ۇيىمداستىرۋشىلاردىڭ ايتۋىنشا, ءار سەبەتكە كۇرىش, ۇن, ماكارون, جارما, جۇمىرتقا, وسىمدىك مايى, قانت جانە جەكە قورعانىش قۇرالدارى سالىنعان. ولاردىڭ دەنى جەرگىلىكتى كاسىپورىنداردا شىعارىلعان ازىق-ت ۇلىك ونىمدەرى.
قايىرىمدىلىق شاراسى اۋەلدە ەل استاناسى نۇر-سۇلتاندا باستالىپ, كەيىن وزگە ايماقتارداعى كاسىپكەرلەر ءىلىپ اكەتكەن. ء"بىرازى اقشالاي كومەك كورسەتىپ جاتىر. ال جەرگىلىكتى كاسىپورىندار وزدەرى شىعاراتىن ونىمدەرىمەن بولىسۋدە. بۇلاردىڭ ءبارى ەڭ ءبىرىنشى كەزەكتە قاجەت الەۋمەتتىك ماڭىزى بار ازىق-ت ۇلىك ونىمدەرى. سونداي-اق, كەيبىر كاسىپورىندار ليموناد, يوگۋرت, ءتۇرلى ءتاتتى تاعامدارىن اكەلىپ تاپسىرۋدا", - دەدى وبلىستىق كاسىپكەرلەر پالاتاسى ديرەكتورىنىڭ ورىنباسارى گەننادي كۋكوبا.
شاراعا جەڭىل ونەركاسىپپەن اينالىساتىن ءىرى كاسىپورىندار دا اتسالىسۋدا. ماسەلەن, جينالعان ازىق-ت ۇلىك قورى مەن قورعانىش قۇرالدارى جۇرتقا تاراتىلعانشا "بولشەۆيچكا" تىگىن فابريكاسىنىڭ قويماسىندا ساقتالادى. اتالمىش فابريكا اكتسيانى ۇيىمداستىرۋشىلارعا ارنايى كولىك ءبولىپ, 2 مىڭداي مەديتسينالىق ماسكا بەرگەن. "پاندەميا ءبىزدىڭ كاسىپورىنعا دا وڭاي ءتيىپ جاتقان جوق. ۆيرۋس جۇقتىرعان جۇمىسشىلار بار. سوعان قاراماستان, ءوندىرىستى توقتاتپاۋعا تىرىسىپ جاتىرمىز. قازىر قورعانىش قۇرالدارىنا تاپسىرىس بەرۋشىلەر كوپ. ال بىزگە ماتا جەتكىزىپ بەرۋشىلەر كەشىگىپ قالىپ جاتىر. ماتاسىز تاپسىرىس ورىندالمايدى. سوندىقتان كەزەك كۇتكەندەرگە جاعدايدى ءتۇسىندىرىپ, كۇتە تۇرۋىن سۇرايمىز. ايتەۋىر تاپسىرىس بەرۋشىلەر دە جاعدايدى ءتۇسىنىپ جاتىر", - دەيدى تىگىن فابريكاسىنىڭ باسشىسى ارسەن جەتپىسباەۆ.
قايىرىمدىلىق مارافونىنا ءىرى كاسىپورىندارمەن قاتار, شاعىن بيزنەسپەن اينالىساتىن جەكە كاسىپكەرلەر دە شاماسى كەلگەنشە ءوز ۇلەستەرىن قوسۋدا. جينالعان ازىق-ت ۇلىك سەبەتتەرىنىڭ ءار قايسىسىنىڭ سالماعى 30 كەلىنىڭ ار جاق-بەر جاعىندا. الەۋمەتتىك سەبەتتەردى ءار وتباسىنا ەرىكتىلەر جەتكىزىپ بەرەدى.́
قوستاناي وبلىسى
