ۇزدىكتەر كوشىن تايسون فيۋري باستاپ تۇر. 12 تامىزدا 32 جاسقا تولعالى وتىرعان ۇلىبريتانيانىڭ وكىلى بۇل كۇندەرى WBC نۇسقاسى بويىنشا چەمپيوندىق بەلبەۋدى يەلەنۋدە. 12 جىلعا جۋىق ۋاقىت بويى كاسىپقوي رينگتە جۇدىرىقاسىپ جۇرگەن ول سول ارالىقتا 31 كەزدەسۋ وتكىزىپ, 30 رەت جەڭىسكە جەتتى. 21 قارسىلاسىن نوكاۋتقا جىبەردى. تەك 2018 جىلدىڭ 1 جەلتوقسانىندا دەونتەي ۋايدلەرمەن بولعان جەكپە-جەكتە تەڭ ەسەپ تىركەلگەن بولاتىن. الايدا بيىل قىستا قوس مىقتىنىڭ جولى قايتا قيىسىپ, سول باسەكە ءفيۋريدىڭ باسىمدىعى ەش كۇمان تۋعىزعان جوق. جەتىنشى راۋندتا ۋايدلەردىڭ سەكۋندانتتارى رينگكە اق ورامال لاقتىردى.
سونداي-اق, "توپ-10" بوكسشىنىڭ ساناتىنا ەنتوني دجوشۋا (23-1-0), ديلليان ۋايت (27-1-0), دەونتەي ۋايلدەر (42-1-1), لۋيس ورتيس (31-2-0), الەكساندر پوۆەتكين (35-2-1), دجوزەف پاركەر (27-2-0), مايكل حانتەر (18-1-1), وسكار ريۆاس (26-1-0) جانە كۋبرات پۋلەۆ (28-1-0) سىندى گۇرزى جۇدىرىقتى جىگىتتەر ەندى.
