جيىندا ايتىلعانداي, پاندەميا مەن الەۋمەتتىك وقشاۋلاۋ ءبىلىم بەرۋ تەحنولوگيالارى يندۋسترياسىنىڭ وڭ سەرپىنىنە اينالدى. بۇكىل الەمدە ءبىلىم بەرۋ جۇيەسىنىڭ جەدەلدەتىلگەن تسيفرلى تۇرلەنۋى جۇرۋدە. مەكتەپتەر, ۋنيۆەرسيتەتتەر جانە كاسىبي سەرتيفيكاتسيالار جىلدام ونلاين رەجىمگە كوشۋدە. بۇل سالانىڭ تسيفرلانۋى بولاشاقتىڭ ەمەس, بۇگىنگى كۇننىڭ جاعدايىنا اينالدى.
– 2020 جىل كوپكە دەيىن ەستە قالادى. بولاشاقتا زامانداستىرىمىز ءبىر عانا ماسەلەنى – EdTech اياسىندا الەۋمەتتىك قاشىقتىقتى ساقتاۋدا وڭ شەشىمدەر ىزدەۋدە بارشا الەم مەن ءار سالانىڭ وكىلدەرى بولىپ بىرلەسىپ جۇمىس ىستەگەنىن مىسالعا كەلتىرە وتىرىپ, تسيفرلى تۇرلەندىرۋدىڭ ءتۇرلى جولدارىن قاراستىراتىن بولادى. سوندىقتان ءبىز ەكونوميكانىڭ ەڭ ەكولوگيالىق تازا سالاسى – ءبىلىم بەرۋ سالاسىندا ۇتىمدى شەشىمدەر ۇسىنا الاتىن جانە حالىقارالىق ىنتىماقتاستىق قۇرا الاتىن ەڭ ۇزدىك مامانداردى جينادىق, – دەدى «احقو اكىمشىلىگى» اق باسقارما توراعاسىنىڭ ورىنباسارى ەرنۇر رىسماعامبەتوۆ.
ساراپشىلار جوعارى بىلىكتى IT-مامانداردى ىزدەستىرۋ جانە ءبىلىم سالاسىنا تارتۋدىڭ وزەكتى ماسەلەلەرىن; سالانىڭ الەۋمەتتىك وقشاۋلانۋدان جانە ءبىلىم بەرۋدىڭ تسيفرلى تۇرلەندىرۋدەن العان تاجىريبەسىن; تسيفرلى ەكونوميكاداعى ادام كاپيتالىنىڭ ءرولى جانە ءتورتىنشى ونەركاسىپتىك رەۆوليۋتسيا جاعدايىنداعى ءبىلىمنىڭ ورنى جايلى پىكىر الماستى.
– قازىرگى ۋاقىتتا ءبىلىم بەرۋ جۇيەسى ۇلكەن وزگەرىستەرگە ۇشىراپ جاتىر. ءبىلىم بەرۋدەگى تەز يكەمدەلە الاتىن جانە ءتيىمدى ادىستەر قولجەتىمدى بولىپ, سالانى تۇتاستاي وزگەرتەتىن يننوۆاتسيالىق ادىستەر پايدا بولۋدا. ءبىلىم بەرۋ سالاسىندا يننوۆاتسيالىق تەحنولوگيالاردى ۇتىمدى پايدالانعان قازاقستاندىق جوبالار مەن باستامالاردى كورىپ قۋاناسىز. قازىر ءبىلىم بەرۋدە قانداي وزگەرىستەر قاجەت ەكەنىن ءتۇسىنۋ ءۇشىن ءارتۇرلى ەكوجۇيە ماماندارىمەن سالاداعى وزگەرىستەردى تالقىلاۋدىڭ ۋاقىتى كەلدى, – دەدى «زەردە» ۇلتتىق ينفوكوممۋنيكاتسيالىق حولدينگى» اق باسقارما توراعاسىنىڭ ورىنباسارى پاۆەل كوكتىشەۆ.
فورۋم بارىسىندا ءبىلىم جۇيەسىنە قاتىستى كوپتەگەن ماسەلەلەر تالقىلانىپ, ناقتى شەشىمدەر شىعارىلدى.
