ايماقتار • 05 تامىز، 2020

"Kaspi bank" جامبىلدىق دارىگەرلەرگە جەدەل جاردەم كولىگىن تارتۋ ەتتى

38 رەت كورسەتىلدى

  كوروناۆيرۋس ىندەتى ەل ىشىنە دەندەپ ەنگەلى بەرى جەدەل جاردەم كولىكتەرىندە تىنىم جوق. ءتىپتى دارىگەرلەردىڭ كومەگىنە جۇگىنۋشىلەردىڭ كوپ بولعاندىعى سەبەبىنەن، كەيدە تۇرعىندار تاراپىنان جەدەل جاردەم كولىگىنىڭ ۋاقىتىندا كەلمەيتىندىگى دە سىنعا الىنعان بولاتىن. دەگەنمەن دە جامبىل وڭىرىندەگى جەدەل جاردەم كولىكتەرىنىڭ توزىعىنىڭ جەتكەنى دە تالايدان بەرى ايتىلۋدا. سونداي-اق، قولدانىستاعى كولىكتەردىڭ قىرىق پايىزدان استامىن جاڭارتۋ ماسەلەسى دە بار، - دەپ جازادى Egemen.kz

وسىنداي قيىن-قىستاۋ كەزەڭدە "Kaspi bank" اكتسيونەرلىك قوعامى دەمەۋشى بولىپ، جامبىل وبلىستىق مەديتسينالىق جەدەل جاردەم ستانساسىنا 10 جەدەل جاردەم كولىگىن الىپ بەردى. ەندى اتالعان كولىكتەر كوروناۆيرۋسپەن كۇرەستە قىزمەت كورسەتەتىن بولادى.

سونىمەن قاتار، بۇل جەدەل جاردەم كولىكتەرى مەديتسينالىق، سانيتارلىق جانە باكتەريتسيدتىك جابدىقپەن جابدىقتالعان. ءبىر ايتا كەتەرلىگى، بۇل كولىكتەردى "سارىارقااۆتوپروم" جاۋاپكەرشىلىگى شەكتەۋلى سەرىكتەستىگى قۇراستىرعان. جيىندا وبلىستىق دەنساۋلىق ساقتاۋ باسقارماسىنىڭ باسشىسى مارات جۇمانقۇلوۆ "Kaspi bank" اكتسيونەرلىك قوعامى مەن "سارىارقااۆتوپروم" كومپانياسىنىڭ باسشىلىعىنا العىس ءبىلدىرىپ، ءوڭىر دارىگەرلەرىنە كولىك كىلتتەرىن تابىس ەتتى. «جالپى، قازىرگى تاڭدا وبلىس بويىنشا 139 بريگادا جۇمىس ىستەيدى. جەدەل جاردەم كولىكتەرى جەتكىلىكتى. دەگەنمەن ەلدەگى جاعدايعا بايلانىستى شاقىرتۋلار كوپ بولىپ، ءتۇرلى قيىندىقتار تۋىنداپ جاتادى. جەدەل جاردەم كولىكتەرى ۇلگەرمەي قالۋى مۇمكىن.

ال بۇگىن دەمەۋشىلەر سىيعا تارتقان 10 كولىك بىرقاتار ولقىلىقتاردىڭ ورنىن تولتىراتىنى انىق. سونىمەن قاتار، الداعى ۋاقىتتا اتالعان دەمەۋشىلەردىڭ قولداۋىمەن تاعى 18 جەدەل جاردەم كولىگى قاتاردى تولىقتىرادى دەپ كۇتىلۋدە»، دەدى مارات جۇمانقۇلوۆ.

 

جامبىل وبلىسى

سوڭعى جاڭالىقتار

تاعى ءبىر اكىم قىزمەتىنەن كەتتى

ايماقتار • بۇگىن، 18:06

مەننيدىڭ تاعى ءبىر مارتتىگى

كاسىپقوي بوكس • بۇگىن، 16:32

ۇقساس جاڭالىقتار