ايماقتار • 28 شىلدە، 2020

الاكول مەن بۋرابايدا دەمالۋشىلاردى قابىلداۋعا رۇقسات ەتىلدى

35 رەت كورسەتىلدى

بۇل تۋرالى قر مسم تۋريزم يندۋسترياسى كوميتەتىنىڭ توراعاسى داستان رىسپەكوۆ ايتتى، دەپ حابارلايدى Egemen.kz

"كۋرورتتىق ايماقتارداعى ورنالاستىرۋ ورىندارىنىڭ ۇزدىكسىز جۇمىس ىستەۋىن قامتاماسىز ەتۋ جانە تولەنگەن بروندار بويىنشا اقشالاي قاراجاتتىڭ قايتارىلۋىن بولدىرماۋ ماقساتىندا مادەنيەت جانە سپورت مينيسترلىگى وڭىرلەردىڭ اكىمدىكتەرىمەن بىرلەسىپ، جوعارىدا كورسەتىلگەن سانيتارلىق دارىگەرلەردىڭ قاۋلىلارىنا كەيبىر تولىقتىرۋلار ەنگىزۋ مۇمكىندىگىن تالقىلادى.

ناتيجەسىندە، الماتى وبلىسىنداعى الاكول كولىنىڭ جاعالاۋىندا، سونداي-اق ششۋچە-بۋراباي كۋرورتتىق ايماعىندا ورنالاسقان كۋرورتتىق ايماقتار بويىنشا كەلەسىدەي كەلىسىلگەن شەشىمدەرگە قول جەتكىزىلدى:

- تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ قىزمەتى بەرگەن ءتيىستى دايىندىق اكتىلەرى بار، ورنالاستىرۋ ورىندارىندا الدىن الا تولەنگەن بروندار بويىنشا دەمالۋشىلاردى قابىلداۋعا رۇقسات ەتىلەدى.

شىعىس قازاقستان وبلىسىنداعى الاكول كولىنىڭ جاعالاۋىندا وتباسىنىڭ ءبىر مۇشەسىنە پتر انىقتاماسىنىڭ بولۋى جاعدايىندا، بۇرىن كوزدەلگەن تالاپتاردى ەسكەرە وتىرىپ، دەمالۋىنا بولادى.

بلوك-بەكەتتەردەگى وتكىزۋ جۇيەسى تۋريستەردە ورنالاستىرۋ ورىندارى ۇسىنعان بروننىڭ بار-جوعى تۋرالى دەرەكتەرمەن سالىستىرىلاتىن بولادى"، - دەدى ول.

تۋريزم كوميتەتى توراعاسىنىڭ مالىمەتىنشە، بارلىق كۋرورتتىق ورىنداردا وسى جىلدىڭ جازعى تۋريستىك ماۋسىمىنىڭ سوڭىنا دەيىن برونداۋ ءۇشىن بوس ورىندار قالماعان.

سوڭعى جاڭالىقتار

ۇقساس جاڭالىقتار