ء"بىز زاڭنامانى قاتاڭداتۋىمىز كەرەك ءارى قىلمىستىق كودەكسكە نورمالار ەنگىزۋىمىز قاجەت دەپ سانايمىز. ەگەر جانۋارلارعا قاتىگەزدىكپەن قاراۋ فاكتىلەرى تىركەلسە, بۇل ولىمگە, جاراقات الۋعا اكەلىپ سوقتىرسا, وندا زاڭنامانى قاتاڭداتىپ, مۇنداي ارەكەتتەرى ءۇشىن قىلمىستىق جاۋاپكەرشىلىكتى ەنگىزۋ قاجەت", - دەدى مىرزاعاليەۆ سارسەنبىدە.
ول سوڭعى كەزدە جانۋارلارعا قاتىگەزدىكپەن قاراۋ فاكتىلەرى جيىلەپ بارا جاتقانىن اتاپ ءوتتى.
"جاقىندا عانا باق-تا جانۋارلارعا قاتىستى جاعا ۇستاتاتىن ارەكەتتەردىڭ جاڭا فاكتىلەرى تۋرالى جاريالاندى. شىمكەنتتە ەر ادام كوشەدە بالالاردىڭ كوزىنشە مىسىقتى اتىپ تاستاعان. ال نۇر-سۇلتاندا بەلگىسىز بىرەۋلەر مىسىقتى شارباققا ءىلىپ قويعان. استانادا تاعى ءبىر كىشكەنتاي بالا مىسىقتى ەڭ ۇستىڭگى قاباتتان باسپالداقتىڭ ارالىعىنا لاقتىرعان. مۇنداي قاتىگەزدىك ءبىرىنشى رەت بولىپ وتىرعان جوق", - دەدى م. مىرزاعاليەۆ.
ء"بىز وسى سالاداعى جاعىمسىز كورىنىستەردىڭ بارلىق تۇرىنە ناقتى زاڭنامالىق توسقاۋىل قويۋىمىز كەرەك. ەندىگى ارى قايتالامايتىنداي ەتىپ, زاڭبۇزۋشىلاردى قاتاڭ جازالاۋىمىز كەرەك. وزدەرىڭىز بىلەتىندەي, بۇگىندە مۇنداي قىلمىستار ءۇشىن تاعايىندالاتىن جازا جۇمساق, قاتاڭداۋدى قاجەت ەتەدى", - دەدى ەكولوگيا مينيسترلىگىنىڭ باسشىسى.
مينيستر جانۋارلارعا قاتىگەزدىك تانىتۋدىڭ سوڭى ادامدارعا قاتىستى قاتالدىققا, ودان ءارى اۋىر قىلمىسقا دا, پسيحيكالىق اۋىتقۋى بار ادامداردىڭ پايدا بولۋىنا الىپ كەلۋى مۇمكىن ەكەنىن اتاپ ءوتتى.
م.مىرزاعاليەۆتىڭ پىكىرىنشە ەلىمىزدە قىلمىستىق جازانى ەنگىزۋمەن قاتار, قوعامدا مورال زاڭدارىن, بارلىق تىرشىلىك يەسىنە ادامگەرشىلىكپەن قاراۋدىڭ نورمالارىن قايتا قۇرۋ قاجەت.
"قوعامداعى گۋمانيزمدى, سونىڭ ىشىندە ەكولوگيالىق سانانى تاربيەلەۋ - بۇل قازىردە ءبىز اتقارىپ جاتقان جانە سونىڭ ىشىندە ءبىلىم مينيسترلىگىمەن بىرگە جالعاستىرا بەرەتىن اۋقىمدى جۇمىستىڭ ءبىر بولىگى عانا. مەملەكەت باسشىسى قاسىم-جومارت كەمەل ۇلى بىرنەشە رەت ايتقانداي, تابيعات پەن جان-جانۋارعا ىزگىلىكپەن قاراۋدى بالا جاستان بويعا ءسىڭىرۋ قاجەت", - دەدى ول.
قوعامدىق تالقىلاۋعا ءماجىلىس دەپۋتاتتارى, ەلىمىزدىڭ ءتۇرلى سالالىق قاۋىمداستىق, باق وكىلدەرى جانە ەل ازاماتتارى قاتىستى.
Inucobo جانۋارلاردى قورعاۋ جونىندەگى رەسپۋبليكالىق قاۋىمداستىق باسشىسى ليليا سارسەنوۆا پىكىرتالاس بارىسىندا سوڭعى جىلدارى وڭىرلەردە قاڭعىباس جانۋارلاردىڭ سانىن ازايتۋ ماسەلەسىن شەشۋ تۇرعىسىندا ەش وزگەرىس جوقتىعىن اتاپ ايتتى.
ونىڭ ايتۋىنشا, سوڭعى بىرنەشە جىل ىشىندە ەلىمىزدىڭ بەس وڭىرىندە قاڭعىباس جانۋارلار سانىنىڭ ءوسۋى 21%. ال حايۋاندادى اۋلاۋ مەن جويۋعا بولىنەتىن بيۋدجەت قاراجاتى 53%-كە وسكەن.
"جىل سايىن اكىمدىكتەر جانۋارلاردى اۋلاۋ مەن جويۋعا بيۋدجەتتەن كوپ قاراجات سۇرايدى", - دەدى ول.
ءىس-شارا بارىسىندا قاتىسۋشىلار «جانۋارلارعا جاۋاپكەرشىلىكپەن قاراۋ تۋرالى» زاڭ جوباسىنىڭ نورمالارىن جاقسارتۋ بويىنشا ۇسىنىستارىن ايتىلدى. تۇرعىنداردىڭ ۇسىنىستارىن قابىلداۋ الداعى ءبىر اپتا بويى جالعاسادى.
مىسالى, ۇسىنىستاردىڭ ىشىندە, كينولوگتاردى وقىتۋعا ارنالعان ارنايى وقۋ ورىندارىن قۇرۋ, قالالاردا يتتەردى سەرۋەندەتەتىن جەر بەلگىلەۋ, ت.ب. بار.
ءمينيستردىڭ ايتۋىنشا, ىلەسپە زاڭ جوباسىندا 300-گە دەيىن نورما ەنگىزۋ جوسپارلانعان.
