"جاۋاپقا تارتىلعان 49 ادامنىڭ 17-ءسى باسشىلار, ونىڭ ىشىندە 3 – رەسپۋبليكالىق, 6 – وبلىستىق, 5 – قالالىق جانە اۋداندىق ماڭىزى بار جانە 3 اۋىلدىق وكرۋگ اكىمدەرى", دەدى مۇرات تولەۋباەۆ.
سپيكەردىڭ اقپاراتى بويىنشا, اعىمداعى جىلدىڭ 6 ايىندا وندىرىستە بولعان 100-دەن استام قىلمىستىق ىستەردىڭ 74%-ى اۋىر قىلمىستارعا جاتادى. ونىڭ ىشىندە 36 ادامعا قاتىستى 42 ءىس سوتقا جولداندى. سونداي-اق, وبلىستىڭ سىبايلاس جەمقورلىققا قارسى قىزمەتى جۇيەلى سىبايلاس جەمقورلىقتىڭ 6 فاكتىسىن انىقتادى, وندا 28 قىلمىس اشكەرەلەندى جانە 19 ادام جاۋاپقا تارتىلدى. مىسالى, وبلىستىڭ مادەنيەت, مۇراعاتتار جانە قۇجاتتاما باسقارماسىنىڭ باسشىسىنا قاتىستى قىلمىستىق ءىس وندىرىسپەن اياقتالدى جانە سوتقا جىبەرىلدى. ول باسقا مەملەكەتتىك مەكەمەلەر مەن ۇيىمدار باسشىلارىمەن قىلمىستىق ءسوز بايلاسىپ, جۇيەلى نەگىزدە "رۋحاني جاڭعىرۋ" مەملەكەتتىك باعدارلاماسى شەڭبەرىندە جۇزەگە اسىرىلاتىن جوبالاردى ىسكە اسىرۋ بويىنشا مەملەكەتتىك ساتىپ الۋدى وتكىزۋ كەزىندە پارا الۋ جانە بيۋدجەت قاراجاتىن ۇرلاۋ بويىنشا سىبايلاس جەمقورلىق سحەمالارىن ۇيىمداستىرعان.
شاعىن جانە ورتا بيزنەس قىزمەتىنە ارالاسۋدىڭ بىرقاتار فاكتىلەرىنىڭ جولى كەسىلدى. اتاپ ايتقاندا, الداۋ جولىمەن كومپانيا ديرەكتورىنان ونەركاسىپتىك قاۋىپسىزدىك سالاسىنداعى جۇمىستاردى جۇرگىزۋگە اتتەستات الۋعا بايلانىستى ماسەلەنى وڭ شەشكەنى ءۇشىن 800 مىڭ تەڭگە سوماسىندا اقشالاي قاراجات العان ءۇشىن يندۋستريالىق دامۋ جانە ونەركاسىپتىك قاۋىپسىزدىك كوميتەتى دەپارتامەنتىنىڭ باسشىسى سوتتالدى.
مەملەكەتتىك باعدارلامالاردى سۇيەمەلدەۋ اياسىندا ءوڭىردىڭ سىبايلاس جەمقورلىققا قارسى ۆەدومستۆوسىمەن 15 قىلمىس تىركەلدى. لاۋازىمدى تۇلعالاردىڭ كولەڭكەلى ەكونوميكا سۋبەكتىلەرىنە قامقورلىق جاساۋ فاكتىلەرى انىقتالدى. اعىمداعى جىلدىڭ 6 ايىنداعى جۇمىس قورىتىندىسى بويىنشا مەملەكەتكە وتەلگەن زالال 500 ميلليون تەڭگەدەن استام سومانى قۇرادى.
"سىبايلاس جەمقورلىققا قارسى قىزمەت ءوز قىزمەتىندە سىبايلاس جەمقورلىق ارەكەتتەرىن جاساعانى ءۇشىن جازالاۋدىڭ بۇلتارتپاستىعى قاعيداتىن باسشىلىققا الاتىنىن ايتقىم كەلەدى. ءاربىر ازاماتتى سىبايلاس جەمقورلىقتىڭ كەز كەلگەن كورىنىستەرىنە توزبەۋشىلىك تانىتۋعا جانە وسىنداي قۇقىق بۇزۋشىلىقتارعا تاپ بولعان كەزدە دەرەۋ حابارلاۋعا شاقىرامىن", دەپ قورىتىندىلادى وبلىستىڭ سىبايلاس جەمقورلىققا قارسى قىزمەتىنىڭ باسشىسى.
