وڭتۇستىك قازاقستان • 27 شىلدە، 2020

تۇركىستاندا قىز ۇزاتىپ، كەلىن تۇسىرگەندەرگە ايىپپۇل سالىندى

1028 رەت كورسەتىلدى

تۇركىستان وبلىسىندا كوروناۆيرۋستى ينفەكتسيانىڭ الدىن الۋ ماقساتىندا دەمالىس كۇندەرى ءموبيلدى توپتارمەن كارانتين رەجىمى كەزىندە قىزمەتىن جۇزەگە اسىراتىن وبەكتىلەرگە مونيتورينگىلەۋ جۇمىستارى جۇرگىزىلدى، دەپ حابارلايدى Egemen.kz

ناتيجەسىندە، تەكسەرىلگەن 1328 نىساننىڭ 206-سى كارانتين تالاپتارىن بۇزعانى  انىقتالدى. ولارعا ءتيىستى حاتتاما تولتىرىلىپ، ايىپپۇل سالىندى. جالپى، اكىمشىلىك قۇقىقبۇزۋشىلىق تۋرالى 183 حاتتاما تولتىرىلعان. سونداي-اق رەيد بارىسىندا تىيىم سالىنعان وتباسىلىق، مەرەكەلىك ءىس-شارالار انىقتالىپ، توقتاتىلدى. مىسالى، قازىعۇرت اۋدانى تۇربات ەلدى مەكەنىندە 32 قوناق شاقىرىلعان، تولەبي اۋدانى زاعامبار ەلدى مەكەنىندە جانە سايرام اۋدانىندا 50-دەن اسا ازامات جينالعان قىز ۇزاتۋ تويلارى ءوتىپ جاتقاندىعى انىقتالدى.

سايرام اۋدانىندا 2-بەتاشار جانە ۇجىمدىق وتباسىلىق مەرەكەسىن وتكىزۋ فاكتىلەرى،  ارىس اۋدانىندا 35-40 ادامنىڭ باسى قوسىلعان 3-بەتاشار، قىز ۇزاتۋ، كەلەس اۋدانى جولباسشى ەلدى مەكەنىندە 30 قوناققا بەتاشار وتكىزىلىپ جاتقانى انىقتالىپ، موبيلدىك توپ تاراپىنان وتباسىلىق ءىس-شارالار توقتاتىلدى. توي يەلەرىنە اكىمشىلىك قۇقىق بۇزۋشىلىق تۋرالى حاتتاما تولتىرىلىپ، 30 اەك كولەمىندە ايىپپۇل سالىندى.

سونىمەن قاتار تولەبي اۋدانىندا 4 دەمالىس  ورنىنىڭ جۇمىس ىستەپ جاتقانى زەردەلەۋ بارىسىندا انىقتالىپ، حاتتاما تولتىرىلا جۇمىسى توقتاتىلدى جانە  230 اەك كولەمىندە ايىپپۇل سالىندى. تۇركىستان وبلىسىنىڭ باس مەملەكەتتىك سانيتاريالىق دارىگەرىنىڭ قاۋلىسىنا سايكەس جابىلعان نىسانداردىڭ جۇمىسىن جالعاستىرعانى جانە رۇقسات ەتىلگەنىمەن ۋاقىتى شەكتەلگەنىنە قاراماستان جۇمىس ىستەپ جاتقاندارى دا انىقتالدى.

سوڭعى جاڭالىقتار

75،7 ملن ادام ايتۆ جۇقتىردى

مەديتسينا • كەشە

2021 جىلعى ورازا كەستەسى

رۋحانيات • كەشە

ۇقساس جاڭالىقتار