اۋدان ورتالىعىنداعى شوقان ءۋاليحانوۆ مەكتەبى ماڭايىندا اداسىپ, جىلاپ جۇرگەن بالانى بايقاپ قالعان پوليتسەي التىناي يزمۇحانوۆا ويلانباستان, بالانىڭ جانىنا بارىپ, جۇباتىپ, اينالادان سۇراستىرا ءجۇرىپ, بولىمگە ەرتىپ كەلىپ, وقيعانى باسشىلارعا باياندايدى.
5-6 جاستاعى بالدىرعاننىڭ تۋىستارىن انىقتاۋ جۇمىستارىنا ءبولىم قىزمەتكەرلەرى تۇگەلدەي جۇمىلدىرىلدى. كوپ ۇزاماي كىشكەنتاي شىڭعىستىڭ تۇرعىلىقتى جەرى مەن اتا-اناسى تۋرالى اقپاراتتار انىقتالدى. بالالارىن ءوز بەتتەرىمەن ىزدەپ تاپپاعان سوڭ, پوليتسياعا حابارلاسايىن دەپ وتىرعاندارىن ايتىپ, شىڭعىستارىنىڭ امان-ساۋ تابىلعانىنا قاتتى قۋانىپ, پوليتسيا قىزمەتكەرلەرىنە العىستارىن جاۋدىردى.
