ۋكراينانىڭ پرەزيدەنتى ۆيكتور يانۋكوۆيچ بۇل جولى ەۋروپا وداعىمەن اسسوتسياتسيا قۇرۋ جونىندە كەلىسىمگە قول قويعاننان كەيىن وسىنداي قادام جاساۋعا كەلىسىم بەردى. بۇل تۋرالى «يزۆەستيا» گازەتى جازدى.
قازىر يۋليا تيموشەنكونى حاركوۆتىڭ №5 ەمحاناسىنىڭ ارنايى پالاتاسىنان بەرليننىڭ «شاريتە» ەمدەۋ ورنىنا اۋدارۋ جاقىن ۋاقىتتىڭ ەنشىسىندەگى شارۋا سياقتى. سەبەبى, ەۋرووداقپەن اسسوتسياتسيا قۇرۋ جونىندەگى كەلىسىمگە قول قويۋعا كەدەرگى بولىپ تۇرعان ەڭ سوڭعى تىرەك بۇرىنعى پرەمەر-مينيسترگە قاتىستى ءىس بولىپ تۇر. ال بۇل شارا 28-29 قاراشادا ۆيلنيۋستە وتۋگە ءتيىستى «شىعىس ارىپتەستىك» سامميتىندە قارالماقشى. وسىعان وراي بريۋسسەل, ياعني ەۋروپا وداعى كيەۆكە بۇل ماسەلەنى شەشىپ بولماي,ەشتەڭەگە دە ءۇمىت ارتۋعا بولمايتىنىن اشىق ايتتى. بۇعان, اسىرەسە, گەرمانيا ايرىقشا مۇددەلىلىك تانىتىپ وتىر.
مۇرات ايتقوجا.
