تارازدا ءۇيى ورتەنىپ كەتكەن وتباسى باسپانالى بولدى

ايماقتار • 28 شىلدە، 2020

تارازدا ءۇيى ورتەنىپ كەتكەن وتباسى باسپانالى بولدى

46 رەت كورسەتىلدى

بيىلعى جىلعى ماۋسىم ايىنىڭ العاشقى كۇنىندە تاراز قالاسىنىڭ ميچۋرين كوشەسىندە ورنالاسقان ۇيدەن ءورت شىعىپ، ءتىلسىز جاۋدىڭ سالدارىنان ءبىر وتباسى دالادا قالعان بولاتىن، - دەپ حابارلايدى Egemen.kz.

حاميت ەسامان

كامەلەت جاسىنا تولماعان ءۇش بالاسىمەن باسپاناسىز قالعان ماريا كيرياكيديدىڭ جاعدايى الەۋمەتتىك جەلىلەر ارقىلى تاراپ، كوپشىلىكتىڭ پىكىرىن تۋدىرعان بولاتىن. جۋىردا اتالعان وتباسىنا جامبىل وبلىسى اكىمدىگىنىڭ ارالاسۋىمەن جاڭا باسپانا بەرىلدى.

اتالعان وقيعاعا قاتىستى شۇعىل ارەكەت ەتكەن وبلىستىق اكىمدىك اۋەلى كيرياكيديلەر وتباسىنا جاتاقحانا ۇسىنعان. الايدا، ءۇش بالاسىمەن دالادا قالعان انا بۇل ۇسىنىستان باس تارتقان. ناتيجەسىندە وبلىستىق جانە قالالىق اكىمدىكتىڭ اتسالىسۋىمەن جاناشىر كاسىپكەر بۇل وتباسىنا جاڭا باسپانا الىپ بەردى. قازىرگى كەزدە ماريا كيرياكيدي بالالارىمەن بىرگە شاھار ورتالىعىنا جاقىن ماڭدا ورنالاسقان جاڭا قونىسقا كوشىپ باردى. تاراز قالاسىنىڭ اكىمى ايتقازى قارابالاەۆ كيرياكيديلەر وتباسىنا ارنايى كەلىپ، ولاردى جاڭا قونىسىمەن قۇتتىقتادى. سونداي-اق، ول بۇل ماسەلە وبلىس باسشىلىعىنىڭ جەكە باقىلاۋىندا بولعانىن ايتا كەلىپ، وبلىستىق اكىمدىك اتىنان تۇرمىسقا قاجەتتى دۇنيەلەردى سىيلىق رەتىندە تابىستادى. بۇگىندە قۇنى 9،2 ميلليون تەڭگە بولاتىن ءتورت بولمەلى ءۇيدىڭ اۋلاسىندا اباتتاندىرۋ جۇمىستارى جۇرگىزىلۋدە.

ال، ماريا كيرياكيدي ءورت كەزىندە بارلىق قۇجاتتارىنىڭ جانىپ كەتكەنىن، قءازىر ولاردى قالپىنا كەلتىرۋ ۇستىندە ەكەنىن جەتكىزدى. سونىمەن قاتار، ول جەرگىلىكتى اكىمدىك پەن كاسىپكەر ازاماتتارعا العىسىن ءبىلدىردى. "قۇجات دايىن بولا سالىسىمەن، ءورت شىققان ءۇيدىڭ تەلىمىن بىزگە باسپانا الىپ بەرگەن كاسىپكەردىڭ اتىنا جازدىرىپ، مىنا جاڭا ءۇيىمدى وزىمە راسىمدەيمىن. وبلىستىق اكىمدىك وسى ماسەلەنىڭ وڭتايلى شەشىلىپ، ءبىزدىڭ دالادا قالماۋىمىزعا كوپ ىقپال ەتتى. سونداي-اق، ەرىكتىلەردىڭ دە ەرەكشە ىقىلاسپەن كومەك قولىنسوزعانىن ايتقىم كەلەدءى"، دەيدى ول. بۇدان بولەك، ماريا كيرياكيديگە تاراز قالالىق جۇمىسپەن قامتۋ جانە الەۋمەتتىك باعدارلامالار ءبولىمى ارقىلى 277 مىڭ تەڭگە كولەمىندە ءبىر رەتتىك جاردەماقى تولەندى.