رەجيسسەر ىڭكار ءابدىراشتىڭ "ۇماي" ("مالچيك ۋ وكنا") قىسقامەتراجدى ءفيلمى 2020 جىلدىڭ شىلدە ايىنىڭ قورىتىندىسى بويىنشا اي سايىن وتەتىن Kosece International Monthly Film Festival حالىقارالىق كينوفەستيۆالدە (سلوۆاكيا) "ۇزدىك رەجيسسەر-دەبيۋتانت" سىيلىعىنىڭ يەگەرى اتاندى.
KIMFF فەستيۆالىنىڭ ماقساتى دۇنيەجۇزىندەگى تالانتتى رەجيسسەرلەردى قولداپ, ولاردى ناسيحاتتاۋ. سلوۆاكيانىڭ جاس كينەماتوگرافيستەرىنەن قۇرالعان فەستيۆالدىڭ قازىلار القاسى ءار اي سايىن جەڭىمپازداردى انىقتايدى. جىل سوڭىندا لاۋرەاتتار ءوز نوميناتسياسى بويىنشا كينوفەستيۆالدىڭ باستى جۇلدەسى ءۇشىن كۇرەسكە تۇسەدى. جىلدىق جۇلدەلەردى تابىستاۋ ءراسىمى 2021 جىلى مامىردىڭ 26 مەن 28 ارالىعىنا جوسپارلانعان.
ءفيلمدى قر مادەنيەت جانە سپورت مينيسترلىگىنىڭ تاپسىرىسىمەن ش.ايمانوۆ اتىنداعى "قازاقفيلم" كينوستۋدياسىنىڭ "دەبيۋت" شىعارماشىلىق بىرلەستىگى ءتۇسىردى.
