ايماقتار • 29 شىلدە، 2020

الماتىدا 202 ارمەنيالىق كولىك تىركەۋدەن ءوتتى

7 رەت كورسەتىلدى

پوليتسەيلەر ارمەنيا ەلىنەن كەلگەن كولىكتەردى ۋاقىتشا تىركەۋ مەرزىمى شەكتەۋلى ەكەنىن ەسكەرتتى. بۇل تۋرالى polisia.kz سىلتەمە جاساي وتىرىپ Egemen.kz حابارلايدى.

الماتى وبلىسىنىڭ ءتارتىپ ساقشىلارى مامانداندىرىلعان حالىققا قىزمەت كورسەتۋ ورتالىقتارىندا ارمەنيادان اكەلىنگەن كولىكتەردى ۋاقىتشا تىركەۋ مەرزىمىنىڭ از قالعانىن حابارلادى.

– قازىرگى ۋاقىتتا ارمەنيا مەملەكەتىنەن اكەلىنگەن كولىكتەردى تىركەۋ جالعاسۋدا. بۇل ەلىمىزدە تىركەلمەگەن كولىكتى مەملەكەتتىك تىركەۋگە قويۋ ءۇشىن بىرەگەي مۇمكىندىك. وسى شارا بارىسىندا 202 كولىك تىركەۋگە قويىلدى. ارمەنيالىق تىركەۋدەگى كولىگى بار ازاماتتاردى جەرگىلىكتى اكىمشىلىك پوليتسيا باسقارماسىنا حابارلاسىپ، مەملەكەت تاراپىنان جاسالىپ وتىرعان ۇتىمدى مۇمكىندىكتى پايدالانۋعا شاقىرامىن، – دەدى الماتى وبلىسى پد اكىمشىلىك پوليتسيا باسقارماسى باستىعىنىڭ ورىنباسارى نۇرجان تاڭاتاروۆ.

ەستەرىڭىزگە سالا كەتەيىك، مەملەكەت باسشىسىنىڭ تاپسىرماسىنا وراي قابىلدانعان قر ۇكىمەتىنىڭ 2020 جىلعى 20 مامىرىنداعى №306 قاۋلىسىنا سايكەس ارمەنيا رەسپۋبليكاسىنان اكەلىنگەن كولىكتەردى ەلىمىزدە ۋاقىتشا تىركەۋگە قويۋ ماسەلەسى بىرىزدەندىرىلگەن بولاتىن. اتالعان قۇجاتتا ۋاقىتشا تىركەۋ مەرزىمى 2020 جىلدىڭ 1 ماۋسىمىنان 1 قىركۇيەگىنە دەيىن دەپ كورسەتىلگەن. قازاقستان رەسپۋبليكاسىندا ۋاقىتشا تىركەۋگە قويىلعان ارمەنيا مەملەكەتىنىڭ كولىگىنە ءتيىستى ۇلگىدەگى مەملەكەتتىك تىركەۋ ءنومىرى بەرىلىپ، ولارعا سالىق تولەۋگە جانە كولىككە قاتىستى بارلىق زاڭدى ارەكەتتەردى ىسكە اسىرۋعا مۇمكىندىك جاسالادى.

سوڭعى جاڭالىقتار

شىڭعىستاۋدىڭ شاكىرى

ادەبيەت • كەشە

جانى ىزگى جۋرناليست

ەگەمەن قازاقستان • كەشە

ۇقساس جاڭالىقتار