندە بىرلەسىپ ساتىپ الىنعان م ۇلىكتى ءبولۋ، بالانىڭ تۇرعىلىقتى جەرىن انىقتاۋ جانە اليمەنت الۋ ماسەلەلەرىمەن جۇگىنەدى.

"م ۇلىك، اليمەنت، اجىراسۋ ماسەلەلەرى بويىنشا وتىنىشتەردىڭ 46%-ى مەدياتسيا جولىمەن شەشىلدى"، دەپ اتاپ ءوتتى ءا.مولداعاليەۆا.

بۇل رەتتە قازاقستان حالقى اسسامبلەياسى توراعاسىنىڭ ورىنباسارى، مەدياتور شەرزود پۋلاتوۆتىڭ ايتۋىنشا، جانجالداردىڭ الدىن الۋدا مەدياتسيا ينستيتۋتىنىڭ ءرولى وتە زور.

"مەدياتسيانى ازاماتتىق، ەڭبەك، وتباسىلىق جانە باسقا دا قۇقىقتىق قاتىناستارداعى داۋلاردا، سونداي-اق شاعىن جانە ورتا اۋىرلىقتاعى قىلمىستىق ىستەردە قولدانۋعا بولادى. ازاماتتاردىڭ دا، زاڭدى تۇلعالاردىڭ دا مەدياتسيانى بەلسەندى قولدانۋى ارقىلى سوت جۇيەسىنە جۇكتەمەنى ەداۋىر ازايتۋعا، وسىلايشا ءىرى ىستەردى شەشۋ ساپاسىن ارتتىرۋعا بولادى. حالىقارالىق ستاتيستيكاعا سايكەس، بارلىق داۋلاردىڭ 30-40%-ى مەدياتسيا تارتىبىمەن وتەدى. ولاردىڭ 85%-ىندا وڭ ناتيجەلەرگە قول جەتكىزىلەدى"، دەدى ش.پۋلاتوۆ.

سوڭعى جاڭالىقتار

اراق ساتىلمايتىن اۋدان

ايماقتار • كەشە

ەرلىككە تولى سۋرەتتەر

رۋحانيات • كەشە

ۇقساس جاڭالىقتار