قازاقستان • 05 تامىز، 2020

بەيرۋتتەگى جارىلىس بويىنشا سىرتقى ىستەر ءمينيسترى تۇسىنىكتەمە بەردى

360 رەت كورسەتىلدى

بەيرۋتتەگى جارىلىس بويىنشا قر سىرتقى ىستەر ءمينيسترى مۇحتار تىلەۋبەردى تۇسىنىكتەمە بەردى، - دەپ حابارلايدى Egemen.kz

"ليۆانداعى بەيرۋت قالاسىنىڭ پورتىندا بىرنەشە قاتتى جارىلىستار بولدى. قالالىق ينفراقۇرىلىمعا زيان كەلتىرىلدى، ادام شىعىنى بار.

جارىلىس تۋرالى اقپارات العاننان كەيىن ءبىزدىڭ پرەزيدەنت قاسىم-جومارت توقاەۆ سىرتقى ىستەر مينيسترلىگىنە ليۆانداعى قازاقستاندىق ازاماتتاردىڭ قاۋىپسىزدىگىن قامتاماسىز ەتۋدى تاپسىردى.

قازىرگى ۋاقىتتا قازاقستاننىڭ 113 ازاماتى ليۆاندا كونسۋلدىق ەسەپتە تۇر. ءبىزدىڭ ديپلوماتتار ولارمەن بايلانىستا، قازاقستاندىقتاردىڭ اراسىندا زارداپ شەككەندەر جوق. وزدەرىڭىز بىلەتىندەي، ديپلوماتيالىق ميسسيا كەڭسەسىنە دە زيان تيگەن بولاتىن، ول الداعى ۋاقىتتا قالپىنا كەلتىرىلەدى. ءبىزدىڭ قىزمەتكەرلەر مەن ولاردىڭ وتباسى مۇشەلەرى زارداپ شەككەن جوق.

وزدەرىڭىز بىلەتىندەي، ليۆاندا بۇۇ بىتىمگەرشىلىك كونتينگەنتى بار، ونىڭ قۇرامىنا 120 قازاقستاندىق جاۋىنگەر كىرەدى. قازىر ولاردىڭ روتاتسيا پروتسەسى ءجۇرىپ جاتىر جانە الدىڭعى كۇنى ءبىزدىڭ قازاقستاندىق بىتىمگەرلەر قىزمەت وتەتىن ورىندارىنا امان-ەسەن جەتتى"، دەدى مۇحتار تىلەۋبەردى.

سوڭعى جاڭالىقتار

تاعى ءبىر اكىم قىزمەتىنەن كەتتى

ايماقتار • بۇگىن، 18:06

مەننيدىڭ تاعى ءبىر مارتتىگى

كاسىپقوي بوكس • بۇگىن، 16:32

ۇقساس جاڭالىقتار