ءبىلىم • 03 تامىز، 2020

ەلوردالىق ءۇش وقۋشى حالىقارالىق وليمپيادادا كۇمىس جۇلدەنى ولجالادى

19 رەت كورسەتىلدى

امەريكانىڭ ماتەماتيكا قاۋىمداستىعى (MAA) مەن AOPS حالىقارالىق پلاتفورماسى وتكىزگەن Cyberspace Mathematical Competition وليمپياداسىندا قازاقستاندىق وقۋشىلار ەل نامىسىن ابىرويمەن قورعادى. بۇل تۋرالى نۇر-سۇلتان اكىمدىگىنىڭ ءباسپاسوز قىزمەتىنە سىلتەمە جاساي وتىرىپ Egemen.kz حابارلايدى.

قازىلار القاسىنا امەريكالىق ماتەماتيك، كوپتەگەن كىتاپتار مەن جاريالانىمداردىڭ اۆتورى، MIT پروفەسسورى Yufei Zhao توراعالىق ەتتى. قازاقستان قۇراماسى ءبىر التىن، ءۇش كۇمىس، ەكى قولا يەلەنىپ، كوماندالىق ەسەپتە 20-ورىن الدى.

ايبەك مىرزاتاي التىن، قاسىم مۇحانبەتيار، دانات دۇيسەنبەكوۆ، مارلەن راۋشانوۆتار كۇمىس، ديلناز ۋاليەۆا مەن نۇرتاس شىنتاس قولا جۇلدەمەن جەڭىمپازدار قاتارىنان كورىندى. سونداي-اق باتىرحان ساكەنوۆ ماداقتاما قاعازىن يەلەندى.

"ونلاين رەجىمدە وتكەن وليمپياداعا 80 ەل قاتىستى. ءبىزدىڭ ارنايى پلاتفورماعا جۇكتەگەن تاپسىرمالارىمىزدىڭ شەشىمىن ءارتۇرلى ەلدەردىڭ مۇعالىمدەرى تەكسەردى. ۇيىمداستىرۋشىلار مۇنى قىركۇيەك ايىندا ونلاين وتەتىن حالىقارالىق ماتەماتيكا وليمپياداسى قارساڭىندا «قىزىقتى جاتتىعۋ» دەپ اتادى. وليمپيادا تاپسىرمالارىن ۇيدە وتىرىپ ورىنداعان اۋديتوريادا وتىرىپ ەسەپ شىعارعاننان وزگەشە ەكەن. وسى نارسە ەسىمدە قالدى. كەيدە بۇل وليمپيادا ەكەنىن ۇمىتىپ، ءبىرشاما جەڭىل قاراي باستايسىڭ"، دەدى كۇمىس مەدال يەگەرى، نۇر-سۇلتان ءبىلىم-يننوۆاتسيا ليتسەيىنىڭ تۇلەگى دانات دۇيسەنبەكوۆ.

رەسەي، اقش جانە وڭتۇستىك كورەيا ۇزدىك ۇشتىكتىڭ قاتارىنان كورىندى. ۋكراينا – 15، ءازىربايجان – 25، ارمەنيا – 45، تاجىكستان – 50، وزبەكستان – 54 ورىنعا تۇراقتادى. ءبىزدىڭ وقۋشىلارىمىزدىڭ جەڭىسى – مۇعالىمدەر مەن اتا-انالاردىڭ، مەكتەپتەردىڭ جەڭىسى. اتاپ ايتساق، ءبىزدىڭ جەڭىمپازدار وقىعان مەكتەپتەر: اتىراۋ ء"بىلىم-يننوۆاتسيا" ليتسەيى، Haileybury Almaty، نۇر-سۇلتان ء"بىلىم-يننوۆاتسيا" ليتسەيى، نۇر-سۇلتان زەردە مەكتەبى جانە الماتى رفمم.

سوڭعى جاڭالىقتار

ەل گازەتىنىڭ جاڭا جوباسى

وقيعا • بۇگىن، 08:05

ءبىلىم – باستى قۇندىلىق

ايماقتار • بۇگىن، 07:40

ءاسانالى جانە «اي مەن ايشا»

تانىم • بۇگىن، 07:26

حاتتار، حاتتار...

تانىم • بۇگىن، 07:08

«قاراقشىلىق» قارەكەتى

تانىم • بۇگىن، 06:56

قۇمىرسقالار قالاشىعى

وقيعا • بۇگىن، 06:45

كاسىپورىنداردىڭ تيىمدىلىگى ارتادى

تەحنولوگيا • بۇگىن، 06:33

جۇمىسپەن قامتۋ – باستى مىندەت

ساياسات • بۇگىن، 06:28

ابدىراماي العا ۇمتىلعاندار

ايماقتار • بۇگىن، 06:16

ەل دامۋىنا سەرپىن بەرەدى

پىكىر • بۇگىن، 06:06

كوسوبۋتسكيدىڭ قارسىلاسى كىم؟

كاسىپقوي بوكس • بۇگىن، 06:00

شىعىسقا قار ءتۇستى

ايماقتار • كەشە

ۇقساس جاڭالىقتار