ايماقتار • 28 شىلدە، 2020

تاتارستان دارىگەرلەرى جامبىل وبلىسىنا كەلدى

25 رەت كورسەتىلدى

بۇگىندە الەمدى ابىگەرگە سالىپ تۇرعان قاۋىپتى ىندەتكە بايلانىستى مەديتسينالىق كومەك كورسەتۋدىڭ ماڭىزى زور. وسى ورايدا كوروناۆيرۋس ينفەكتسياسى مەن پنەۆمونيانى ەمدەۋ بويىنشا تاجىريبە الماسۋ ماقساتىندا تاتارستان مەملەكەتىنەن جامبىل وبلىسىنا ءبىر توپ دارىگەرلەر كەلدى، - دەپ حابارلايدى Egemen.kz.

اتالعان شارا جامبىل وبلىسىنىڭ اكىمى بەردىبەك ساپارباەۆتىڭ تاتارستان پرەزيدەنتى رۋستام ميننيحانوۆپەن كەلىسىمى بويىنشا قازاقستان رەسپۋبليكاسى رەسەي فەدەراتسياسىنداعى ەلشىلىگىنىڭ جانە مەملەكەت قايراتكەرى يمانعالي تاسماعامبەتوۆتىڭ قولداۋىمەن ۇيىمداستىرىلعان.

تاتارستان ءدارىگەرلەرىن تاراز قالاسىنداعى "اۋليە-اتا" حالىقارالىق اۋەجايىنان وبلىستىق دەنساۋلىق ساقتاۋ باسقارماسىنىڭ باسشىسى مارات جۇمانقۇلوۆ  جانە "تاراز" الەۋمەتتىك-كاسىپكەرلىك كورپوراتسياسى" ۇلتتىق كومپانياسى" اق باسقارما توراعاسى ولجاس كارجاۋوۆ كۇتىپ الدى. شەت ەلدەن كەلگەن دارىگەرلەردىڭ قاتارىندا دارىگەر-ينفەكتسيونيست، انەستەزيولوگ-رەانيماتولوگ، ەپيدەميولوگ جانە امبۋلاتوريالىق-ەمحانالىق سەكىلدى قىزمەتتىڭ ماماندارى بار. وبلىستىق اكىمدىكتىڭ مالىمەتىنشە، بۇگىنگى كۇنى وڭىردە تۇرعىنداردىڭ كوروناۆيرۋستىق ينفەكتسيامەن جانەپنەۆمونيامەن سىرقاتتانۋ جاعدايى تۇراقتى. دەگەنمەن، شەتەلدىك دارىگەرلەردىڭ تاجىريبەسى دە ءوز ناتيجەسىن بەرەدى دەپ كۇتىلۋدە. سونىمەن قاتار، مارات جۇمانقۇلوۆ تاتارستاننان كەلگەن ماماندار كوروناۆيرۋس پەن پنەۆمونيا ايماعىنداعى ەمدەۋ حاتتامالارىمەن تانىسىپ، جەرگىلىكتى دارىگەرلەرگە كونسۋلتاتسيالىق جانە ادىستەمەلىك كومەك كورسەتەدى.

و
"كەلگەندەردىڭ بارلىعى جوعارى ساناتتاعى بىلىكتى ماماندار. ولار وبلىستىق دەنساۋلىق ساقتاۋ جۇيەسىنىڭ، كوروناۆيرۋس جانە پنەۆمونيامەن اۋىراتىن ناۋقاستاردى ەمدەۋمەن اينالىساتىن ۇيىمداردىڭ جۇمىسىمەن تانىساتىن بولادى. بۇل اۋرۋحانالاردان بولەك ەمحانالىق نىسانداردى، ورتالىق اۋداندىق اۋرۋحانالاردى دا ارالاۋ جوسپارلانعان. رەسەي فەدەراتسياسىندا قاۋىپتى ىندەتتى ەمدەۋدىڭ جاقسى تاجىريبەسى قالىپتاستى. مەنىڭ ويىمشا، رەسەيلىك مامانداردىڭ كەلۋى بىزگە كەيبىر ماسەلەلەردى قايتا قاراپ، وسى باعىتتاعى جۇمىستاردى جاقسارتا تۇسۋگە مۇمكىندىك بەرەدى"، دەءيدى مارات جۇمانقۇلوۆ.

ال، تاتارستان رەسپۋبليكاسى دەنساۋلىق ساقتاۋ مينيسترلىگىنىڭ رەسپۋبليكالىق كلينيكالىق ونكولوگيالىق ديسپانسەرىنىڭ انەستەزيولوگ-رەانيماتولوگى الەكساندر ۆانيۋشين بۇل ەكىجاقتى ساپار ەكەنىن جەتكىزدى. "ءبىز بىرەۋگە بىردەڭە ۇيرەتۋ ءۇشىن ەمەس، كوروناۆيرۋستىق ينفەكتسيانى ەمدەۋدەگى تاجىريبەلەرىمىزدى سالىستىرۋ، اۋىر ناۋقاستاردى كۇتۋ مودەلى، مەديتسينالىق كومەك كورسەتۋ قۇرىلىمىنىڭ قالاي ۇيىمداستىرىلعانىن كورۋ جانە ءوز تاجىريبەمىزدىڭ ءتيىمدى تۇستارىمەن ءبولىسۋ ماقساتىندا كەلدىك"، دەيءدى ول. بۇل رەتتە ولجاس قارجاۋوۆ تاتارستان رەسپۋبليكاسى باسشىلىعىمەن دارىگەرلەر اراسىندا عانا ەمەس، سونىمەن قاتار ەكى ەلدىڭ بيزنەس وكىلدەرى اراسىندا دا ەكىجاقتى ىنتىماقتاستىق تۋرالى كەلىسىم ورناتىلعانىن ايتتى.

سونىمەن قاتار، ول ءازىرگە ىندەتكە بايلانىستى بۇل كەلىسىمنىڭ تولىعىمەن جۇزەگە اسپاي وتىرعانىن، بولاشاقتا تاتارستانعا تاجىريبە الماسۋ ماقساتىندا جامبىلدىق كاسىپكەرلەردىڭ، ونىڭ ىشىندە فارماتسەۆتيكالىق كومپانيالاردىڭ وكىلدەرىنىڭ جانە ءدارىحانالار جەلىسىءنىڭ يەلەرىنىڭ باراتىنىن جەتكىزدى.

 

جامبىل وبلىسى

سوڭعى جاڭالىقتار

اراق ساتىلمايتىن اۋدان

ايماقتار • كەشە

ۇقساس جاڭالىقتار