حالىقارالىق ۇيىم 1 تامىزدا تاەكۆوندوشىلاردىڭ وليمپيادا رەيتينگىن جاڭارتىپ, وزگەرىس ەنگىزدى. جاڭارتىلعان رەيتينگكە سايكەس, قازاقستاندىق ەكى تاەكۆوندو سپورتىنىڭ شەبەرى ۇزدىك 16 سپورتشىنىڭ قاتارىنان كورىندى.
اتاپ ايتار بولساق, 80 كيلودان جوعارى سالماقتا ونەر كورسەتەتىن سمايىل دۇيسەباي 182,44 ۇپايمەن ۇزدىكتەر ساناتىنىڭ 13-ساتىسىندا تۇر. قانداسىمىز – جازعى ۋنيۆەرسيادا ويىندارىنىڭ كۇمىس, بىرقاتار حالىقارالىق دودالاردىڭ جۇلدەگەرى. ال ريو وليمپياداسىندا ەلىمىزدىڭ كوك بايراعىن ۇستاپ شىققان رۋسلان جاپاروۆ 171,16 ۇپايمەن 14-ورىنعا جايعاسقان.
