وسى ماقساتتا تاراپتار ءوزارا تۇسىنىستىك تۋرالى مەموراندۋمعا ء(وتم) قول قويدى. نيەتتەرگە سايكەس, ءبىلىم بەرۋدى تسيفرلىق تۇرلەندىرۋ سالاسىنداعى الەۋەتتى ىنتىماقتاستىق كەلەسى باعىتتاردى قامتيدى:
– ءبىلىم بەرۋدى تسيفرلىق تۇرلەندىرۋ سالاسىنداعى ىنتىماقتاستىقتى كەڭەيتۋ جانە دامىتۋ;
– قازاقستان رەسپۋبليكاسى ءبىلىم بەرۋ جۇيەسىنىڭ پەداگوگتارى مەن وقۋشىلارىنىڭ تسيفرلىق ساۋاتتىلىعىن, تسيفرلىق داعدىلارى مەن قۇزىرەتتىلىگىن ارتتىرۋ;
– ينكليۋزيۆتى ءبىلىم بەرۋدى دامىتۋ سالاسىنداعى ىنتىماقتاستىقتى كەڭەيتۋ;
– ءبىلىم بەرۋ تسيفرلىق باعدارلامالارى مەن باعدارلامالىق-تەحنيكالىق شەشىمدەردى ىلگەرىلەتۋگە باعىتتالعان بىرلەسكەن جوبالاردى ازىرلەۋ جانە وتكىزۋ;
– تاجىريبە الماسۋ جانە Microsoft كورپوراتسياسىنىڭ ءبىلىم بەرۋدى تۇرلەندىرۋدەگى ۇزدىك الەمدىك تاجىريبەلەرىن ۇسىنۋ
"تسيفرلىق تەحنولوگياسىز زاماناۋي ءبىلىم بەرۋ مۇمكىن ەمەس. مەكتەپتەردە 1-سىنىپتان باستاپ بالالار تسيفرلىق تەحنولوگيالاردى وقي باستايدى, ءسال كەيىنىرەك الگوريتمدەر مەن باعدارلامالاۋ باستالادى. وسىلاي بارلىق دەڭگەيلەردە. ءتىپتى ۋنيۆەرسيتەتتەردەگى پانارالىق باعىتتار كومپيۋتەرلىك عىلىمداردى زەرتتەيدى. مەموراندۋمعا قول قويۋ – Microsoft كومپانياسىمەن "تسيفرلىق ءبىلىم بەرۋدى" قۇرۋ باعىتىنداعى جۇمىستىڭ جالعاسى بولىپ تابىلادى", دەيدى قازاقستان رەسپۋبليكاسىنىڭ ءبىلىم جانە عىلىم ۆيتسە-ءمينيسترى بيعاري رۇستەم.
مەموراندۋم اياسىندا Microsoft "Microsoft Education Transformation Framework" ءادىسناماسى نەگىزىندە ءبىلىم بەرۋدى تۇرلەندىرۋدە ۇزدىك تاجىريبەلەردى ۇسىنادى.
"Microsoft Digital Literacy" وقۋ جوسپارىن جانە "Microsoft Innovative Educator" ("يننوۆاتسيالىق پەداگوگ") حالىقارالىق باعدارلاماسىن ۇسىنۋ ارقىلى پەداگوگتار مەن وقۋشىلار اراسىندا تسيفرلىق ساۋاتتىلىقتى ارتتىرۋعا قولداۋ كورسەتەدى.
"تسيفرلىق تەحنولوگيالار وقىتۋدى الدەقايدا قىزىقتى, ءتيىمدى جانە ينكليۋزيۆتى ەتە الادى, ستۋدەنتتەرگە بولاشاق ماماندىقتارى ءۇشىن قاجەتتى داعدىلار مەن ءبىلىم بەرەدى جانە مۇعالىمدەرگە بالالاردى وقىتۋدا يننوۆاتسيالىق تاسىلدەردى ەنگىزۋ ءۇشىن قاجەتتى قۇرالداردى ۇسىنادى. Microsoft ءبىلىم بەرۋ شەشىمدەرى ءار وقۋشىعا كوپتەگەن جەتىستىكتەرگە جەتۋگە مۇمكىندىك بەرەدى. ءبىزدىڭ بىرلەسكەن جوسپارلارىمىز قازاقستان رەسپۋبليكاسىندا ءبىلىم بەرۋدى تسيفرلىق تۇرلەندىرۋ پروتسەسىن جەدەلدەتەدى دەپ ۇمىتتەنەمىز", - دەپ اتاپ ءوتتى مايكروسوفت-قازاقستان ديرەكتورى تيبور كولەياك.
الماتى
