كاسىپكەرلىك سۋبەكتىلەر دە بۇل ىستەن سىرت قالماي, كوروناۆيرۋس پاندەمياسىمەن كۇرەستە وزدەرىنىڭ قولدارىنان كەلگەن ۇلەستەرىن قوسۋدا. بۇگىندە «Dolce-Pharm» جشس وتاندىق فارماتسەۆتيكالىق وندىرىستىك كومپانياسى بيزنەستىڭ الەۋمەتتىك جاۋاپكەرشىلىگى اياسىندا 100 مىڭ ماسكا بەردى, ولار شاھارداعى 23 مەديتسينالىق مەكەمە اراسىندا ءبولىنىپ, تاراتىلادى.
"بۇگىنگى تاڭدا ءبىز قالاعا 100 مىڭ ماسكا سىيلادىق. بۇل اكىمدىكپەن شەشىلگەن ماسەلە. 5340 ورىنعا 23 اۋرۋحاناعا ءبىز 100 مىڭ كومىر ءفيلترلى ماسكا بەرەتىن بولامىز. ءوز كەزەگىندە ءبىز بارلىق اۋرۋحانالارعا اكىمدىك بەرگەن اۋرۋحانالار ءتىزىمى بويىنشا ءوز ەسەبىمىزدەن جەتكىزەتىن بولامىز", - دەدى Dolce كومپانياسىنىڭ كوممەرتسيالىق ديرەكتورى بايان دەمەۋوۆا.
قاراپايىم ماسكالار تەك 2 ساعات تاعىلسا, كومىر ءفيلترلى ماسكانى 4-5 ساعات بويى, ەكى ەسە ۇزاعىراق تاعۋعا بولادى.
سونىمەن بىرگە, ول بولاشاقتا ونكولوگيالىق جانە بالالار اۋرۋحاناسىنىڭ مەديتسينالىق قىزمەتكەرلەرىن ماسكالارمەن قامتاماسىز ەتۋدە كومەك كورسەتۋ جوسپارلانۋدا.
جالپى, "Dolce-Pharm" كومپانياسى الماتى قالاسىنىڭ اكىمدىگىمەن كەلىسىم اياسىندا مەگاپوليستىڭ 23 ءدارىحاناسىنا ماسكالار جەتكىزەدى. پاندەميا باستالعالى Dolce كومپانياسى قالانىڭ ءدارىحانالارىنا كۇن سايىن 2-3 مىڭ ماسكا جەتكىزىپ وتىرعان.
