قۇجاتتا جەكە تۇلعالار ءۇشىن ءوسىمپۇلدى ەسەپتەن شىعارۋ بويىنشا سالىقتىق راقىمشىلىق تۋرالى نورما قاراستىرىلعان, دەپ حابارلادى قر قم مەملەكەتتىك كىرىستەر كوميتەتىنىڭ ءباسپاسوز قىزمەتى.
ايتا كەتەيىك, 2020 جىلعى 1 ساۋىردەگى جاعداي بويىنشا سالىق تولەۋشىنىڭ جەكە شوتىندا ەسەپتە تۇرعان جانە ونى تولەۋ كۇنىنەن كەش ەسەپتەلگەن جەكە تۇلعالاردىڭ م ۇلىك, جەر جانە كولىك سالىقتارى بويىنشا وسىماقىلار ەسەپتەن شىعارىلادى.
"سالىق بويىنشا نەگىزگى بورىش سوماسىن تولەۋ ەسەپتەن شىعارۋدىڭ باستى شارتى بولىپ تابىلادى. ءوسىمپۇل تولەنگەن سالىقتىڭ ءتۇرى بويىنشا ەسەپتەن شىعارىلادى.
2020 جىلعى 1 قازانعا دەيىنگى مەرزىمدە تولەنۋى قاجەت 2019 جىلعى م ۇلىك سالىعى مەن جەر سالىعى بويىنشا مىندەتتەمەلەر قوسىلمايدى.
سالىقتىق راقىمشىلىق جاساۋ مەرزىمى – 2020 جىلعى 31 جەلتوقسانعا دەيىن.
وسىعان بايلانىستى مەملەكەتتىك كىرىستەر ورگاندارىنىڭ بارلىق اۋماقتىق بولىمشەلەرىندە ءوسىمپۇلدى ەسەپتەن شىعارۋ جونىندەگى كوميسسيالار قۇرىلاتىن بولادى.
ءوسىمپۇلدى ەسەپتەن شىعارۋ ءۇشىن ەشقايدا بارۋدىڭ قاجەتى جوق. بورىشتىڭ نەگىزگى سوماسىن تولەۋ جەتكىلىكتى. ءوسىمپۇل اۆتوماتتى ەسەپتەن شىعارىلادى", - دەلىنگەن ۆەدومستۆو مالىمەتىندە.
