ايماقتار • 28 شىلدە، 2020

"Mercedes E240" يەسىنە قايتارىلدى

18 رەت كورسەتىلدى

"قايتقان مالدا قايىر بار" دەمەكشى استىنداعى جۇيرىگىنەن ايرىلىپ قالعان پەتروپاۆلدىق ونى پوليتسيا قىزمەتكەرلەرى وپ-وڭاي تاۋىپ بەرگەندە قاتتى قۋاندى، - دەپ حابارلايدى Egemen.kz.

ءبارى سول اراق ىشۋدەن باستالعان. ماشينانىڭ يەسى ءوزىنىڭ 45 جاستاعى تانىسىمەن اراقتى تويعانىنشا ءىشىپ، ەرتەسىنە ماشيناسىنا كەلسە، ونىڭ ورنىن سيپاپ قالادى. شارق ۇرىپ پوليتسياعا جۇگىنگەن ول تەمىر تۇلپارىنان ءۇمىتىن ۇزە باستاعاندا پوليتسيا حابارلاسىپ، كولىگىن الىپ كەتۋدى سۇراعان. سويتسە، ماشيناسىن ايداپ كەتكەن كەشە وزىمەن اراق ىشكەن بوتەلكەلەسى بولىپ شىققانىندا پەتروپاۆلدىق ەكى كوزى اتىزداي بولادى.

ول كولىكتى شايقالاقتاتىپ جۇرگىزىپ بارا جاتقان جەرىنەن ۇستالعان. ۋداي ماس جۇرگىزۋشى ايتەۋىر ەشتەڭەنى سوقپاي تۇرعاندا توقتاتىلادى. قازىر ول قاماۋعا الىنعان.

"الكوگولدىك ىشىمدىكتى بىرگە ىشكەننەن كەيىن سەرىگىنىڭ ءبىر زاتىن نەمەسە وسىلاي كولىگىن ءمىنىپ كەتۋ ءجيى ۇشىراساتىن جاعداي. وندايلار ءوزىنىڭ قىلىعىن نەمەن تۇسىندىرەرىن دە بىلمەي، تەك ءجۇرىپ كورگىم كەلدى دەگەن سىلتاۋمەن قۇتىلعىسى كەلەدى"، دەيدى پەتروپاۆل قالالىق پب ەكىنشى ءبولىمىنىڭ باستىعى، مايور رۋسلان سىزدىقوۆ.

وسىنداي جاعدايلاردان ساق بولۋ ءۇشىن پوليتسيا ماشينانىڭ دابىلى بولۋى كەرەكتىگىن، سونداي-اق قاراڭعىدا كولىكتى جارىق مولىراق تۇسەتىن جەرگە قالدىرۋعا كەڭەس بەرەدى.


پەتروپاۆل

سوڭعى جاڭالىقتار

شىعىسقا قار ءتۇستى

ايماقتار • كەشە

ۇقساس جاڭالىقتار