قاراجات قاجەت

2 مىڭنان استام تۇرعىنى بار وڭتۇستىك قازاقستان وبلىسىنىڭ تولەبي اۋدانىنا قاراستى كەنە­سارىق اۋىلىندا كۇنى بۇگىنگە دەيىن مادەنيەت ءۇيى, بالاباقشا, مونشا, پوشتا جانە بايلانىس بولىمشەلەرى مەن جەلىلەرى جوق. سوندىقتان دا جاستار قايدا بارارلارىن بىلمەيدى. وسى سەبەپتى ولاردىڭ اراسىندا قىلمىس جاساۋشىلاردىڭ, ىشىمدىككە سالىنۋشىلار مەن ناشاقورلىقپەن اينالىسۋشىلاردىڭ كاتارى جىل­دان جىلعا كوبەيىپ كەلەدى. بۇل اۋىلدا زەينەتاقى مەن الەۋ­مەتتىك تولەمدەردى اۋداننان ارنايى ادامدار كەلىپ تاراتادى, كوپ جاعداي­دا الىپ كەلگەن اقشا جەتپەي قالىپ, كوپتەگەن اۋىل تۇرعىندارى 30 شاقى­رىم جەردەگى اۋدان ورتالىعىنا بارۋ­عا ءماجبۇر بولاتىن كەزدەر دە كەزدەسەدى. بالاباقشانى, پوشتا مەن باي­لا­نىس بولىمشەسىن بۇرىنعى ەسكى مەك­تەپتىڭ ىشىندە ورنالاستىرۋعا بولادى, بىراق ونى جوندەۋگە 10 ميلليون­نان استام تەڭگە قاجەت. اۋىل­دى تەلەفون­داندىرۋ ءۇشىن سىم­جەلىسىز تەلەفون ستانساسىن قويۋ كەرەك. ال مادەنيەت ءۇيى مەن مونشا­نى سالۋ ءۇشىن, جوبالىق-سمەتالىق قۇجاتتار­دى دايىنداۋعا قاراجات قاجەت. وسى ماسەلەنى جەرگىلىكتى بيۋدجەت شەشە المايدى. وبلىستىق بيۋدجەت­تىڭ قالتاسىنا دا اۋىر سوعاتىنى انىق. سوندىقتان بۇل الەۋمەتتىك ماڭىزى زور پروبلەما ۇكىمەت دەڭ­گەيىن­دە شەشىمىن تاپسا ءجون بولار ەدى. ەرجان يساقۇلوۆ, ءماجىلىس دەپۋتاتى.