قازىرگى كەزدە قۇرلىقتىق حوككەي ليگاسىنىڭ (قحل) جاعدايى كوپتەگەن جانكۇيەرلەردى الاڭداتۋدا. نەگىزى 2020/2011 جىلعى ماۋسىمنىڭ شىمىلدىعى 2 قىركۇيەكتە تۇرىلۋگە ءتيىس. رەگلامەنتكە ساي ءتۋرنيردىڭ باستالۋىنا 45 كۇن قالعاندا جارىستىڭ كۇنتىزبەسى جاريالانۋى كەرەك ەدى. الايدا قحل-دا كۇش سىناسىپ جۇرگەن كەيبىر شەتەلدىك كلۋبتارعا ءالى ۆيزا بەرىلگەن جوق. سولاردىڭ قاتارىندا نۇر-سۇلتاننىڭ «بارىسى» دا بار. قازاقستاندىقتاردان بولەك, ريگانىڭ «ديناموسى», فينليانديانىڭ «يوكەريتى» جانە قىتايدىڭ «كۋنلۋن رەد ستار» كلۋبتارى دا ءدال سونداي جاعدايعا دۋشار بولىپ وتىر. قازىرگى كەزدە قحل-دىڭ باسشىلىعى وسى ماسەلەنى قالاي وڭتايلى شەشەمىز دەپ باس قاتىرىپ الەك. ال ونسىز كۇنتىزبە جاساۋ مۇمكىن ەمەس.
جوعارىداعى كەلەڭسىز جاعداي ايتۋلى حوككەي ليگاسىنىڭ بەدەلىنە ەلەۋلى نۇسقان كەلتىرىپ وتىر. ارينە, قحل دوداسىن شەتەلدىك كوماندالارسىز-اق وتكىزۋگە بولادى. الايدا ودان ايتۋلى جارىستىڭ دەڭگەيى ەداۋىر تومەندەپ, جانكۇيەرلەردىڭ قىزىعۋشىلىعى كۇرت كەميتىنى انىق.
