ايماقتار • 01 تامىز، 2020

الماتىدا 1200 مۇقتاج جانعا قۇرباندىققا شالىنعان ەت تاراتىلدى

17 رەت كورسەتىلدى

قۇربان ايتتىڭ العاشقى كۇنى، ياعني 31 شىلدەدە Qurban-2020 ونلاين پلاتفورماسى ارقىلى 296 باس قۇرباندىق مالى، سونىمەن بىرگە 6 ءىرى مال شالىندى. مۇقتاج جانداردى قامتۋدا وڭتايلى شارالار قولعا الىنعان. بارلىق قۇرباندىق ەتى 1200 مۇقتاج ادامعا تاراتىلدى. قۇباندىققا شالىنعان ەتتى تاراتۋ ءۇشىن 80 ۆولونتەر، 6 شاعىن اۆتوبۋس، 30 جەڭىل اۆتوكولىك تارتىلدى، - دەپ جازادى Egemen.kz

قالانىڭ باس مەملەكەتتىك سانيتار دارىگەرىنىڭ قاۋلىسىنا سايكەس، كوروناۆيرۋس ينفەكتسياسىنىڭ تاراتپاۋ ماقساتىندا 31 شىلدەدەن 2 تامىز ارالىعىندا كەلەسى تىزىمدە تىيىم سالىنعانىن ەسكە سالامىز:

- مەنشىك يەسىنە قاراماستان، بارلىق ۇيىمداردا، سونىمەن بىرگە، جەكەمەنشىك ءۇي-جايلار مەن مەدرەسەلەردە ادامداردىڭ جاپپاي جينالاتىن شارالاردى وتكىزۋگە;

- الماتى قالاسىنىڭ اۋماعىندا اۆتوكولىكتەر ارقىلى مال سويىسىن ۇيىمداستىرۋعا جانە سويۋعا، جانە جەكەمەنشىك ءۇي-جايلاردا مال ساتۋعا;

 

سونىمەن بىرگە، بەلگىلەنگەن مەرزىمدە الماتى قالاسىنىڭ ورتالىق مەشىتىمەن بەكىتىلگەن ونلاين رەجيمدە قۇرباندىق شالۋدى جۇزەگە اسىراتىن ورىنداردى قوسپاعاندا، مال ساتاتىن تسەحتار مەن بازارلاردىڭ جۇمىسى توقتاتىلدى.

 

قاۋلىنى ورىنداۋ ماقساتىندا ءدىن ىستەرى جونىندەگى باسقارما، پوليتسيا دەپارتامەنتىنىڭ جپق، سەس جانە ۆەتەرينارلىق قىزمەتكەرلەرىمەن مەشىتتەردە، بازارلاردا، قايىرىمدىلىق  مەكەمەلەرىندە، ماي سوياتىن تسەحتاردا جانە باسقا ورىنداردا كەزەكشىلىك ۇيىمداستىرىلعان.

قازاقستان مۇسىلماندارى ءدىني باسقارماسى حابارلاعانداي، 31 شىلدە كۇنى بەلگىلەنبەگەن ورىنداردا مال سويىپ، ونى ساتۋدىڭ 14 فاكتىسى انىقتالدى.

سوڭعى جاڭالىقتار

ۇقساس جاڭالىقتار