قازاقستان • 05 تامىز، 2020

ماقساتتى كەشەندى باعدارلاما اياسىنداعى جۇمىستاردىڭ 80% استامى ورىندالدى

10 رەت كورسەتىلدى

جول قوزعالىسى قاۋىپسىزدىگىن قامتاماسىز ەتۋگە، رەسپۋبليكالىق ماڭىزعا يە جولداردا جول جاعدايى ەلەمەنتتەرىن جايلاستىرۋعا باعىتتالعان 2020 جىلعا ارنالعان ماقساتتى كەشەندى باعدارلاما اياسىنداعى جۇمىستاردى جۇزەگە اسىرۋ جالعاسۋدا. بۇل تۋرالى يدم ءباسپاسوز قىزمەتىنە سىلتەمە جاساي وتىرىپ Egemen.kz حابارلايدى.

"قازاقاۆتوجول" جشس ماماندارى جولدىڭ 436 مىڭنان استام شارشى مەترىندە شۇڭقىرلاردى جاماۋ جۇمىستارىن، 98 مىڭنان استام شارشى مەترىندە جولدىڭ كەدىر-بۇدىرلىعىن جويدى، 11 مىڭنان استام جول بەلگىسىن، 400 پاننونى، 80 جارىقديودتى جول بەلگىسىن جانە كوپىر قورشاۋلارىنىڭ 1500 قۋما مەترىن ورناتىپ، اۋىستىردى.

بۇدان بولەك، 161 اۆتوپاۆيلون مەن دەمالىس الاڭدارى جوندەلىپ، جولدىڭ 2000 شارشى مەترىندە شۋىل جولسىزىعى جايلاستىرىلدى، 2700-دەن استام شاقىرىمدا سىلتەۋىشتەر، 25 مىڭ سيگنالدىق باعانشالار ورناتىلدى. كەيبىر زامانعا ساي يننوۆاتسيالىق يىلگىش باعانشالار كولىكتەردىڭ سوققىلارىنان كەيىن دە قايتىپ ءوز قالپىنا كەلە الادى. سونداي-اق ەل جولدارىندا قورشاۋلاردىڭ 37 مىڭنان استام قۋما مەترى ورناتىلدى، جولدىڭ قوزعالىس بولىگىنىڭ 23 مىڭنان استامى تاڭبالاندى.

بۇل كورسەتكىشتەر جىلدىڭ باعدارلاما اياسىنداعى جۇمىستاردىڭ 80% قۇرايدى. جولشىلار جۇمىستاردى ۇزدىكسىز اتقارۋدا. 

سوڭعى جاڭالىقتار

ۇقساس جاڭالىقتار