ماسەلەن اقسۋ اۋدانىنىڭ جاڭاتىلەۋ اۋىلىنداعى ورتا مەكتەپتى وسىدان 30 جىل بۇرىن تامامداعان 1973 جىلى تۋعان تۇلەكتەر بيىل باس قوسۋ وتكىزبەك ەدى. جۇقپالى ىندەت قاۋىپى تونگەندە ول شارا كەيىنگە شەگەرىلگەن ەكەن. ەندى تويعا جۇمساماق بولعان جينالعان ازىن-اۋلاق قارجىعا اۋداندىق اۋرۋحانادا ەم الىپ جاتقان ناۋقاستار مەن دەرتپەن كۇرەسىپ جۇرگەن مەديتسينا قىزمەتكەرلەرءى ءۇشىن قىمىز, شۇبات ساتىپ الىپ, قوي سويىپ بەرىپتى. بۇل يگى ىسكە قاراشىلىك اۋىلىنىڭ تۇرعىنى, جەكە كاسىپكەرى امانتاي كالەلوۆ تە ءوز ۇلەسىن قوسىپتى.
"تۇلەكتەر اۋداندىق ورتالىق اۋرۋحانانىڭ پروۆيزورلىق جانە جۇقپالى اۋرۋلار بولىمىندەگى قىزمەت ەتەتىن مەديتسينا قىزمەتكەرلەرى جاتقان ە.سيحىموۆ اتىنداعى مەكتەپ ينتەرناتىنا بارىپ, قويدىڭ جاس ەتىن, قۇنارلى قىمىز, دارۋمەنگە تولى جەمىس جيدەك, ازىق-ت ۇلىكتەر مەن تاتتىلەر تارتۋ ەتتى. اق حالاتتى ابزال جاندارعا قولداۋ كورسەتىپ, قولدارىنان كەلگەن كومەكتەرىن كورسەتىپ جاتقان جومارت جاندارعا العىسىمىز شەكسىز", - دەيدى اقسۋ اۋدانىنىڭ اكىمى ەسىم بازارحانوۆ.
الماتى وبلىسى
