بۇدان بولەك, مەملەكەتتىك قىزمەت ىستەرى اگەنتتىگىنىڭ تۇركىستان وبلىسى بويىنشا دەپارتامەنتى التى ايدا مەملەكەتتىك قىزمەت كورسەتۋ زاڭناماسىن ساقتاۋ ماسەلەسى بويىنشا 17 تەكسەرۋ جۇرگىزىپ, ناتيجەسىندە 208 زاڭبۇزۋشىلىق انىقتالعان. ونىڭ باسىم بولىگى جەر قاتىناستارى (73%), حالىقتى الەۋمەتتىك قورعاۋ (12%), ساۋلەت جانە قۇرىلىس (3%), ءبىلىم (3%) سالالارىندا ورىن العان. بۇل رەتتە, دەپارتامەنت ۇسىنىسىمەن زاڭبۇزۋشىلىقتارعا جول بەرگەن مەملەكەتتىك ورگانداردىڭ 10 قىزمەتكەرى ءتۇرلى تارتىپتىك جاۋاپكەرشىلىككە تارتىلعان. وڭىرلىك كوممۋنيكاتسيالار قىزمەتىندە وتكەن بريفينگتە دەپارتامەنت باسشىسى, ادەپ جونىندەگى كەڭەس توراعاسى ايبەك ءشىلمانوۆ وسىنداي دەرەكتەردى كەلتىرە كەلە, مەملەكەتتىك قىزمەتشىلەردىڭ جالپى كونكۋرستارعا قاتىسۋ ءتارتىبى جەڭىلدەتىلگەنىن ايتىپ ءوتتى.
قازىر بارلىق مەملەكەتتىك ورگانداردىڭ قىزمەتكەرلەرى اراسىندا وتەتىن ىشكى كونكۋرس جالپى كونكۋرسپەن بىرىكتىرىلىپ, مەملەكەتتىك قىزمەتكە ورنالاسۋ بويىنشا كونكۋرس وتكىزۋ مەرزىمى 30%-عا قىسقارتىلدى. اتالعان جاڭا باستاما بوس ورىنداردى ۋاقىتتى ۇنەمدى پايدالانۋ ارقىلى جىلدام تۇردە تولتىرۋعا ءوز سەپتىگىن تيگىزەدى.
"قازىرگى تاڭدا تۇركىستان وبلىسىندا 6583 مەملەكەتتىك قىزمەتشى جۇمىس ىستەسە, بوس لاۋازىمدار سانى – 440. مەملەكەتتىك قىزمەتشىلەر ەندى كونكۋرستارعا جالپى نەگىزدە ەمەس, ىشكى كونكۋرسقا ۇقساس جەڭىلدەتىلگەن ءتارتىپ بويىنشا قاتىسادى. بۇل رەتتە, كونكۋرسسىز تاعايىندالاتىن مەملەكەتتىك ورگان ءبىرىنشى باسشىلارىنىڭ كومەكشىلەرى, كەڭەسشىلەرى, ءباسپاسوز حاتشىلارى تەستىلەۋدەن جəنە جەكە قاسيەتتەرىن باعالاۋدان وتكەن جاعدايدا وسى لاۋازىمعا ورنالاسقاننان كەيىن ءبىر جىل وتكەن سوڭ عانا ىشكى كونكۋرسقا قاتىسۋعا جىبەرىلەدى", - دەدى ايبەك اقبەرگەن ۇلى.
بريفينگ بارىسىندا دەپارتامەنت باسشىسى اۋىلدىق وكرۋگتەردىڭ اكىمدەرىنە وكىلەتتىك مەرزىمى اياقتالعاننان كەيىن ءبىر جىل ىشىندە كەز-كەلگەن "ب" كورپۋسى لاۋازىمدارىنا كونكۋرستىق ىرىكتەۋسىز ورنالاسۋ قۇقىعى بەرىلگەندىگىن ايتتى. "ا" كورپۋسىنىڭ كادر رەزەرۆىن قالىپتاستىرۋ جانە وعان ىرىكتەۋ تارتىپتەرى الىنىپ تاستالدى. سونداي-اق, اۋىلدىق وكرۋگتەردىڭ اكىمدەرى اپپاراتتارىندا جۇمىس ىستەۋگە نيەت بىلدىرگەن ازاماتتاردى الەۋمەتتىك قولداۋ ماقساتىندا ولاردى "ديپلوممەن اۋىلعا" باعدارلاماسىنا ەنگىزۋ كوزدەلۋدە.
تۇركىستان وبلىسى
