الماتىلىق ونكولوگيالىق ورتالىق ديرەكتورى نۇرسۇلتان ىزماعامبەتوۆ وڭىرلىك كوممۋنيكاتسيالار قىزمەتىندەگى ونلاين-سۇحبات كەزىندە كوروناۆيرۋس پاندەمياسى كەزىندە ونكولوگيالىق اۋرۋلارمەن اۋىراتىن ادامدارعا مەديتسينالىق كومەك كورسەتۋ جۇمىستارى قالاي ءجۇرىپ جاتقاندىعى جايلى باياندادى.
ايتىلعان اقپاراتقا سايكەس, الماتىدا جىل سايىن ءتورت مىڭعا جۋىق قاتەرلى ىسىك اۋرۋلارى انىقتالادى. العاشقى جارتىجىلدىقتا ورتالىقتا جەتى مىڭنان استام ناۋقاس ەمدەلدى.
"بۇگىنگى تاڭدا شامامەن مىڭعا جۋىق وپەراتسيالار جاسالدى, بەس جارىم مىڭعا جۋىق ادام حيمياتەراپيا كۋرسىن الدى جانە 500 ادام ساۋلەمەن ەمدەۋدەن ءوتتى. ءبىزدىڭ نەگىزگى مىندەتى – ناۋقاستاردى ەرتەرەك انىقتاۋ, 100% ەمدەۋمەن قامتاماسىز ەتىلدى", – دەيدى ورتالىق ديرەكتورى.
نۇرسۇلتان ىزباعامبەتوۆ پاندەميا كەزىندە ونكوناۋقاستارمەن بايلانىستى دارىگەرلەردىڭ باقىلاۋىمەن ءبولىستى.
ء"بىز شىندىعىندا ءوزىمىزدىڭ تەراپيامىزبەن بارلىق ناۋقاستاردىڭ يممۋنيتەتىن اۋىر پرەپاراتتارمەن جانە ساۋلە تەراپياسىمەن باسامىز. بىراق ءبىر قىزىقتى بايقادىق, وسى ەمدەردى العان ناۋقاستارىمىزدىڭ اراسىندا COVID-19 جۇقتىرعاندار سانى از. حالىقارالىق تاجىريبەنى ساراپتاي وتىرا, دارىگەرلەر قاتەرلى ىسىك اۋرۋلارىنا قارسى قولدانىلاتىن پرەپاراتتاردى قولدانۋ كوروناۆيرۋس ينفەكتسياسىن دا باساتىنىن بايقاعان", – دەيدى.
دەگەنمەن, بۇل اقپاراتتار كوروناۆيرۋس ينفەكتسياسىن ەمدەۋدە اۋىر پرەپاراتتاردى قولدانۋ ۇسىنىلادى دەگەندى بىلدىرمەيدى.
سونىمەن بىرگە, نۇرسۇلتان ىزباعامبەتوۆ دارىلىك قامتاماسىز ەتۋگە قاتىستى سۇراقتارعا تۇسىنىكتەمە بەرە كەلە, ورتالىق قاجەتتى دارىلىك پرەپاراتتار قورىمەن قامتاماسىز ەتىلەتىندىگىن اتادى.
"جۇمىس بارىسىندا ۇدايى ءبىز مەديتسينالىق ساقتاندىرۋ قورىمەن جانە دارىلەرمەن قامتاماسىز ەتۋدە "سك-فارماتسيا" جشس وكىلدەرىمەن تىعىز بايلانىستا جۇمىس ىستەيمىز. ورتالىقتىڭ بارلىق دارىگەرلەرى دارىلىك پرەپاراتتارمەن تولىق قامتاماسىز ەتىلەدى", – دەيدى ن.ىزباعامبەتوۆ.
"ەلىمىزدىڭ بارلىق ونكولوگيالىق ورتالىقتارى سياقتى ءبىزدىڭ اۋرۋحانا دا بارلىق پرەپاراتتارمەن «سك-فارماتسيا» كومپانياسى ارقىلى قامتاماسىز ەتىلەدى. بيىلعى جىلى قاڭتاردا ءبىز پرەپاراتتاردىڭ جارتىجىلدىق قورىن الدىق, COVID-19 جانە شەكارانىڭ جابىلعانىنا, اۋە قاتىناستارىنىڭ ۇزىلگەنىنە قاراماستان, ءبىز ايتارلىقتاي قيىندىق كورمەدىك", – دەپ اتاپ وتكەن ول سۇيەكتەگى مەتوستازانى ەمدەۋگە ارنالعان پرەپاراتتار توبى ماۋسىم ايىنا جەتكەنىن ايتىپ تولىقتىردى.
ءوز كەزەگىندە الماتى قالاسىنىڭ اكىمدىگى, جەكەلەي العاندا, الماتى قالاسىنىڭ قوعامدىق دەنساۋلىق ساقتاۋ باسقارماسى وسى ماسەلەگە جاۋاپتى ورگان رەتىندە دارىلىك پرەپاراتتارمەن قامتاماسىز ەتىلۋ, قارجىلاندىرۋ جانە باسقا دا ۇيىمداستىرۋ ماسەلەلەرىن قاداعالايدى. ورتالىقتىڭ باس دارىگەرى اتاپ وتكەندەي, قازىرگى ۋاقىتتا ولاردىڭ قامتاماسىز ەتىلۋ ماسەلەسى شەشىلۋدە
الماتى
