قازاقستان • 27 شىلدە، 2020

قازاقستاندا ازىق-ت ۇلىك تاپشىلىعى بولمايدى – اشم

30 رەت كورسەتىلدى

2020 جىلدىڭ 24 شىلدەسىندەگى مالىمەت بويىنشا رەسپۋبليكادا 708،5 مىڭ توننا ازىق-ت ۇلىك تاۋارلارىنىڭ قورى بار. بۇل تۋرالى اۋىل شارۋاشىلىعى ۆيتسە-ءمينيسترى نۇربەك دايىربەكوۆ ايتتى، دەپ حابارلايدى Egemen.kz.

"بيىلعى 24 شىلدەدەگى جاعداي بويىنشا رەسپۋبليكادا 713،8 مىڭ توننا ازىق-ت ۇلىك قورى بار، ونىڭ ىشىندە تۇراقتاندىرۋ قورلارىندا 34 مىڭ توننا، ءوندىرىس كاسىپورىندارىندا 210 مىڭ توننا، قويمالاردا 155 مىڭ توننا، ال بولشەك ساۋدا جەلىلەرىندە 315 مىڭ توننادان استام. بۇدان وزگە 402 ميلليوننان استام جۇمىرتقا جانە 2،1 ميلليون توننا ازىق-ت ۇلىك بيدايى بار"، - دەدى اۋىل شارۋاشىلىعى مينيسترلىگىنىڭ وكىلى.

ۆيتسە-ءمينيستردىڭ ايتۋىنشا، تەز بۇزىلاتىن ونىمدەردىڭ قورى ءبىر اپتا نەمەسە ودان دا كوپ، جارامدىلىق مەرزىمى ۇزاق تاۋارلاردى ساقتاۋدى قامتاماسىز ەتۋ بىرنەشە ايعا دەيىن سوزىلادى.

"ايتا كەتۋ كەرەك، ازىق-ت ۇلىك ءوندىرىسى جاڭا ءونىم جيناۋ ەسەبىنەن ارتىپ، قور ۇنەمى جاڭارىپ، تولىقتىرىلىپ وتىرادى. سوندىقتان الەۋمەتتىك ماڭىزى بار ازىق-ت ۇلىك ونىمدەرىنىڭ تاپشىلىعى سەزىلمەيدى جانە كۇتىلمەيدى. 2020 جىلدىڭ قاڭتار-ماۋسىم ايلارىندا تاماق ونىمدەرىن ءوندىرۋ كولەمى اقشالاي تۇردە 904 ملرد تەڭگەنى قۇرادى، بۇل وتكەن جىلدىڭ سايكەس كەزەڭىمەن سالىستىرعاندا 19،4% كوپ"، - دەدى ول.

سونىمەن بىرگە سپيكەر قازىرگى ۋاقىتتا الماتى، جامبىل، قىزىلوردا جانە تۇركىستان وبلىستارىندا كارتوپ، پياز، ءسابىز، قىرىققابات، قيار، قىزاناق جيناۋ جۇمىستارى ءجۇرىپ جاتقانىن اتاپ ءوتتى. سوندىقتان اۋىل شارۋاشىلىعى مينيسترلىگىندە باعانىڭ ماۋسىمدىق تومەندەۋى كۇتىلۋدە.

سوڭعى جاڭالىقتار

ۇقساس جاڭالىقتار